Եվրամիությունը կվերլուծի Հայաստանի կառավարության հավանությանն արժանացած օրինագիծը կառույցին անդամակցության գործընթաց սկսելու մասին և հարցը կքննարկի Հայաստանի իշխանությունների հետ։ Բրյուսելում «Արմենպրես»-ի թղթակցի հետ զրույցում այս մասին ասել է ԵՄ արտաքին հարաբերությունների  և  անվտանգության հարցերով գլխավոր խոսնակ Անիտա Հիպերը։  «Տեղյակ ենք Հայաստանի եվրոպական ինտեգրման գործընթացին վերաբերող օրինագծի մասին, կվերլուծենք այն և կքննարկենք Հայաստանի իշխանությունների հետ։ Մինչ այդ, մենք…

Սահմանափակումների պատճառով Մոսկվայից ու Երևանից չվերթներն ուղղվել են դեպի Սամարայի և Վոլգոգրադի այլընտրանքային օդանավակայաններ: Այդ մասին հայտնել է РИА Новости գործակալությունը՝ վկայակոչելով Սարատովի «Գագարին» օդանավակայանը: Ավելի վաղ «Ռոսավիացիան» ժամանակավոր սահմանափակումներ էր կիրառել Սարատովի օդանավակայանում թռիչքների համար: Նաև հունվարի 11-ի առավոտյան թռիչքների ժամանակավոր սահմանափակումներ են մտցվել Կազանի, Նիժնեկամսկի և Ուլյանովսկի օդանավակայաններում, ավելի ուշ դրանք հանվել են:

ԱՄՆ և Ուկրաինայի նախագահները հեռախոսազրույց են ունեցել: Ըստ Սպիտակ տան հաղորդագրության՝ Ջո Բայդենը և Վոլոդիմիր Զելենսկին քննարկել են Կիևին Վաշինգտոնի աջակցությունը և Ուկրաինայի դիրքերն ամրապնդելուն ուղղված ջանքերը: Անդրադարձ է եղել մարտի դաշտում իրավիճակին:   Սպիտակ տնից հիշեցրել են, որ Միացյալ Նահանգները նոր պատժամիջոցներ է սահմանել Ռուսաստանի էներգետիկ ոլորտի, մասնավորապես՝ նավթագազային ընկերությունների և դրանց ղեկավարների դեմ:…

Միացյալ Նահանգները նոր պատժամիջոցներ է սահմանել ռուսական նավթագազային ընկերությունների և դրանց ղեկավարների նկատմամբ: ԱՄՆ ֆինանսների նախարարության պատժամիջոցների ցուցակում են ներառվել «Զարուբեժնեֆտի» ղեկավար Սերգեյ Կուդրյաշովը, «Գազպրոմնեֆտի» ղեկավար Ալեքսանդր Դուկովը, «Լուկօյլի» համասեփականատեր Վագիթ Ալեքպերովի որդին և այլք: Պատժամիջոցների տակ են հայտնվել «Գազպրոմնեֆտ» և «Սուրգուտնեֆտեգազ» ընկերությունները, սերբական NIS ընկերությունը, որը «Գազպրոմնեֆտի» դուստր ձեռնարկությունն է: Սահմանափակումներ են կիրառվել նաև…

ՄԱԿ-ի Անվտանգության խորհուրդը ողջունել է Ժոզեֆ Աունի ընտրությունը Լիբանանի նախագահի պաշտոնում: Կառույցն ընդգծել է, որ նոր նախագահի ընտրությունը վճռորոշ է պետական հաստատությունների լիարժեք գործունեության ապահովման, հատկապես Լիբանանի քաղաքական, տնտեսական և անվտանգության մարտահրավերներին դիմակայելու համար: Անվտանգության խորհրդի անդամները վերահաստատել են իրենց աջակցությունը Լիբանանի տարածքային ամբողջականությանը, ազգային ինքնիշխանությանը և քաղաքական անկախությանը: Լիբանանի նախագահի պաշտոնում Ժոզեֆ Աունի ընտրությունը…

Ուկրաինայի նախագահ Վոլոդիմիր Զելենսկուն ընդունել է Իտալիայի վարչապետը: Ջորջիա Մելոնին վերահաստատել է համակողմանի աջակցությունը, որն Իտալիան ցուցաբերում է Ուկրաինայի պաշտպանությանը և ուկրաինացի ժողովրդին։ Զելենսկին հանդիպել է նաև Իտալիայի նախագահ Սերջիո Մատարելլայի հետ: Իտալիայի նախագահը նույնպես վստահեցրել է, որ Հռումը կշարունակի աջակցել Կիևին: Նա նշել է, որ օգնելով Ուկրիանային՝ երկրները նպաստում են ամբողջ Եվրոպայի անվտանգության ամրապնդմանը:

Ռուսաստանի նախագահ Վլադիմիր Պուտինը պատրաստ է առանց որևէ նախապայմանի հանդիպելու ԱՄՆ նոր նախագահ Դոնալդ Թրամփի հետ՝ հայտարարել է Դմիտրի Պեսկովը: ՌԴ նախագահի մամուլի քարտուղարի խոսքով՝ նման շփումների կազմակերպման համար ցանկություն և քաղաքական կամք են պահանջվում Վաշինգտոնից: «Նախագահ Պուտինը բազմիցս հայտարարել է օտարերկրյա ղեկավարների, այդ թվում՝ Դոնալդ Թրամփի հետ շփումների համար բաց լինելու մասին: Դրա համար…

Հարավային Կովկասում բացվել է հարատև խաղաղության, կայունության և բարգավաճման պատմական հնարավորության պատուհան՝ հայտարարել է Թուրքիայի արտգործնախարար Հաքան Ֆիդանը: «Ես հավատում եմ, որ Հայաստանն էլ կգործի երկարաժամկետ ռազմավարական ընկալմամբ։ Կարևոր ենք համարում վարչապետ Փաշինյանի դրական ուղերձներն այս ուղղությամբ։ Մենք արձանագրում ենք, որ նա դիրքորոշում է արտահայտում հօգուտ խաղաղության, նպաստում է այդ գործընթացում դրական առաջընթացին»,- ասել է…

Եվրախորհրդարանի՝ Հայաստանի հարցով մշտական զեկուցող Միրիամ Լեքսմանն անդրադարձել է Հայաստանի՝ Եվրոպական միությանն անդամակցելու գործընթացի մեկնարկի մասին օրինագծի վերաբերյալ ՀՀ կառավարության դրական եզրակացությանը: «Ես անկեղծորեն ողջունում եմ ԵՄ-ին անդամակցության գործընթաց սկսելու Հայաստանի կառավարության որոշումը։ Այն երկրները, որոնք համապատասխանում են անհրաժեշտ պայմաններին և կիսում են մեր արժեքները, միշտ պետք է ցանկալի լինեն»,- X-ի իր միկրոբլոգում գրել է…

ԱՄՆ Կալիֆոռնիա նահանգում անտառային հրդեհները շարունակում են զանգվածային ավերածությունների պատճառ դառնալ: CNN-ի հաղորդմամբ՝ Լոս Անջելեսի շրջանի բժշկական փորձաքննության վարչությունը հայտնել է, որ հինգշաբթի երեկոյան ծանուցում է ստացել հրդեհի հետևանքով 10 մահվան դեպքի մասին: Լոս Անջելեսի տասնյակ հազարավոր բնակիչների պարտադիր տարհանման հրաման է տրվել: Իրավիճակը սրում են ուժեղ քամիները, որոնք ժամանակավորապես դադարեցրել են ավիացիայի աշխատանքը: Հրդեհները…

Վրաստանում կստեղծվի հատուկ հանձնաժողով, որը կուսումնասիրի նախկին նախագահ Միխեիլ Սաակաշվիլու կառավարման ժամանակաշրջանի՝ 2003-2012 թթ. կառավարության և քաղաքական գործիչների գործունեությունը: Խորհրդարանի ընդունած եզրակացությունը կուղարկվի Վրաստանի դատախազություն և այլ համապատասխան մարմիններ՝ հետագա միջոցներ ձեռնարկելու համար: Վրաստանի իշխող «Վրացական երազանք» խմբակցության ղեկավար Մամուկա Մդինարաձեն ընդգծել է, որ հանձնաժողովը կստեղծվի խորհրդարանի գարնանային նստաշրջանի առաջին շաբաթվա ընթացքում: «Վրաստանում գործում է…

Ռուսաստանի փոխվարչապետ Ալեքսեյ Օվերչուկը մեկնաբանել է Հայաստանի՝ Եվրոպական միությանն անդամակցելու գործընթացի մեկնարկի մասին օրինագծի վերաբերյալ ՀՀ կառավարության դրական եզրակացությունը: Նրա խոսքով՝ Ռուսաստանն այդ քննարկումը դիտարկում է որպես ԵԱՏՄ-ից Հայաստանի դուրս գալու սկիզբ: Օվերչուկը նշել է, որ ԵԱՏՄ-ն և ԵՄ-ն անհամատեղելի են, ուստի Հայաստանը կանգնելու է ընտրության առաջ: «ԵԱՏՄ-ի հետ հարաբերությունների դադարեցման դեպքում Հայաստանում մի կողմից…

ԱՄՆ պետքարտուղարի քաղաքական հարցերով տեղակալի պաշտոնակատար Ջոն Բասը երկօրյա այցով ժամանել է Անկարա՝ բարձրաստիճան պաշտոնյաների հետ քննարկելու նախագահ Բաշար Ասադի ռեժիմի անկումից հետո Սիրիայում ստեղծված խնդիրները՝ գրում է Hurriyet-ը: Մասնավորապես, ուշադրության կենտրոնում է Սիրիայի հյուսիսում Քրդական ինքնապաշտպանական ուժերի (YPG) ներկայության հարցը։ Պարբերականը հիշեցնում է, որ այցը տեղի է ունենում այն ​​ժամանակ, երբ Անկարան խստացրել է…

Իսրայելի վարչապետ Բենիամին Նեթանյահուն չեղարկել է հունվարի 20-ին նախատեսված այցը Միացյալ նահանգներ՝ մասնակցելու նորընտիր նախագահ Դոնալդ Թրամփի երդմնակալության արարողությանը: Այս մասին հայտնում է The Times of Israel թերթը՝  վկայակոչելով Իսրայելի կառավարության ղեկավարի օգնականներից մեկին։ Պարբերականի աղբյուրը չի հստակեցրել, թե ինչու է Իսրայելի կառավարության ղեկավարը հրաժարվել այդ ծրագրից։ Հունվարի 1-ին The Times of Israel-ը գրել էր,…

Ռուսաստանի նախագահի մամուլի քարտուղար Դմիտրի Պեսկովը լրագրողների հետ ճեպազրույցի ժամանակ անդրադարձել է նաև Կովկասում տիրող իրավիճակին: Նա նշել է, որ Հարավային Կովկասը Ռուսաստանի համար հեռավոր տարածաշրջան չէ և Մոսկվան շահագրգռված է այնտեղ խաղաղությամբ, կայունությամբ ու անվտանգությամբ և կշարունակի զարգացնել հարաբերությունները Բաքվի ու Երևանի հետ։ «Մենք ցանկանում ենք, որ Կովկասում լինի խաղաղություն, կայունություն, կանխատեսելիություն, փոխվստահության մթնոլորտ…

Եվրասիական տնտեսական միությանն անդամակցելը Հայաստանին իրական օգուտներ է բերում, բայց անհնար է միաժամանակ լինել այս ասոցիացիայի և Եվրամիության անդամ, ասել է ՌԴ նախագահի մամուլի խոսնակ Դմիտրի Պեսկովը։ «Հայաստանը Եվրասիական տնտեսական համայնքի անդամ է, և այս անդամակցությունը շատ դրական դիվիդենտներ է բերում Հայաստանի համար՝ թե՛ պետության, թե՛ այս երկրի ժողովրդի համար», — ասել է Պեսկովը։ Նա…

Սեսիլիա Սալան իրանական բանտում երեք շաբաթ անցկացնելուց հետո վերադարձել է Իտալիա՝ գրում է Euronews-ը։ Հռոմի օդանավակայանում նրան դիմավորել են ծնողները, գործընկերը և վարչապետ Ջորջա Մելոնին՝ արտգործնախարար Անտոնիո Տայանիի ու Հռոմի քաղաքապետ Ռոբերտո Գուալտիերիի ուղեկցությամբ։ Շատերը համարում են, որ լրագրողն ազատ է արձակվել վարչապետի ջանքերի շնորհիվ: Il Foglio օրաթերթի լրագրող Սալան Թեհրանում ձերբակալվել էր դեկտեմբերի 19-ին՝…

ՌԴ Սարատովի մարզի Էնգելս քաղաքում չորեքշաբթի՝ հունվարի 8-ի առավոտյան, «Ռոսռեզերվ» նավթի պահեստին ուկրաինական անօդաչու թռչող սարքի հարվածից հետո հրդեհի տարածքը մինչև երեկո մեծացել է, և այդ պատճառով իշխանությունները արտակարգ իրավիճակ են հայտարարել։ Այս մասին հայտնել է շրջանի նահանգապետ Ռոման Բուսարգինը։ Նրա խոսքով՝ ԱԻՆ հրշեջ ծառայության երկու աշխատակից զոհվել է, մեկ հրշեջ էլ վիրավորվել է։ Ավելի…

Գերմանիայի կանցլեր Օլաֆ Շոլցը խիստ քննադատության է ենթարկել Գրենլանդիայի վերաբերյալ ԱՄՆ նորընտիր նախագահ Դոնալդ Թրամփի վերջին հայտարարությունները: Իր ելույթում Շոլցն ընդգծել է սահմանների անխախտելիությունը՝ որպես միջազգային իրավունքի հիմնարար սկզբունք, որը հավասարապես կիրառելի է բոլոր երկրների համար: Նա պարզաբանել է, որ այն գործում է ամբողջ աշխարհում: «Այս սկզբունքը վերաբերում է բոլոր երկրներին՝ անկախ նրանց չափից և…

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին հայտնում են Թուրքիայի նախագահի աշխատակազմից։ Համաձայն տարածված հաղորդագրության՝ զրույցի ընթացքում երկու ղեկավարները քննարկել են Թուրքիայի ու Ադրբեջանի միջև երկկողմ հարաբերությունները, տարածաշրջանային և գլոբալ հարցեր։ Էրդողանը գոհունակությամբ նշել է, որ Թուրքիան ու Ադրբեջանը շարունակում են զարգացնել համագործակցությունը բոլոր ոլորտներում՝ առաջնորդվելով «մեկ…

Մեքսիկայի նախագահ Կլաուդիա Շեյնբաումն առաջարկել է ամերիկյան մայրցամաքն անվանել Մեքսիկական՝ ի պատասխան ԱՄՆ նորընտիր նախագահ Դոնալդ Թրամփի՝ Մեքսիկական ծոցն Ամերիկյան ծոց վերանվանելու մտադրության մասին հայտարարությանը, որն արվել է երեքշաբթի։ Մեքսիկայի նախագահը նշել է. «Փաստ է, որ Մեքսիկական ծոցը ՄԱԿ-ի կողմից ճանաչված անուն է: Բայց ինչո՞ւ մենք մայրցամաքը չենք անվանում Մեքսիկական Ամերիկա: Գեղեցիկ է հնչում, այնպես…

Եվրամիությունը չճանաչված Մերձդնեստրի իշխանություններին կոչ է արել դադարեցնել էներգիայի մատակարարման վերաբերյալ Մոլդովայի առաջարկների արգելափակումը էներգետիկ ճգնաժամի ֆոնին, որն առաջացել է այն բանից հետո, երբ «Գազպրոմը» դադարեցրել է գազի մատակարարումը Մերձդնեստր: Այդ մասին հայտարարել է ԵՄ արտաքին գործերի և անվտանգության քաղաքականության հարցերով մամուլի քարտուղար Անիտա Հիպերը, գրում Է Politico-ն։ «Տիրասպոլին կոչ ենք անում համագործակցել Քիշնևի հետ՝…