Ուկրաինայի նախագահի գրասենյակի ղեկավար Անդրեյ Երմակը հայտարարել է, որ երկրի ղեկավարությունը ցանկանում է մինչև ձմեռ փոխել ռազմական գործողությունների ընթացքը:
«Այժմ կարևոր է ռուսներին թույլ չտալ պատերազմը տեղափոխել ձմեռ: Նախագահ Վոլոդիմիր Զելենսկին լուրջ է տրամադրված և պատրաստ է անել ամեն ինչ, որ մենք հնարավորինս շուտ ազատագրենք մեր տարածքները»,- նշել է Երմակը:
Նրա խոսքով՝ շատ բան է կախված ուկրաինացի զինվորների ուսուցումից: Ուկրաինայի նախագահի գրասենյակի ղեկավարը «խոստացել է». շուտով անակնկալներ կլինեն: