Մենք փորձում ենք փոխըմբռնման հուշագիր ստորագրել Վրաստանի Ազգային բանկի հետ մեր ապագա համագործակցության վերաբերյալ բազմաթիվ ոլորտներում, — ասաց ՀՀ Կենտրոնական բանկի նախագահ Մարտին Գալստյանը Թբիլիսիի ֆինանսական գագաթնաժողովում լրագրողների հետ զրույցի ժամանակ։
«Նախևառաջ, ես կցանկանայի շնորհակալություն հայտնել Վրաստանի Ազգային բանկին և կառավարությանը այս գագաթնաժողովին մասնակցելու հնարավորության համար: Կարծում եմ, որ սա հիանալի հնարավորություն է մտքեր փոխանակելու ինչպես պետական, այնպես էլ մասնավոր հատվածի գործընկերների հետ: Համագործակցության բազմաթիվ հնարավորություններ կան», — ասաց ՀՀ Կենտրոնական բանկի նախագահը։
Նրա խոսքով՝ «ՀՀ Կենտրոնական բանկը պատրաստ է համագործակցել մասնավոր հատվածի ներկայացուցիչների հետ ֆինտեխ ոլորտի հնարավոր զարգացման շուրջ»։
«Մենք նաև մտածում ենք տարածաշրջանային զարգացման մասին: Ահա թե ինչու մենք փորձում ենք փոխըմբռնման հուշագիր ստորագրել Վրաստանի Ազգային բանկի հետ մեր ապագա համագործակցության վերաբերյալ բազմաթիվ ոլորտներում, այդ թվում՝ թվային ակտիվների և ֆինանսական կարգավորումների», — նշեց Մարտին Գալստյանը։