Ամենշաբաթյա ճեպազրույցի ժամանակ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Լեռնային Ղարաբաղից տեղահանված անձանց հետ կապված հումանիտար հարցերը գտնվում են Ռուսաստանի ուշադրության կենտրոնում:
«Առաջիկայում նախատեսվում է նոր՝ բավական խոշոր մարդասիրական ակցիա ռուսական մարդասիրական առաքելության տեղական հասարակական կազմակերպություններից մեկի գծով»,- ասել է Զախարովան։
Նա նշել է, որ ռուսական կողմը 2023 թվականին մարդասիրական բեռներ է ուղարկել Հայաստան, մասնավորապես՝ 6 տոննա սննդամթերք, անձնական հիգիենայի պարագաներ: