Ախալցխայի քաղաքապետ Իրակլի Լազարաշվիլին փետրվարի 27-ին, հարցազրույցի ժամանակ, թե երբ են գործարկվելու նոր ավտոբուսները, մեզ խնդրեց սպասել ևս մեկ-երկու շաբաթ։ Մենք սպասեցինք․․․ Դրանից հետո անցել է 29 օր։ Ո՞ր փուլում է քաղաքային տրանսպորտի զարգացման նոր պլանը և կոնկրետ ժամկետները։
Ախալցխայի քաղաքապետարանում տրանսպորտի մեկնարկի ամսաթիվը չեն ասում ու ասում են, որ իրենք կհայտարարեն։ Ինչպես քաղաքապետ Իրակլի Լազարաշվիլին ասաց ավտոբուսները բերելու օրը՝ փետրվարի 16-ին, ծրագրում են աշխատանքի ընդունել 37 վարորդների, որոնց ամսական կվճարեն 1000 լարի։ Այն, ինչ մենք հիմա գիտենք՝ Ախալցխայի քաղաքապետարանը 18 ավտոբուսի և հատուկ տեխնիկայի համար 356400 լարիով վարձակալել է կառավարության հետ կապ ունեցող անձին պատկանող տարածքը։
Սա այն տարածքն է, որը քաղաքապետարանը նախատեսում էր գնել 2 մլն 600 հազար լարիով, և որում կոռուպցիոն ռիսկեր է տեսել «Միջազգային թափանցիկություն – Վրաստան» կազմակերպությունը։
Խոսքը Ախալցխայի տարածքի մասին է՝ բեռնատար կայարանում, որը պատկանում է ՕՕՕ «Silk Road Engineering» պետական ընկերությանը։ Սա միակ ընկերությունն էր, որ մասնակցել է քաղաքապետարանի հայտարարած մրցույթին։
Քաղաքապետարանը 18 ամսով տարածք է վարձել։ Ախալցխայի քաղաքապետարանը ձեռք է բերել ավելի քան 6 մլն լարի արժողությամբ 18 ավտոբուս, որոնք փետրվարի 16-ին առաքվել են Ախալցխա։