Սամցխե-Ջավախքի նահանգապետ Իոսեբ Ալիբեգաշվիլին, Ախալցխայի սակրեբուլոյի նախագահ Սաբա Կբիլաշվիլին, մունիցիպալիտետի քաղաքապետ Վարլամ Ծիկլաուրին և սակրեբուլոյի նախագահի առաջին տեղակալ Դավիթ Տաբատաձեն հանդիպել են մանկապարտեզների մանկավարժների հետ։
Հանդիպման ընթացքում պաշտոնյաները շնորհավորել են մասնակիցներին մասնագիտական զարգացման դասընթացը հաջողությամբ ավարտելու կապակցությամբ և հանձնել վկայականներ։
Այս տարի ընտրված 28 աշխատակիցներ, այդ թվում՝ մանկավարժներ և մանկապարտեզների ղեկավարներ, ավարտել են նախադպրոցական կրթության մանկավարժների մասնագիտական զարգացման 66-ժամյա վերապատրաստման ծրագիրը։ Դասընթացը բաղկացած էր 11 հանդիպումից և նպատակ ուներ զարգացնել մասնակիցների մասնագիտական գիտելիքներն ու հմտությունները։
Միջոցառմանը ներկա են եղել նաև նահանգապետի աշխատակազմի ղեկավար Թորնիկե Խմալաձեն և նախադպրոցական կրթության հաստատության տնօրեն Լելա Զազաձեն։