Ախալցխայի մունիցիպալիտետի նորընտիր քաղաքապետ Վարլամ Ծիկլաուրին այսօր պաշտոնապես սկսեց իր լիազորությունների կատարումը։
Պետական ներկայացուցչի տեղակալ Սերգի Մուշկուդիանին քաղաքապետարանի աշխատակիցներին, քաղաքապետարանի ենթակա կառուցվածքային ստորաբաժանումների ղեկավարներին և իրավաբանական անձանց տնօրեններին ներկայացրեց նոր ղեկավարին և մաղթեց նրան հաջողություններ հետագա գործունեության մեջ։
Հանդիպման ժամանակ Վարլամ Ծիկլաուրին շնորհակալություն հայտնեց նախկին քաղաքապետ Իրակլի Լազարաշվիլիին և քաղաքապետարանի յուրաքանչյուր աշխատակցի՝ քաղաքապետարանի զարգացման գործում ունեցած իրենց աշխատանքի և ներդրման համար։ Նա հույս հայտնեց, որ հաջորդ չորս տարիները քաղաքապետարանի համար կլինեն արդյունավետ և հաջողակ՝ համատեղ անձնուրաց աշխատանքի շնորհիվ։
Այսօր Վարլամ Ծիկլաուրին աշխատակիցներին ներկայացրեց քաղաքապետի տեղակալներին։ Ռուբեն Կարապետյանը կշարունակի աշխատել այս պաշտոնում, իսկ նոր քաղաքապետի տեղակալը կլինի ֆինանսական ոլորտում երկարամյա աշխատանքային փորձ ունեցող Նոդար Տատալիշվիլին։