Ուկրաինայի արտգործնախարարը X-ի միկրոբլոգում անդրադարձել է Մոսկվայից հնչող հայտարարություններին, որ հակամարտության կարգավորման համար անհրաժեշտ է վերացնել դրա հիմնապատճառները:
Անդրիյ Սիբիհան նշել է՝ պատերազմի հիմնական պատճառն այն է, որ Վլադիմիր Պուտինը ժխտում է Ուկրաինայի գոյության իրավունքը: «Նա փորձում է ուժով փոխել սահմանները։ Այնպես որ, այո՛, եկեք վերացնենք այդ խնդիրը»,- նշել է դիվանագետը:
Մեկ այլ գրառմամբ նա հայտնել է, որ հեռախոսազրույց է ունեցել ԱՄՆ պետքարտուղար Մարկո Ռուբիոյի հետ՝ շարունակելու Ուկրաինա-ԱՄՆ երկխոսությունը։
«Ռուսաստանի լայնածավալ ագրեսիայի երրորդ տարելիցին ընդառաջ ընդգծել եմ, որ Կիևը ցանկանում է հասնել համապարփակ, արդար և կայուն խաղաղության, որը նաև կուժեղացնի Ուկրաինան և ԱՄՆ-ը»,- նշել է Սիբիհան։