ԱՄՆ-ն առաջնահերթ Ուկրաինային կմատակարարի Javelin, Stinger հրթիռային համալիրներ և անօդաչու թռչող սարքեր: Այդ մասին մամուլի ասուլիսի ժամանակ հայտարարել է Պենտագոնի ներկայացուցիչ Ջոն Քիրբին։
«Ուկրաինային ռազմական օգնության նոր փաթեթի շրջանակում մատակարարումները սկսվել են օրեր առաջ։ Առաջիկա 24 ժամվա ընթացքում դրանք կշարունակվեն: Այդ մատակարարումներում մենք առաջնահերթություն ենք տալիս այն միջոցներին, որոնք, ինչպես մեզ հայտնի է, ամենից շատ են անհրաժեշտ ուկրաինացիներին՝ Javelin, Stinger, անօդաչու թռչող սարքեր։ Այս ամենը գերակա է»,- ընդգծել է Քիրբին։
Միևնույն ժամանակ, Սպիտակ տան մամուլի քարտուղար Ջեն Սակին նշել է, որ ԱՄՆ-ն չի փոխել իր դիրքորոշումը և չի դիտարկում Ուկրաինա զորք ուղարկելու հնարավորությունը: