Ախալցխա քաղաքի 21 մարզահրապարակներից 9-ը վնասված են և վերականգնման կարիք ունեն, տեղեկությունը հաստատում են Ախալցխայի քաղաքապետարանից։
Մեր լրագրողը նկարահանել է ապրիլի 9-ի, Ռուսթավելիի և Կոստավայի փողոցների մարզահրապարակները։
Ինչպես երևում է լուսանկարներից, վնասվել են գորգերը, ֆուտբոլի և բասկետբոլի դարպասները, շրջակա ենթակառուցվածքներն ու ցանկապատերը։
Բացի փոքր մարզահրապարակներից, տարիների ընթացքում վնասվել է նաև կենտրոնական մարզադաշտը։ Տեղի բնակիչները պատմում են, որ մարզահրապարակների ներկայիս վիճակը դժվարացնում է առողջ ապրելակերպ վարելն ու այնտեղ մրցումներ անցկացնելը։
Ի՞նչ չափանիշների պետք է համապատասխանի մարզահրապարակը, և ի՞նչ դժվարություններ են առաջացնում քաղաքացիների համար վնասված ենթակառուցվածքները։ -Սպորտային համալսարանի պրոֆեսոր Մերաբ Մաիսուրաձեի կարծիքով՝ անհրաժեշտ է, որ մակերեսը փափուկ լինի, որպեսզի ծնկների ու գոտկատեղի հետ կապված խնդիրներ չառաջանան։
Ախալցխայի քաղաքապետարանից ստացված տեղեկատվության համաձայն՝ քաղաքում կա 82 փողոց, որոնցից 18-ը՝ մարզահրապարակներ։