2024

Գաղտնիք չէ, որ ադրբեջանական կողմը տարվա ընթացքում բազմիցս խոսել է, և ըստ էության, նախապայման առաջադրել հայկական կողմին այն մասին, որ ՀՀ Սահմանադրությունը պարունակում է որոշակի պահանջ Ադրբեջանի տարածքի նկատմամբ: Այս մասին ԱԺ մշտական հանձնաժողովների համատեղ նիստում «ՀՀ 2025 թվականի պետական բյուջեի մասին» օրենքի նախագծի քննարկման ժամանակ ասաց արտաքին գործերի նախարար Արարատ Միրզոյանը։ «Մենք այս թեզը համարում ենք…

Վրաստանի դատախազությունը հետաքննություն է սկսել հոկտեմբերի 26-ին կայացած խորհրդարանի ընտրությունում հնարավոր կեղծիքների կապակցությամբ։ Երկրի նախագահ Սալոմե Զուրաբիշվիլուն հոկտեմբերի 31-ին կանչել են հարցաքննության։ «Հետաքննությունը սկսվել է գլխավոր դատախազություն երկրի Կենտրոնական ընտրական հանձնաժողովի ավելի վաղ ներկայացրած դիմումից հետո, ըստ որի Զուրաբիշվիլին կարող է ունենալ ընտրությունների ընթացքում հնարավոր խախտումների ապացույցներ»,- նշվում է հաղորդագրության մեջ։ «Վրաստանի դատախազությունը կիրականացնի բոլոր…

Ընդդիմության առաջնորդները Վրաստանի նախագահ Սալոմե Զուրաբիշվիլուն խորհուրդ են տվել չգնալ դատախազություն՝ բացատրություն տալու ընտրակեղծիքների հայտարարության վերաբերյալ։ Նախագահն ավելի վաղ հայտարարել էր, որ Վրաստանի իշխանությունները կեղծել են հոկտեմբերի 26-ին կայացած խորհրդարանի ընտրությունը: Իշխող «Վրացական երազանք» կուսակցության գործադիր քարտուղար Մամուկա Մդինարաձեն Զուրաբիշվիլուն խորհուրդ է տվել համագործակցել դատախազության հետ, որը հոկտեմբերի 31-ին նրան կանչել է՝ պարզաբանելու խորհրդարանի ընտրությունը…

Միացյալ Նահանգները Չինաստանին կոչ է արել նպաստել, որ Ռուսաստանում գտնվող հյուսիսկորեական զորքը վերադառնա իր մշտական տեղակայման վայրեր: Վաշինգտոնը Չինաստանի իշխանություններին խնդրել է ճնշում գործադրել Հյուսիսային Կորեայի ղեկավարության վրա, որի հետ նրանք լավ հարաբերություններ են պահպանում, հայտնել է CNN-ը՝ վկայակոչելով ամերիկացի անանուն պաշտոնյաներին։ Նրանցից մեկն ասել է, որ ԱՄՆ նախագահի ազգային անվտանգության հարցերով խորհրդական Ջեյք Սալիվանը…

Հայաստանի ԱԳՆ-ն իր խորին ցավակցությունն է հայտնել Իսպանիայում ջրհեղեղի հետևանքով տեղի ունեցած ողբերգության կապակցությամբ։ «Մեր անկեղծ ցավակցությունն ենք հայտնում մահացածների ընտանիքներին և մեր համերաշխությունը բոլոր նրանց, ովքեր տուժել են այս տարերային աղետի հետևանքներից»,- գրված է ՀՀ արտգործնախարարության X-ի էջում։

Իսպանիայում մոլեգնող «Դանա» փոթորկի ազդեցությունը զգացվել է երկրի մի քանի շրջանում, հատկապես՝ Անդալուսիայում և Հարավային Կատալոնիայում։ Առատ տեղումների հետևանքով առաջացած ջրհեղեղի պատճառով Վալենսիայում տագնապի կարմիր ռեժիմ է հայտարարվել։ Շրջանի իշխանությունները հայտնել են, որ 60-ից ավելի մարդ է մահացել, փրկարարական գործողությունը շարունակվում է, և զոհերի ճշգրիտ թիվը դեռևս հնարավոր չէ պարզել։ Ալբասետե շրջանում տեղեկացրել են մոտ մեկ…

Մեծ տերություններն իրենց շահերն ունեն ցանկացած գործընթացում և առաջնորդվում են դրանցով: Կարևոր է, որպեսզի մենք կարողանանք մեր շահերն առաջ տանել: Այս մասին ԱԺ-ում լրագրողների հետ ճեպազրույցում ասաց ՀՀ վարչապետի աշխատակազմի ղեկավար Արայիկ Հարությունյանը՝ պատասխանելով լրագրողների դիտարկմանը, թե արդյոք մեծ խաղացողները, երրորդ կողմերը այլևս ճնշումներ չե՞ն գործադրում կողմերի վրա ստորագրելու խաղաղության պայմանագիրը:  Հարությունյանը հրաժարվեց պատասխանել պայմանագրի հնարավոր ստորագրմանը…

Իսրայելի բանակի գլխավոր շտաբի պետը Թեհրանին կոչ է արել չպատասխանել ՑԱՀԱԼ-ի ավիահարվածներին: «Եթե նրանք սխալվեն և հրթիռակոծեն Իսրայելի տարածքը, մենք այնպիսի պատասխան կտանք, որ մինչ այժմ չենք տվել: Շատ ուժեղ հարվածներ կհասցնենք նրանց կարողություններին, ինչպես նաև այն վայրերին, որոնք դեռևս չենք թիրախավորել»,- նախազգուշացրել Հերզի Հալևին: Ավելի վաղ՝ Իրանի նախագահը հայտարարել էր, որ Իսլամական Հանրապետությունը չի…

Թեհրանը ծրագրում է արմատապես բարձրացնել իր ռազմական բյուջեն այն բանից հետո, երբ Իրանը և Իսրայելը վերջին ամիսներին փոխանակեցին հարձակումները, գրում է DW-ն: Իրանի կառավարության խոսնակ Ֆաթեմեհ Մոհաջերանիի խոսքով՝ երկրի ղեկավարությունը նախատեսել է ռազմական բյուջեն ավելացնել մոտ 200%-ով։ Հայտարարությունն արվել է Իրանի և Իսրայելի լարվածության խորացման ֆոնին և նրա դեմ պատասխան ռազմական հարվածներից հետո: Իրանն ու…

Եվրահանձնաժողովը (ԵՀ) հայտարարել է, որ հինգ տարի ժամկետով մինչև 35,3% «վերջնական փոխհատուցման մաքսատուրքեր» կսահմանի Չինաստանից էլեկտրական մեքենաների (BEV) ներմուծման վրա։ Այս մասին հայտնել է ԵՀ մամուլի ծառայությունը։ Բրյուսելում անցկացված հետաքննությունը պարզել է, որ Չինաստանում ավտոարտադրողներն օգուտ են ստանում «անարդար սուբսիդավորումից», ինչը տնտեսական վտանգ է ներկայացնում ԵՄ արտադրողների համար: Մաքսատուրքերը կհասնեն 35,3 տոկոսի՝ կախված մատակարարներից։ Չինական…

Յուրաքանչյուր փուլի համար, այսպես ասած, ընտրությունների և թեկնածուների որոշման իրենց պահանջները կային, և դուք գիտեք, որ մենք կանգ ենք առել Սրբուհի Գալյանի թեկնածության վրա, որը շատ երկար ժամանակ բարձր պաշտոններ է զբաղեցրել, այդ թվում՝ քաղաքական, և, ըստ էության, քաղաքական թիմի մաս է: Այս մասին խորհրդարանում լրագրողների հետ ճեպազրույցում ասաց վարչապետի աշխատակազմի ղեկավար Արայիկ Հարությունյանը՝ լրագրողների խնդրանքով…

Ցանկացած խաղաղության պայմանագիր լավ է, երբ կան փոխզիջումներ, երբ զիջումներ են լինում, դրանք արդյունավետ չեն լինում: Այս մասին լրագրողների հետ զրույցում ասաց ՀՀ վարչապետի աշխատակազմի ղեկավար Արայիկ Հարությունյանը՝ պատասխանելով հարցին, թե չհամաձայնեցված կետերի շուրջ ով է զիջումների գնալու: Արայիկ Հարությունյանն անդրադարձավ խաղաղության պայմանագրին՝ նշելով,  որ այս պահին տարբերակները խմբագրված գտնվում են կողմերի մոտ: «Երբ նոր…

Մեկ շաբաթ է մնացել ԱՄՆ նախագահի ընտրությանը, թեկնածուները շարունակում են ընտրապայքարը, ելույթները տարբեր նահանգներում: ԱՄՆ փոխնախագահ և նախագահի թեկնածու Քամալա Հարիսը Վաշինգտոնում բազմահազարանոց հանրահավաքում հանդես է եկել եզրափակիչ մեծ ելույթով: Նրա խոսքով՝ առաջիկա ընտրությունն «ավելին է, քան պարզապես ընտրություն երկու կուսակցության և երկու թեկնածուի միջև»: «Սա ընտրություն է այն մասին, թե արդյոք մենք կունենանք ազատության…

Գիշերը Ռուսաստանն Ուկրաինայի ուղղությամբ նոր հարվածներ է իրականացրել են Բելգորոդի շրջանից արձակված անհայտ հրթիռով, ինչպես նաև 62 «Շահեդ» հարվածային և անհայտ անօդաչու թռչող սարքերով, հայտնել են Ուկրաինայի ռազմաօդային ուժերը: Աղբյուրի տվյալով՝ ռուսական հրթիռի թիրախը եղել է Սումիի շրջանում գտնվող մասնավոր հատվածը։ Նույն գիշերը ռուսական զորքերը հարվածել են նաև Կիևին։ Քաղաքապետ Վիտալի Կլիչկոն հայտնել է, որ…

Օրեր առաջ Իրանի դեմ իրականացված հարձակման ժամանակ Իսրայելը թիրախավորել է Իրանի Սեմնան նահանգի Շահրուդ տիեզերական կենտրոնը, որ գտնվում է Իսլամական հեղափոխության պահապանների կորպուսի կառավարման տակ։ Այս մասին հաղորդել է The New York Times-ը՝ հղում անելով ամերիկյան Planet Labs ամերիկյան օպերատորի նոր արբանյակային պատկերներին։

Հունգարիայի վարչապետ Վիկտոր Օրբանը կարծիք է հայտնել, որ Բրյուսելում «իր երկրի դեմ դավադրություն է կազմակերպվում»՝ կառավարությունը փոխելու նպատակով: Նա «դավադրություն» կազմակերպելու համար մեղադրել է Եվրահանձնաժողովի նախագահ Ուրսուլա ֆոն դեր Լայենին և Եվրոպական ժողովրդական կուսակցության առաջնորդ Մանֆրեդ Վեբերին: Օրբանը հավելել է, որ նման բան թույլ չի տա:

Թուրքիայի պաշտպանության նախարար Յաշար Գյուլերը և ԱՄՆ պաշտպանության նախարար Լլոյդ Օսթինը հեռախոսազրույց են ունեցել: Այդ մասին ասված է Թուրքիայի պաշտպանության նախարարության X-ի միկրոբլոգում: Հաղորդվում է, որ կողմերը մտքեր են փոխանակել երկկողմ և տարածաշրջանային պաշտպանության և անվտանգության հարցերի շուրջ:

Ուկրաինայի և Կորեայի Հանրապետության նախագահները հեռախոսազրույց են ունեցել: Վոլոդիմիր Զելենսկին հայտնել է, որ օրակարգում է եղել Կիևին Սեուլի ռազմական, հումանիտար և քաղաքական աջակցությունը: Անդրադարձ է եղել նաև տեղեկություններին, որ Հյուսիսային Կորեան զինվորականներ է ուղարկել ռուսական բանակի կազմում Ուկրաինայի դեմ կռվելու համար: Զելենսկին տեղեկացրել է, որ 3000 հյուսիսկորեացի զինվորական տեղափոխվել է շփման գծից ոչ հեռու գտնվող…

Վրաստանում խորհրդարանի ընտրությունից հետո տեղի ունեցած զարգացումները շատ մտահոգիչ են՝ նշված է ԵՄ արտաքին գործերի և անվտանգության քաղաքականության հարցերով բարձր ներկայացուցչի հայտարարության մեջ։ «Միջազգային դիտորդները հայտնել են ընտրարշավի ընթացքում, ինչպես նաև ընտրության օրը տեղի ունեցած խախտումների մասին: Նրանք ընտրությունները չեն համարել ազատ և արդար։ Խնդրում եմ թափանցիկ հետաքննություն անցկացնել։ Վրաստանի կենտրոնական ընտրական հանձնաժողովը և իշխանության…

Իսրայելական ուժերը շարունակում են հարվածել Լիբանանին, մասնավորապես՝ սահմանամերձ բնակավայրերին, ինչպես նաև Բեյրութի մոտակա տարածքներին: Կան տասնյակ զոհեր: «Հըզբոլլահն» էլ հարվածներ է հասցրել Իսրայելին, այդ թվում՝ Հայֆա քաղաքին, ինչպես նաև Լիբանանում գտնվող իսրայելական ուժերին: Լիբանանի առողջապահության նախարարության տվյալով՝ Մերձավոր Արևելքում էսկալացիայից ի վեր երկրում զոհվել է 2700-ից ավելի մարդ, մեծ մասը՝ վերջին մեկ ամսում, շուրջ 13000-ը…

Վրաստանի վարչապետ Իրակլի Կոբախիձեն ընդունել է Հունգարիայի վարչապետ Վիկտոր Օրբանին: Վրաստանի կառավարության մամուլի ծառայության տվյալով՝ հանդիպման ընթացքում քննարկվել են երկկողմ հարաբերությունները և տարբեր ոլորտներում համագործակցությանն առնչվող հարցեր։ Կոբախիձեն նշել է, որ ԵՄ-ին ինտեգրումը Վրաստանի արտաքին քաղաքականության առաջնահերթություններից է: Նա շնորհակալություն է հայտնել Օրբանին եվրաինտեգրման ճանապարհին Հունգարիայի ցուցաբերած աջակցության համար։ «Ընդգծվել է երկկողմ առևտրատնտեսական հարաբերությունների խորացման…

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Արևմուտքի երկրները, մեկնաբանելով Վրաստանում կայացած ընտրության արդյունքները, միջազգային հարաբերությունների համար անթույլատրելի հայտարարություններ են անում, ընդհուպ՝ վերջնագրեր: Նրա խոսքով՝ Ռուսաստանը մտահոգված է այն «վերջնագրային պահանջներով», որոնք Արևմուտքը Վրաստանին է ներկայացնում խորհրդարանի ընտրությունից հետո: «Մենք չենք միջամտում, բայց մենք մտահոգված ենք, որ ԵՄ երկրներն ու Ամերիկայի Միացյալ Նահանգները…