Դիմում ենք Վրաստանի վարչապետին, Նախագահին եւ ազգային ժողովի նախագահին անտարբեր չմնալու մարդկային ողբերգությանը, որը տեղի է ունենում Լեռնային Ղարաբաղում։
Ադրբեջանի կառավարությունը 220 օրից ավել է ինչ խախտելով եռակողմ հայտարարությունը փակել է Լաչինի միջանցքը եւ ապօրինաբար անցակետ տեղադրել այնտեղ։ Այդ անցակետը չնայած նրան, որ ապօրինի է տեղադրվել խախտելով եռակողմ հայտարարությունը, հիմա ընդհանրապես փակել է միջանցքը բոլոր տեսակի մեքենաների համար։ Դրա արդյունքում 120 000 մարդ մնացել է լիակատար շրջափակման մեջ առանց սննդի եւ առաջին անհրաժեշտության դեղորայքի։
Լեռնային Ղարաբաղում ներկա դրությամբ զգացվում է հացի, դեղորայքի եւ առաջի անհրաժեշտության ապրանքների սուր պակաս։ Օրեց-օր ահագնացող վտանգը կարող է սովի առջեւ կանգնեցնել հազարավոր մարդկանց, այդ թվում հիվանդների, հղիների, երեխաների եւ ծերերի։
Ջավախք ժողովրդական շարժումը կոչ է անում Վրաստանի նախագահին, ազգային ժողովի նախագահին եւ վարչապետին միջամտել իրավիճակի հանգուցալուծմանը, որպեսզի մեր տարածաշրջանը զերծ մնա նոր կործանարար պատերազմից եւ ցեղասպանության սարսափելի աղետից։
«Ջավախք» ժողովրդական շարժման նախագահ Նորիկ Կարապետյան
Դիմում ենք Վրաստանի նախագահին, վարչապետին եւ ազգային ժողովի նախագահին անտարբեր չմնալ մարդկային ողբերգությանը
