Մայիսի 26-ին Վրաստանում նշվում է Անկախության օրը:
Մայիսի 26-ի կապակցությամբ, այսօր՝ ժամը 17:00-ին, Վրաստանի Առաջին ալիքը հեռուստադիտողներին հատուկ եթեր է առաջարկելու։ «Վերադարձ Եվրոպա» հաղորդումը վարելու է Դավիթ Գորգիլաձեն։ Առաջին ալիքի հյուրերի հետ մենք քննարկում ենք անցյալը, որը մեզ հստակ ասում է, թե որտեղ է մեր ապագան։
Հատուկ այս հեռարձակման համար Առաջին ալիքի հաղորդավարները ռեպորտաժներ էին պատրաստել Եվրոպայի տարբեր քաղաքներից, որտեղ քննարկում ենք, թե ինչ է մեզ տվել արևմտյան քաղաքակրթությունը, ինչ ենք տվել մենք։
Ինչ վերաբերում է այսօր նախատեսված հանդիսավոր միջոցառումներին, որոնք նույնպես կներկայացվեն Վրաստանի Առաջին ալիքով, ապա ժամը 12:00-ին տեղի կունենա զորակոչիկների ավանդական երդման արարողությունը։ Զորակոչիկները զինվորական երդում կտան մայրաքաղաքի Ազատության հրապարակում, ինչպես նաև Վրաստանի հինգ այլ վայրերում։ Մասնավորապես, Փոթիում, Շեմոքմեդի գյուղում (Օզուրգեթիի մունիցիպալիտետ), Գուդանի Ջվարիի մոտ (Խևսուրեթի), ինչպես նաև Մատանի գյուղում (Կախեթի): Միջոցառումների շրջանակներում կանցկացվի նաև ավիաշոու։
Երդման արարողությունը կբացվի Վրաստանի օրհներգով։ Այս տարի առաջին անգամ կհնչի Եվրամիության օրհներգը։ Այս տարի օրհներգը կհնչի մանկական կապելայի կողմից, որտեղ կա մինչև 120 երեխա։
Երդման արարողությունից հետո հավաքվածներին խոսքով կդիմեն Վրաստանի նախագահը, վարչապետը, խորհրդարանի նախագահը, պաշտպանության նախարարը և պաշտպանության ուժերի հրամանատարը։ Կհնչեն ժողովրդական երգեր։
Ռուսթավելի պողոտա այցելած քաղաքացիները հնարավորություն կունենան դիտելու զինտեխնիկան և սպառազինությունը։
Հանդիսավոր միջոցառումներին զուգահեռ Վրաստանի Առաջին ալիքը հեռուստադիտողին կառաջարկի նաև գեղարվեստական և վավերագրական ֆիլմեր։
Այս մասին տեղեկանում ենք Վրաստանի առաջին ալիքի կայքից։
«Վերադարձ Եվրոպա»՝ Անկախության օրվան նվիրված հատուկ եթեր Վրաստանի Առաջին ալիքով
