ԵԽԽՎ-ի 40 խորհրդարանականներ հայտարարություն են հրապարակել, որում Ադրբեջանին կոչ են արել անհապաղ դադարեցնել Լաչինի միջանցքի շրջափակումը և կատարել ՄԻԵԴ-ի ու ՄԱԿ-ի միջազգային դատարանի որոշումները: Հայտարարության մեջ օրենսդիրները նշում են, որ Ադրբեջանը 2023 թվականի ապրիլի 23-ին միակողմանիորեն փակելով Լեռնային Ղարաբաղը Հայաստանի հետ կապող միակ ճանապարհը՝ Լաչինի միջանցքը, խախտել է 2020 թ. նոյեմբերի 9-ի եռակողմ համաձայնագիրը և…

Ուկրաինայում զինված հակամարտությունը պետք է շուտափույթ դադարեցվի, քանի որ դրանում, միևնույն է, հաղթողներ չեն կարող լինել։ Այս կարծիքը հայտնել է Հունգարիայի վարչապետ Վիկտոր Օրբանը՝ ելույթ ունենալով Kossuth ռադիոհաղորդման եթերում։ Նա բացատրել է, որ արևմտյան երկրներն Ուկրաինային տրամադրում են լայն աջակցություն, և «նրանք են որոշում, թե որքան հեռու են գնալու և ինչքան են պատրաստ ծախսելու» ուկրաինական…

Արցախի պետական նախարար Գուրգեն Ներսիսյանը Ֆեյսբուքի էջում գրել է.   «Արցախը Հայաստանին կապող մայրուղու՝ ՀՀ հետ սահմանին (Լաչինի (Քաշաթաղի) միջանցքում) Ադրբեջանի կողմից ապրիլի 23-ին ապօրինի անցակետ տեղադրելուց հետո Շուշիի շրջանի Բերդաձորի ենթաշրջանի չորս համայնքները (Հին Շեն, Մեծ Շեն, Եղցահող և Լիսագոր) հայտնվել են երկկողմանի արգելափակման ներքո՝ զրկված թե՛ Արցախի մնացած հատվածի և թե՛ Հայաստանի հետ…

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել է, որ, համակարգելով Ուկրաինա ռազմական մատակարարումները՝ իրեն զգում է ոչ թե դիվանագետ, այլ ԵՄ պաշտպանության նախարար: «Ես երբեք չեմ մտածել, որ հաշվելու եմ արկերը»,- ասել է նա Ֆլորենցիայում Եվրամիության իրադրության մասին փորձագիտական խորհրդաժողովում: Բորելը պնդել է, որ հակամարտությունը «չպետք է ավարտվի Ուկրաինայի կապիտուլյացիայով…

ՌԴ նախագահի մամուլի քարտուղար Դմիտրի Պեսկովը, պատասխանելով հաջորդ շաբաթ Մոսկվայում Վլադիմիր Պուտինի և Հայաստանի վարչապետ Նիկոլ Փաշինյանի հնարավոր հանդիպման մասին հարցին, ասել է, որ քննարկվում են «որոշ ծրագրեր», սակայն հորդորել է «չշտապել», գրում է РИА Новости-ն: Ավելի վաղ Փաշինյանը հայտարարել էր հաջորդ շաբաթ Մոսկվա այցելելու մտադրության մասին։ «Առայժմ որոշակի ծրագրեր են քննարկվում: Հենց քննարկումն ավարտվի,…

Իրանն Ադրբեջանի դեսպանատան ու հյուպատոսարանի անձնակազմից 4 դիվանագետի անցանկալի անձ է ճանաչել: Տեղեկությունը հաստատել է Իրանի ԱԳՆ-ն: Հատկանշական է, որ ավելի վաղ Թեհրանի և Բաքվի միջև լարվածության ֆոնին նման քայլ էր արել Ադրբեջանը՝ անցանկալի անձ հայտարարել և արտաքսել Բաքվում Իրանի դեսպանատան 4 աշխատակցի։ Ադրբեջանի նախագահ Իլհամ Ալիևն էլ մայիսի 4-ին հայտարարել է, որ իրանա-ադրբեջանական հարաբերությունները…

Մայիսի 5-ին հեռախոսազրույց է տեղի ունեցել Ադրբեջանի և Թուրքիայի արտգործնախարարներ Ջեյհուն Բայրամովի և Մևլութ Չավուշօղլուի միջև։ Այդ մասին հայտնել են Ադրբեջանի արտաքին գործերի նախարարությունից։ Նախարարները մտքեր են փոխանակել Ադրբեջանի և Թուրքիայի միջև երկկողմ և բազմակողմ համագործակցության, ինչպես նաև տարածաշրջանում առկա իրավիճակի շուրջ։ Երկու երկրի արտգործնախարարությունների ղեկավարները քննարկել են նաև Ադրբեջանի և Հայաստանի միջև խաղաղ համաձայնագրի…

ԵՄ արտաքին գործերի և անվտանգության հարցերով բարձր ներկայացուցիչ Ժոզեպ Բորելը կոչ է արել ԵՄ անդամ երկրներին զրկել արտաքին քաղաքականության հարցում վետոյի իրավունքից՝ անցնելով ձայների մեծամասնությամբ որոշումների կայացմանը, գրում է ՏԱՍՍ-ը։ «Ես կողմնակից եմ ԵՄ արտաքին քաղաքականության մեջ որակյալ մեծամասնության որոշումների կայացմանը: Բայց խնդիրն այն է, որ կոնսենսուսով որոշումների ընդունումը չեղարկելու համար անհրաժեշտ է կոնսենսուս: Իսկ…

Ա Սերիայի 33-րդ տուրի խաղում Խվիչա Կվարացխելյայի «Նապոլին» հյուրընկալվել էր «Ուդինեզեին»։ Այս խաղում նեապոլցիներին անհրաժեշտ էր մեկ միավոր՝ առաջնությունը պաշտոնապես կնքելու համար։ Հանդիպումն ավարտվեց 1:1 հաշվով, իսկ «Նապոլին» Ա Սերիայի ավարտից հինգ տուր առաջ պաշտոնապես դարձավ Իտալիայի չեմպիոն։ Ուդինեի «Dacia Arena»-ում հյուրերին ոգևորել են մինչև 10 հազար նեապոլցիներ։ «Նապոլին» ակտիվ սկսեց խաղը, սակայն 13-րդ րոպեին…

6,3 մագնիտուդով երկրաշարժ է տեղի ունեցել Ճապոնական ծովի ափին՝ Իշիկավա պրեֆեկտուրայում, հայտնել է Ճապոնիայի օդերևութաբանական վարչությունը։ Օջախը գտնվել է 10 կիլոմետր խորությամբ։ Ցնցումների առավելագույն ուժգնությունը եղել է 6+, Ճապոնիայում ընդունված 7 բալանոց սանդղակով։ Ըստ ղեկավարության՝ ափին հնարավոր է ջրի փոքր բարձրացում, սակայն ավերածությունների վտանգ չկա։

Անօդաչու թռչող սարքի նոր հարձակում է գրանցվել Կրասնոդարի երկրամասի Իլսկի նավթավերամշակման գործարանի վրա՝ երկրորդ դեպքը մի քանի օրվա ընթացքում, գրում է Interfax-ը: Հարձակումը տեղի է ունեցել ուրբաթ՝ մայիսի 5-ի առավոտյան։ Ըստ գործակալության՝ դրոնը հայտնվել է կոմպրեսորային կայանում, հարձակումից հետո հրդեհ է բռնկվել, որն արագ մարվել է։ Իլսկի նավթավերամշակման գործարանում հրդեհ էր բռնկվել նաև այս շաբաթվա…

ԱՄՆ պետքարտուղար Բլինքենը հայտարարություն է տարածել հայ-ադրբեջանական բանակցությունների վերաբերյալ: «Այս շաբաթ Ջորջ Շուլցի արտաքին գործերի ազգային ուսումնական կենտրոնում ես հյուրընկալեցի Ադրբեջանի արտգործնախարար Ջեյհուն Բայրամովին և Հայաստանի արտգործնախարար Արարատ Միրզոյանին՝ երկկողմ խաղաղ բանակցությունների համար։ Երկկողմ և եռակողմ ինտենսիվ ու կառուցողական մի շարք քննարկումներից հետո կողմերը զգալի առաջընթաց գրանցեցին բարդ խնդիրների լուծման գործում։ Երկուսն էլ անկեղծ հանձնառություն…

ՆԻԴԵՐԼԱՆԴՆԵՐՆ ՈՒ ԲԵԼԳԻԱՆ ԱՋԱԿՑՈՒԹՅՈՒՆ ԵՆ ՀԱՅՏՆԵԼ ՈՒԿՐԱԻՆԱՅԻՆ Նիդերլանդներն ու Բելգիան կշարունակեն ամեն հարցում լինել Ուկաինայի կողքին՝ հայտարարել են Նիդերլանդների վարչապետ Մարկ Ռյուտեն և Բելգիայի վարչապետ Ալեքսանդր դե Կրոն Հաագայում Ուկրաինայի նախագահ Վլադիմիր Զելենսկիի հետ կայացած համատեղ մամուլի ասուլիսում։ «Նիդերլանդները գործընկերների հետ աշխատում է Ուկրաինային F-16 կործանիչներ մատակարարելու տարբերակների վրա: Մենք Բելգիայի և Դանիայի հետ ջանքեր…

Արցախի խորհրդարանում հանրային լսումներ են անցկացվել Միասնական սոցիալական ծրագրի ներդրման վերաբերյալ: Շրջափակման պայմաններում սոցիալ- տնտեսական հետևանքների մեղման համար պետությունը կաջակցի աշխատանքը կորցրածներին, նաև սոցիալապես անապահովներին: Մանրամասները` Նարեկ Սահակյանի ռեպորտաժում:

ԱՄՆ-ը չի կարծում, որ կարող է կանխել Ռուսաստանի և Չինաստանի մերձեցումը առաջիկա տարիներին՝ հայտարարել է ամերիկյան հետախուզության ղեկավար Էվրիլ Հեյնսը: «Կարծում եմ՝ քիչ հավանական է, որ մեզ հաջողվի առաջիկա տարիներին Ռուսաստանին և Չինաստանին հետ պահել հետագա մերձեցման կուրսից»,- ասել է պաշտոնյան ԱՄՆ Սենատի զինված ուժերի գործերով կոմիտեում լսումների ժամանակ: Հեյնսի խոսքով՝ Մոսկվայի ու Պեկինի հարաբերությունների…

Ղազախստանի երկաթուղիների ղեկավարությունը մայիսի 8-ից կարգելի նավթի և նավթամթերքի տեղափոխումը Ռուսաստանի Սևծովյան Թամանյան թերակղզու նավահանգիստ: Այս մասին հայտնում է Reuters գործակալությունը՝ վկայակոչելով համապատասխան կարգադրությունը։ Հրամանը հասցեագրված է տրանսպորտային ընկերություններին, արգելքի պատճառները չեն նշվում։ «Ռուսական երկաթուղիներ» ընկերությունը նույնպես դադարեցրել է նավթի տեղափոխումը Տաման: «Ռուսական երկաթուղիների» փաստաթղթում պատճառները նույնպես նշված չեն, սակայն որոշումը կայացվել է Թամանի նավթապահեստարանի…

Թուրքիայի Ժողովուրդների դեմոկրատական կուսակցության նախկին համանախագահ՝ անազատության մեջ գտնվող Սելահաթթին Դեմիրթաշը հայտարարել է, որ մայիսի 14-ին կայանալիք նախագահական ընտրություններին աջակցելու է Քեմալ Քըլըչդարօղլուին: «Ես անկեղծորեն հավատում եմ, որ Դուք վերջ կդնեք խտրականությանը, կապահովեք սոցիալական համերաշխություն և խաղաղություն ու բարգավաճում կբերեք Թուրքիային»,- Twitter-ի իր միկրոբլոգում գրել է Դեմիրթաշը, խոստացել գալիք ընտրություններում իր ձայնը տալ Քըլըչդարօղլուին:

Ֆրանսիայի արտգործնախարար Կատրին Կոլոննան France Inter ռադիոկայանի հետ հարցազրույցում հայտարարել է, որ Ֆրանսիայի, Եվրամիության և ՄԱԿ-ի միջազգային դատարանի դիրքորոշումն այն է, որ Լաչինի միջանցքը պետք է բացվի ամբողջությամբ և առանց նախապայմանների։ Նա հավելել է, որ պետք է տարբերակել Հայաստանի և Ադրբեջանի հարաբերությունները և Արցախում տիրող իրավիճակը։ Կոլոննան նշել է, որ մայիսին նախատեսված են Եվրամիության միջնորդությամբ…

ԱՄՆ-ը առնչություն չունի Կրեմլի վրա անօդաչուների հարձակումներին և չունի տվյալներ, թե ով է կանգնած այդ հարձակումների հետևում: Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին: CNN հեռուստաալիքի եթերում նա նշել է, որ ծիծաղելի է համարում Ռուսաստանում հնչած հայտարարությունները Կրեմլի վրա հարձակումներին Վաշինգտոնի ենթադրյալ ներգրավվածության մասին: Ավելի վաղ ՌԴ նախագահի…

Ադրբեջանի պաշտպանության նախարար Զաքիր Հասանովն այսօր ընդունել է Լեռնային Ղարաբաղում ռուսական խաղաղապահ զորակազմի նորանշանակ հրամանատար, գեներալ-գնդապետ Ալեքսանդր Լենցովին: Հանդիպմանը քննարկվել է օպերատիվ իրավիճակը ռուս խաղաղապահների տեղակայման գոտում:

ԱՄՆ-ը 2022 թվականի փետրվարի 24-ից Ուկրաինային տրամադրել է 35,7 մլրդ դոլարի ռազմական օգնություն, իսկ ԱՄՆ նախագահի պաշտոնում Ջո Բայդենի պաշտոնավարման ընթացքում՝ 36,4 մլրդ դոլարի։ Այս մասին հայտնել են Պենտագոնի մամուլի ծառայությունից։ Ավելի վաղ ԱՄՆ պաշտպանական գերատեսչությունից տեղեկացրել էին, որ Ուկրաինային 300 մլն դոլարի չափով ռազմական օգնության նոր փաթեթ է հատկացվել, որում ներառված են HIMARS համազարկային…

Ջուլֆայի մաքսային ծառայության գործադիր տնօրեն Մոհամմադ Խալիլին հայտնել է, որ Իրանի և Ադրբեջանի միջև մաքսատուրքերի նվազեցման արդյունքում բեռնատարների երթևեկությունը կրկնապատկվել է, և հերթեր են գոյացել: Նրա խոսքով՝ փոխադարձ տուրքերը 550 դոլարից նվազեցվել են 50 դոլարի: Ըստ Խալիլիի՝ նախքան տուրքերի նվազեցումը օրական 250 բեռնատար էր անցնում Ջուլֆայի սահմանով, իսկ հիմա այդ թիվը կրկնապատկվել է, քանի որ…

Արցախի հետ համատեղ հռչակագիր ստորագրելով՝ Օ դը Ֆրանս տարածաշրջանը հաստատում է այս տոկուն ժողովրդին իր աջակցությունը: Այս մասին Twitter-ի իր միկրոբլոգում գրել է Ֆրանսիայի Օ-դը-Ֆրանս շրջանի նախագահ Քսավիե Բերտրանը։ «Որևէ մեկը չի կարող աչք փակել Ադրբեջանի կողմից իրականացվող Արցախի էթնիկ զտումների և խեղդման վրա»,- նշել է ֆրանսիացի պաշտոնյան: Ավելի վաղ Արցախի ԱԳ նախարարը և Օ…

Ուկրաինայի հակաօդային պաշտպանության ուժերից հայտարարել են, որ ռուսական կողմը գիշերն ավելի քան 24 կամիկաձե անօդաչու թռչող սարք է գործարկել, որոնցից 18-ը Ուկրաինան չեզոքացրել է: Կիևի քաղաքային ռազմական վարչության հայտարարության մեջ էլ նշվում է, որ մայրաքաղաքի ուղղությամբ արձակված ռուսական բոլոր անօդաչու թռչող սարքերն ու հրթիռները հաջողությամբ խոցվել են: Սա արդեն երրորդ օդային հարձակումն է մայրաքաղաքի վրա…

Այո, Վրաստանի բնակչության մեծ մասը ուղղափառ քրիստոնյա է, բայց մեր կաթոլիկները, մուսուլմանները, հրեաները մեր նախնիների հետ միասին կերտեցին մեր մեծ պատմությունը և կերտեցին ներկան։ Խաղաղ համակեցության ու համագործակցության այս պատմությունը շատ թանկ է մեզ համար։ Դեռևս 11-րդ դարում մեր մեծագույն թագավոր Դավիթ Աղմաշենեբելին կրոնական տոներին այցելում էր մզկիթ՝ ի նշան հարգանքի մուսուլմանների նկատմամբ,- ասել է…

Ուկրաինայում ռազմական հակամարտության մեջ ներգրավված կողմերը պետք է խուսափեն ցանկացած գործողությունից, որը կարող է սրել ճգնաժամը։ Այս մասին ճեպազրույցի ժամանակ հայտարարել է Չինաստանի արտգործնախարարության պաշտոնական ներկայացուցիչ Մաո Նինը՝ մեկնաբանելով անօդաչուների հարձակումը Կրեմլի վրա։ «Կողմերը պետք է խուսափեն էսկալացիայի տանող ցանկացած գործողությունից»,- ասել է դիվանագետը: Ավելի վաղ Ռուսաստանի իշխանությունները Կրեմլի վրա անօդաչու թռչող սարքերի հարձակումն անվանել…

Այսօր ԱՄՆ-ում տեղի կունենա Հայաստանի և Ադրբեջանի արտգործնախարարներ Արարատ Միրզոյանի և  Ջեյհուն Բայրամովի երկկողմ բանակցությունների եզրափակիչ նիստը: Այս մասին հայտնել են ԱՄՆ պետքարտուղարությունից, հավելել՝ բանակցություններին կմասնակցի նաև պետքարտուղար Էնթոնի Բլինքենը: Հանդիպումը տեղի կունենա Ջորջ Շուլցի անվան արտաքին գործերի ազգային ուսումնական կենտրոնում՝ տեղական ժամանակով 13:45-ին:

Առաջին ալիքը սկսեց նորություններ փոխանակել առցանց՝ «Եվրոպական հեռանկար» նախագծի շրջանակներում։ 2022 թվականի սեպտեմբերին կատարված հայտի արդյունքում Վրաստանի առաջին ալիքը պաշտոնապես դարձավ նախագծի մաս։ «Եվրոպական հեռանկարը» Եվրոպական հեռարձակողների միության (EBU) նախաձեռնած նախագիծն է, որը ենթադրում է միասնական եվրոպական ցանցային լրատվական սենյակի ստեղծում, որտեղ եվրոպական տարբեր երկրների լրագրողները միասին աշխատում են մեկ նպատակի համար՝ ստեղծել բազմազան, միջմշակութային…

ԱՄՆ պետքարտուղարության իր անհանգստությունն է հայտնել հայկական ավիաընկերությունների թռիչքների թույլտվությունը կասեցնելու վերաբերյալ Թուրքիայի որոշման կապակցությամբ: «Միացյալ Նահանգները վճռականորեն աջակցում է Հայաստան-Թուրքիա հարաբերությունների կարգավորմանը, ինչը լավ կլիներ ողջ տարածաշրջանի համար։ Մենք հիասթափությամբ ի գիտություն ընդունեցինք Թուրքիայի հայտարարությունն իր տարածքով հայկական ավիաընկերությունների թռիչքների թույլտվությունը կասեցնելու մասին։ Ավելի վաղ երկրների միջև ձեռք բերված համաձայնություններն ավիահաղորդակցության վերականգնման վերաբերյալ դարձել…

Կիևը պնդում է, որ որևէ առնչություն չունի անօդաչու թռչող սարքերով Կրեմլին հարվածելու ծրագրի հետ, հայտնում է Reuters-ը՝ վկայակոչելով ուկրաինացի բարձրաստիճան պաշտոնյային: Ուկրաինայի նախագահի մամուլի քարտուղար Սերգեյ Նիկիֆորովն էլ հաստատել է, որ Կիևում տեղեկություն չունեն Կրեմլի վրա անօդաչու թռչող սարքերի գիշերային հարձակման մասին: «Առկա բոլոր ուժերն ու միջոցներն Ուկրաինան ուղղում է սեփական տարածքների ազատագրմանը, այլ ոչ…