Ազգային ժողովրդավարական բևեռն այսօր կրկին «Շրջափակում՝ հանուն ապաշրջափակման» խորագրով ակցիա է իրականացրել Գյումրիում տեղակայված ռուսական 102-րդ ռազմաբազայի մոտ։ Ակցիայի մասնակիցները հայտարարել են՝ պահանջում են, որ ռուսաստանցի խաղաղապահները կատարեն եռակողմ հայտարարությամբ ստանձնած՝ Բերձորի միջանցքի երկկողմանի անխափան աշխատանքի պարտավորությունը: Ակցիայի մասնակիցները, ինչպես նախորդ շաբաթ, այսօր էլ հավաքվել են «Մայր Հայաստան» հուշահամալիրի տարածքում, իրենց աջակցությունն են հայտնել արցախահայությանը՝…

Առողջապահության նախարարությունը 1300-ից ավելի խրոնիկական և ուռուցքաբանական դեղամիջոցների գնային շեմ է սահմանել։ Առողջապահության նախարարության տրամադրած տեղեկատվության համաձայն՝ դեղագործական ընկերությունները փետրվարի 15-ից այլևս չեն կարողանա նշված գնից բարձր դեղեր վաճառել։ Նրանց տվյալներով՝ դեղագործական ոլորտը գները վերանայելու համար ժամանակ ունի մինչև հունվարի 31-ը։ Եթե ​​ոլորտը որեւէ դեղամիջոցի գնի վերաբերյալ հիմնավոր փաստարկ ներկայացնի, նախարարությունում ստեղծված հատուկ խորհուրդը կքննարկի…

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով Արցախի Առողջապահության նախարարության «Հանրապետական բժշկական կենտրոն» ՓԲԸ-ից չորս հիվանդներ՝ «Ձախակողմյան հիդրոնեֆրոզ», «Հղիություն I, 13 շաբաթական, քրոմոսոմային տրիսոմիայի բարձր ռիսկ՝ Դաունի համախտանիշ, հիպոթիերոզ», «Աջ կրծքագեղձի մուլտիցենտրիկ քաղցկեղ» և «Անհասների ռետինոպաթիա IV-V աստիճան, ծիածանաթաղանթի ռուբիոզ, եղջերաթաղանթի պղտորում, լեյկոկորիա, աֆակիա» ախտորոշումներով, այսօր Կարմիր Խաչի միջազգային կոմիտեի միջնորդությամբ և ուղեկցությամբ…

Վերջերս Վրաստանում ՀՀ դեսպան Աշոտ Սմբատյանին շնորվեց արտակարգ եւ լիազոր դեսպանի կոչում։  Akhaltskha.net- ը ներկայացնում է հարցազրույց Վրաստանում ՀՀ արտակարգ եւ լիազոր դեսպանի հետ։  Վրաստանում ՀՀ դեսպանի դերի եւ առաքելության մասին։ Դեսպան— Իրապես ինձ համար մեծ պատիվ է և պատասխանատվություն լինել ՀՀ դեսպան եղբայրական Վրաստանում։ Վրաստանը ՀՀ-ի համար ունի առանձնահատուկ դեր և նշանակություն ու ես…

Այսօր՝ հունվարի 14-ին Վրաստանը նշում է պետական դրոշի օրը: Օրվա առթիվ Ախալքալաքի ապագայի տան սաները կազմակերպել էին փոքրիկ միջոցառում, որին ներկա էին Շրջանային ժողովի նախագահ Նաիրի Իրիցյանը, Ախալքալաքի փոխքաղաքապետ Մկրտիչ Մղդեսյանը, տեղական ինքնակառավարման մարմնի այլ ներկայացուցիչներ, ծնողներ և հյուրեր : Ապագայի տան տարբեր խմբակների սաները հանդես եկան երաժշտական և պարային համարներով, ինչպես նաև ներկայացրին դրոշի…

Մոլդովայի սահմանապահներն Ուկրաինայի հետ սահմանին գտնվող Լարգա բնակավայրի մոտ հրթիռի բեկորներ են հայտնաբերել։ Այս մասին շաբաթ օրը հայտնել են Մոլդովայի ներքին գործերի նախարարությունից: Նշվում է, որ բեկորների անկման վայրը շրջափակված է, տեղում աշխատում են սակրավորներ: Սա Ուկրաինայում ռազմական գործողությունների ընթացքում հանրապետության տարածքում հրթիռի կամ դրա բեկորների ընկնելու երրորդ դեպքն է։

Իրաքը վերջին շրջանում ներքին գործերի նախարարության կազմից ավելի քան 6 հազար զինծառայող է տեղակայել Իրանի և Թուրքիայի հետ սահմանին՝ հայտնել է Իրաքի ՆԳՆ ղեկավար Աբդել Ամիր աշ-Շամարին։ «Մենք ավելի քան 6 հազար զինծառայող ենք տեղակայել Իրաքյան Քրդստանում՝ Իրանի և Թուրքիայի հետ սահմանին: Իրաքի սահմանները կարմիր գիծ են, և մենք ոչնչի առջև կանգ չենք առնի նրա…

Ուկրաինայի ամբողջ տարածքում հնչել է օդային տագնապի ազդանշանը՝ հայտնել են ուկրաինական լրատվամիջոցները: Երկրի բնակչությանը կոչ են արել թաքնվել ապաստարաններում: Նշվում է նաև, որ Ուկրաինայի հարավում հրթիռներ են նկատվել։ Հաղորդվում է Նիկոլաևի, Օդեսայի, Խմելնիցկի մարզերում հակաօդային պաշտպանության համակարգերի աշխատանքի մասին։ Պայթյուններ են հնչել Վիննիցայի շրջանում, Կրիվոյ Ռոգում, Խմելնիցկի, Նիկոլաևի շրջաններում, Դնեպրում, ինչպես նաև Կիևի մարզում և…

Պերուի նախագահ Դինա Բալուարտեն երկրի գլխավոր դատախազությանը կոչ է արել հետաքննություն անցկացնել երկրում հակակառավարական ելույթներին օտարերկրյա գործակալների հնարավոր մասնակցությունը պարզելու համար: «Որքան հնարավոր է շուտ արդյունքներ են պետք, որպեսզի պարզենք, թե ով է իրականում պատասխանատու բռնության գործողությունների համար»,- ասել է նախագահը, սակայն չի հստակեցրել, թե որ երկրի ներկայացուցիչների մասին է խոսքը։ Բալուարտեն ողջունել է բողոքի…

Արցախում գտնվող այն ուսանողները, որոնք Լաչինի միջանցքի արգելափակման հետևանքով շրջափակման մեջ են հայտնվել, կարող են քննություններին հեռավար մասնակցել: Հայաստանյան բուհերը ստեղծված իրավիճակում առաջնորդվելու են ԿԳՄՍ նախարարության շրջաբերականով. անհատական մոտեցում է ցուցաբերվելու այս պահին Արցախում գտնվող ուսանողների նկատմամբ, մասնավորապես՝ բացակայությունները հարգելի համարելու, ուսումնական պլանով նախատեսված ընթացիկ և միջանկյալ քննությունների հանձնման գործընթացների համար սահմանվելու է հատուկ ձևաչափ…

Տաջիկստանի և Ղրղզստանի նախագահներ Էմոմալի Ռահմոնը և Սադիր Ժապարովը շաբաթ օրը կայացած հեռախոսազրույցի ընթացքում հանդես են եկել երկու երկրների ընդհանուր սահմանի սահմանազատման և սահմանագծման շուրջ բանակցային գործընթացի ակտիվացման օգտին: Այս մասին հայտնել են Տաջիկստանի նախագահի մամուլի ծառայությունից։ Նշվում է, որ վերջին շրջանում ավարտվել է սահմանի շուրջ 100 կմ-անոց գծի նկարագրությունը։ Այսպիսով, սահմանի համաձայնեցված գիծն արդեն…

Արցախում ստեղծված էներգետիկ ճգնաժամի պայմաններում բնակչության նվազագույն էներգետիկ կարիքների բավարարման ու կենսական նշանակության օբյեկտների անխափան գործունեության ապահովումը շարունակում է խնդիր մնալ՝ հայտնել է տեղեկատվական շտաբը: Հունվարի 9-ից ադրբեջանական վերահսկողության տակ գտնվող տարածքից անջատվել է Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս վերացնել վթարը: Արցախի 120 հազար բնակչությունը փաստացի զրկված է անխափան էներգամատակարարման հնարավորությունից,…

Ըստ կանխատեսումների՝ Վրաստանում քամին կհանդարտվի հունվարի 15-ից, իսկ մինչև հունվարի 20-ը սպասվում է հիմնականում առանց տեղումների եղանակ։ Շրջակա միջավայրի ազգային գործակալության տվյալներով՝ հունվարի 15-ից 20-ն ընկած ժամանակահատվածում օդի ջերմաստիճանը ցածրադիր գոտիներում կբարձրանա մինչև +11, +16 աստիճան: Բացի այդ, այսօր՝ հունվարի 14-ին, Արևմտյան Վրաստանում կպահպանվի առանց տեղումների և քամու եղանակ: Օդերևութաբանների կանխատեսումների համաձայն՝ այսօրվանից մինչև հունվարի…

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով Արցախի առողջապահության նախարարության «Հանրապետական բժշկական կենտրոն» ՓԲԸ-ից հինգ հիվանդ՝ «Վիճակ երիկամի փոխպատվաստումից հետո, ձախակողմյան փոքր երիկամ, պարբերական հիվանդություն», «Հղիություն VII, 19-20 շաբաթ, պտղի մոտ 21, 18, 13 քրոմոսոմային տրիսոմիաների բարձր ռիսկ», «Ձախ կրծքագեղձի քաղցկեղ», «Ձախ թոքի քաղցկեղ» և «Վիճակ ականապայթյունային վիրավորումից հետո հետվիրահատական անօֆթալմ, ինտեգրացված իմպլանտի…

Ադրբեջանը պետք է դադարեցնի Լեռնային Ղարաբաղում 120 000 մարդու համար արտաքին աշխարհի հետ միակ կապող օղակի՝ Լաչինի միջանցքի շրջափակումը՝ Twitter-ի իր միկրոբլոգում գրել է շվեդ պատգամավոր Բյորն Զյոդերը: «Հակառակ դեպքում դա կվերածվի հսկայական մարդասիրական աղետի։ Միջազգային հանրությունը պետք է արձագանքի և ճնշում գործադրի Ադրբեջանի վրա»,- գրել է պատգամավորը։

Եվրամիությունը մտահոգված է իրավապաշտպաններ և քաղաքական ակտիվիստներ Բախտիար Հաջիևի և Թոֆիգ Յաղուբլուի ձերբակալությամբ, ինչպես նաև վերջերս Էլչին Սադիգովի և Ավազ Զեյնալլիի նախնական կալանքի ժամկետների երկարաձգմամբ: Այս մասին նշված է ԵՄ արտաքին քաղաքականության ծառայության մամուլի քարտուղար Պետեր Ստանոյի հայտարարության մեջ։ «Մենք կոչ ենք անում Ադրբեջանի իշխանություններին՝ ազատ արձակել նրանց, ովքեր գտնվում են անազատության մեջ իրենց հիմնական…

«Քաղաքական Խաչմերուկ»-Իրակլի Ղարիբաշվիլու Երեւան կատարած այցի արդյունքների վերաբերյալ, ինչպես նաեւ Արցախի եւ ՀՀ-ի շուրջ տեղի ունեցող նոր գործընթացների մասին:

7 մարդ է զոհվել, 12-ը վիրավորվել են ԱՄՆ հարավային նահանգներում մոլեգնող մի շարք պտտահողմերի հետևանքով։ Ալաբամա նահանգի Սելմա քաղաքի տասնյակ տներ և ձեռնարկություններ փլատակների են վերածվել կամ մեծ վնասներ են կրել, գրում է Euronews-ը: Ալաբամայի մեկ այլ հատվածում պտտահողմը 30 կիլոմետր լայնությամբ ճանապարհ է փորել: Հաղորդվում է, որ մի շրջանում էլ տորնադոն օդ է նետել…

Հայաստանի և Արցախի Մարդու իրավունքների պաշտպանների հաստատությունները հրապարակել են Լաչինի միջանցքի արգելափակման հումանիտար հետևանքների վերաբերյալ արտահերթ զեկույց՝ 2023 թ. հունվարի 13-ի դրությամբ նոր թարմացված տվյալներով։ Զեկույցում Պաշտպաններն անդրադարձել են Լաչինի միջանցքի խնդրին միջազգային կառույցների, գործիչների և մեդիայի արձագանքին, Լաչինի միջանցքը շրջափակելու վերաբերյալ Ադրբեջանի բարձրաստիճան պաշտոնյաների և հասարակային գործիչների կողմից սադրիչ հայտարարություններին, Ադրբեջանի բարձրաստիճան պաշտոնյաների կողմից…

Շվեյցարիան թույլ չի տվել Իսպանիային իր զենքը մատակարարել Ուկրաինային, գրում է 20 Minuten թերթը։ «Իսպանիան ցանկանում էր աջակցել Ուկրաինային ռազմական տեխնիկա մատակարարելու հարցում, սակայն դրա համար անհրաժեշտ է արտադրող երկրի՝ Շվեյցարիայի համաձայնությունը, որը Մադրիդը չի ստացել»,- ասվում է հրատարակության մեջ։ Պարբերականը նշում է, որ Բեռնը դիրքորոշումը հիմնավորել է երկրի չեզոք կարգավիճակով և ռազմական նյութերի մասին…

Արցախում տեղակայված ռուսական խաղաղապահ զորակազմի միջոցով վարած բանակցությունների շնորհիվ «Ղարաբաղ տելեկոմ» ՓԲ ընկերության տեխնիկական մասնագետներին հաջողվել է մեկնել վթարման վայր և տեղում համապատասխան աշխատանքներ իրականացնել մալուխի վնասված մասը վերականգնելու ուղղությամբ։   Այս պահի դրությամբ Արցախի ողջ տարածքում ինտերնետ կապը վերականգնված է։   Նշենք, որ հունվարի 12-ից Արցախի Հանրապետության ողջ տարածքում ինտերնետ կապը խափանվել էր` Հայաստանից…

Ռուս զինվորականները հայտարարել են Սոլեդարն ամբողջությամբ իրենց հսկողության տակ վերցնելու մասին։ Այս փոքրիկ քաղաքը ծառայում է որպես հարավ-արևմուտքում գտնվող մյուս, առավել կարևոր և խոշոր Բախմուտ քաղաքի ուկրաինական պաշտպանության հենակետ, գրում է BBC-ն: ՌԴ ՊՆ պաշտոնական ներկայացուցիչ Իգոր Կոնաշենկովի խոսքով՝ ռուսական ստորաբաժանումները Սոլեդարը գրավել են հունվարի 12-ի երեկոյան։ Նրա խոսքով՝ դա թույլ է տալիս կտրել Բախմուտում…

Իսրայելում Ուկրաինայի դեսպան Եվգենի Կորնիյչուկը Իսրայելի իշխանությունների գործողություններից Կիևի դժգոհության մասին լուրերի ֆոնին ասել է, որ երկու երկրի արտգործնախարարներ Դմիտրո Կուլեբայի և Էլի Քոհենի հեռախոսազրույցը հետաձգվել է «տեխնիկական խնդիրների» պատճառով։ Հունվարի 3-ին տեղի էր ունեցել Ռուսաստանի և Իսրայելի արտգործնախարարներ Սերգեյ Լավրովի և Էլի Քոհենի հեռախոսազրույցը։ Ըստ Times of Israel-ի՝ Կիևը ցանկանում էր, որ Քոհենը նախ…

Այսօր տեղի ունեցած ասուլիսի ընթացքում Ֆրանսիայի ԱԺ նախագահ Յաել Բրոն-Պիվեն պատասխանեց այն հարցին, թե արդյոք իր երկիրը պատրաստվո՞ւմ է ճանաչել ԼՂ անկախությունը: «Դուք գիտեք Ֆրանսիայի դիրքորոշումը, այսօր Ֆրանսիան չի ճանաչում ԼՂ անկախությունը: Սա համապատասխանում է միջազգային իրավունքին, որին մենք ենթարկվում ենք»,- ասաց նա:

Շրջակա միջավայրի ազգային գործակալության տեղեկատվության համաձայն, հունվարի 14-ից Վրաստանում եղանակը կբարելավվի։ Ինչպես նշել է Շրջակա միջավայրի ազգային գործակալության գլխավոր օդերևութաբան Թամար Գուլեդանին, արևմտյան Վրաստանում քամին կդադարի, իսկ արևելքում ձյունը կդադարի։ «Այսօր Արեւմտյան Վրաստանում կպահպանվի առանց տեղումների եւ քամու եղանակ։ Կոլխեթիի հարթավայրում և Զեմո Իմերեթիում քամու ուժգնությունը վայրկյանում կհասնի 20-25 մետրի։ Ջերմաստիճանը կհասնի 8-13 աստիճանի: Արեւելյան…

Մեզ համար պարտավորություն է լինել այստեղ, որովհետև առկա են լարվածություններ, որոնք ակտիվանում են և խոցելի դարձնում Հայաստանը: Այս մասին այսօր ՀՀ ԱԺ նախագահ Ալեն Սիմոնյանի հետ ասուլիսի ընթացքում ասաց Ֆրանսիայի ԱԺ նախագահ Յաել Բրոն-Պիվեն: «Պետք է կանգնած լինենք եղբայրական ժողովուրդների և եղբայրական երկրների կողքին, որոնց տարածքային ամբողջականությունն է ենթարկվում սպառնալիքների և հարձակումների: Սեպտեմբերյան իրադարձություններն աղմուկ…

Այսօր տեղի ունեցած ասուլիսի ընթացքում լրագրողները Ֆրանսիայի ԱԺ նախագահ Յաել Բրոն-Պիվեին հարց ուղղեցին ԵԱՀԿ Մինսկի խմբի մասին, մասնավորապես նշելով, որ Ադրբեջանը համարում է, թե ԼՂ հարցը լուծված է՝ այսպիսով մերժելով ԵԱՀԿ ՄԽ համանախագահության գոյությունը: «Այսօր կարևոր է վերադառնալ երկխոսության կողմերի միջև: Մինսկի խումբը երկխոսությունների գոյություն ունեցող հարթակներից մեկն է, միակը չէ, բայց շատ կարևոր հարթակ…

Գերմանիան դեռ չի հաստատել Ուկրաինայի զինված ուժերին Leopard-2 մարտական ​​տանկերի մատակարարումը, որոնք տեղակայված են Լեհաստանում և ունեն վերաարտահանման սահմանափակումներ, գրում է Euronews-ը։ Գերմանիայի պաշտպանության նախարար Քրիստինա Լամբրեխտը Սաքսոնիա կատարած այցի ժամանակ, որտեղ տեղակայված են Բունդեսվերի զորքերը և մասնակցում են ՆԱՏՕ-ի միացյալ աշխատանքային խմբին, ասել է, որ գործընկեր երկրներից հարցումներ չի ստացել Leopard-2-ի փոխանցման մասին և…

Ճանապարհների վարչությունը տեղեկատվություն է տարածում ճանապարհներին տիրող իրավիճակի վերաբերյալ։ Ճանապարհների դեպարտամենտից հայտնում են, որ ճանապարհների վարչության համապատասխան ծառայությունների կողմից իրականացված մաքրման աշխատանքների արդյունքում երկրի բոլոր ավտոճանապարհներին հնարավոր է տեղաշարժը, իսկ լեռնային շրջաններում՝ առատ ձյան պատճառով սահմանափակումներ են մտցվել՝ հիմնականում կցորդիչով և կիսակցորդիչով տրանսպորտի համար: Գոերատեսչության տվյալներով՝ ձյան և սաստիկ սառնամանիքի պատճառով միջազգային Մցխեթա-Ստեփանծմինդա-Լարս ավտոճանապարհի Գուդաուրի…

ՀՀ ԱԺ նախագահ Ալեն Սիմոնյանը ֆրանսիացի գործընկերոջ՝ Ֆրանսիայի ԱԺ նախագահ Յաել Բրաուն-Պիվեի հետ ասուլիսի ընթացքում հայտնեց, որ իրենց զրույցի ընթացքում անդրադարձ են կատարել տարածաշրջանային խնդիրներին ու Ադրբեջանի կողմից Լաչինի միջանցքի փակման հետևանքներին:   «Քննարկեցինք առկա իրավիճակը մեր տարածաշրջանում, քննարկեցինք այն  բոլոր հարցերը, որոնք առաջացել են Լաչինի միջանցքի փակման հետ կապված, ես ներկայացրի առկա իրավիճակը: Կարող…