Կենտրոնական ընտրական հանձնաժողովի կարգադրությամբ, հոկտեմբերի 30-ին, ժամը 11:00-ին, Վրաստանի ողջ տարածքում գումարվել են 2025 թվականի հոկտեմբերի 4-ի ընտրությունների արդյունքում ընտրված քաղաքային խորհուրդների առաջին նիստերը։ Նորընտիր քաղաքապետերի և քաղաքային խորհրդի անդամների լիազորությունները կսկսվեն հոկտեմբերի 29-ին։
Ըստ ԿԸՀ-ի, Թբիլիսիի քաղաքային խորհրդի առաջին նիստը կբացի ԿԸՀ նախագահ Գիորգի Կալանդարիշվիլին, իսկ շրջաններում նիստերը՝ համապատասխան շրջանային ընտրական հանձնաժողովների նախագահները։
ԿԸՀ-ն այսօր կայացած նիստում ամփոփել է Թբիլիսիի քաղաքապետի և քաղաքային խորհրդի ընտրությունների արդյունքները։
Արդյունքների համաձայն՝ Թբիլիսիի քաղաքապետ է ընտրվել «Վրացական երազանքի» թեկնածու Կախա Կալաձեն։ Նա ստացել է 215,363 ձայն՝ 71.627%։
Կենտրոնական ընտրական հանձնաժողովի տվյալներով՝ Թբիլիսիի քաղաքապետի ընտրություններին մասնակցել է 324,798 ընտրող։
ԿԸՀ-ն նաև ամփոփել է համամասնական ընտրակարգով անցկացված Թբիլիսիի քաղաքային խորհրդի ընտրությունների արդյունքները։ Ամփոփիչ արձանագրության համաձայն՝ ընտրություններին մասնակցած ընտրողների թիվը կազմել է 325,061։ Թբիլիսիի քաղաքային խորհրդի մանդատները բաշխվել են հետևյալ կերպ. — «Պահպանողականներ Վրաստանի համար»՝ 1 մանդատ, «Հզոր Վրաստան-Լելո»՝ 2, «Գիրչի»՝ 2, «Վրացական երազանք»՝ 20 մանդատ։
Մեծամասնական ընտրակարգով անցկացված ընտրությունների արդյունքում «Վրացական երազանքը» ստացել է Թբիլիսիի քաղաքային խորհրդի բոլոր 25 մանդատները։
Ընտրությունների արդյունքները ամփոփվել են նաև երկրի ողջ տարածքում գտնվող շրջանային ընտրական հանձնաժողովների կողմից։ ԿԸՀ-ն այսօրվա նիստում ստացել է տեղեկատվություն քաղաքային խորհրդի անդամներ և քաղաքապետ ընտրված անձանց մասին՝ համաձայն ամփոփիչ արձանագրությունների։