Վրաստանի վարչապետ Իրակլի Ղարիբաշվիլին այսօր կներկայացնի կրթության և գիտության նոր նախարարին։
Այս տեղեկությունը սոցցանցում տարածում է Վրաստանի կառավարության վարչակազմի ռազմավարական հաղորդակցությունների դեպարտամենտի ղեկավար Նինո Գիորգոբիանին։
Կառավարությունում նիստը տեղի կունենա այսօր՝ ժամը 14:00-ին։
Կրթության նախարարի պաշտոնը 2019 թվականից զբաղեցնում է Միխեիլ Չխենկելին։
Ըստ տեղեկությունների՝ Կրթության և գիտության նախարարի պաշտոնում Միխեիլ Չխենկելիին կփոխարինի Գիորգի Ամիլախվարին։ Ամիլախվարին 2021 թվականից գլխավորում է Վրաստանի խորհրդարանի կրթության և գիտության հանձնաժողովը։
Այս մասին տեղեկանում ենք Վրաստանի առաջին ալիքի կայքից։