«Ադրբեջանական ավիաուղիների» ինքնաթիռի կործանման հետ կապված Ռուսաստանի ու Ադրբեջանի միջև հարաբերություններում սեպ խրել փորձողները դատապարտված են ձախողման՝ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ:
«Շատերը ցանկանում են դրանից օգուտ քաղել, սակայն հաջողության չեն հասնի, քանի որ ձախողման են դատապարտված այն ժողովուրդների և երկրների միջև սեպ խրելու փորձերը, որոնք ունեն նման համատեղ պատմություն, պատասխանատվության գոտի, այդ թվում՝ տարածաշրջանային, և զարգացման նման հեռանկարներ»,- ասել է ՌԴ ԱԳՆ խոսնակը:
Նա հավելել է, որ Մոսկվան Բաքվի հետ հարաբերություններում պատրաստ է կառուցողական ճանապարհով լուծել բոլոր խնդրահարույց հարցերը: