Վրաստանի մշակույթի, սպորտի և երիտասարդության նախարարության տարածքում ընթացող վերականգնողական աշխատանքների ընթացքում նախարարության ավտոտնակի տակ հին դամբարաններում հայտնաբերված աճյունները տեղափոխվել են Խոջևանքի հայ գրողների և հասարակական գործիչների պետական պանթեոն։
Գործընթացին մասնակցում էին մշակույթի, սպորտի և երիտասարդության նախարար Թեա Ծուլուկիանին, Վրաստանում Հայաստանի Հանրապետության դեսպան Աշոտ Սմբատյանը, վիրահայ համայնքի անդամ Վան Բայբուրթն ու Հայ Առաքելական եկեղեցու Վիրահայոց թեմի առաջնորդ Կիրակոս վարդապետ Դավթյանը։
Նախարարության տարածքում ընթացող վերականգնողական աշխատանքների ընթացքում ի սկզբանե հայտնաբերվել է երկու տապանաքար, որից հետո նախարարությունն անմիջապես դադարեցրել է աշխատանքային գործընթացը և տարածք է հրավիրել Մշակութային ժառանգության պահպանության գործակալության հնագետներին։ Հայտնաբերման մասին ծանուցում է ուղարկվել հայ համայնքին և պարոն Վան Բայբուրթին, քանի որ հայտնի է, որ նախկինում այդ տարածքում հայկական եկեղեցի է եղել, իսկ եկեղեցու հարող տարածքում գերեզմանատուն, որն ավիրվել է խորհրդային տարիներին։
Հնագետներն աշխատել են նաև նախարարության ներքին բակի այլ հատվածներում և հայտնաբերել հինգ մնացորդներ։ Նրանցից երկուսը հայտնաբերվել են տապանաքարերի վրա պահպանված արձանագրությունների շնորհիվ։ Ինչպես երևում է էպատաժից, մի գերեզմանը պատկանում է հայոց տաճարի քահանա Օհանեզ Տեր Պողոսյանին, իսկ մյուսը` կնոջը։
Նախարարության, վիրահայ համայնքի և Հայ առաքելական եկեղեցու վիրահայոց թեմի առաջնորդ Կիրակոս վարդապետ Դավթյանի պայմանավորվածության հիման վրա հայտնաբերված տապանաքսրերը եւ դամբարանների գտածոները տեղափոխվել է Հայկական պանթեոն։
ՀՀ դեսպանը շնորհակալություն է հայտնել Վրաստանի իշխանություններին ցուցաբերած հոգատարության համար՝ բարձր գնահատելով վրաց ժողովրդի վերաբերմունքը քաղաքակրթական և քրիստոնեական համընդհանուր արժեքների նկատմամբ։
Նշենք՝ Վրաստանի մշակույթի նախարարության և Թբիլիսիի 104-րդ հայկական դպրոցի կենտրոնում` հողային աշխատանքերի ընթացքում, հայտնաբերվել էին մարմարե տապանաքարեր՝ հայերեն գրությամբ։ Այդ վայրում 14-րդ դարից ի վեր գտնվել է վիրահայոց թեմի ամենակարևոր առաջնորդանիստ եկեղեցին, որ օծված էր «Սուրբ Աստվածածին» անվամբ, բայց ամբողջ համալիրը կոչվել է «Վանքի մայր տաճար» կամ «Վանքի եկեղեցի»:
«Խոջիվանքի» պանթեոն են տեղափոխվել շինաշխատանքների ժամանակ հայտնաբերված հայերեն գրությամբ տապանաքարերը
