Ադրբեջանը չի կարող պարզապես «նստել և սպասել», մինչև Ֆրանսիան, Հնդկաստանը և Հունաստանը զինեն Հայաստանին Ադրբեջանի դեմ: Այդ մասին հայտարարել է Ադրբեջանի նախագահ Իլհամ Ալիևը արտասահմանյան վերլուծական կենտրոնների ներկայացուցիչների հետ հանդիպման ժամանակ։
Նրա խոսքով՝ այդ երկրները դա անում են բացահայտ՝ փորձելով ինչ-որ բան ապացուցել։ «Եթե մենք լուրջ սպառնալիք տեսնենք, մենք ստիպված կլինենք լուրջ միջոցներ ձեռնարկել»,- սպառնացել է Ալիևը:
Նա անդրադարձել է Ղազախի շրջանի չորս գյուղերի հարցին, նշել՝ Ադրբեջանը երբեք չի մոռացել դրանց մասին։
«Այլ բան է էքսկլավների հարցը, քանի որ այն ավելի բարդ է։ Դրանք շրջապատված են մյուս երկրի տարածքով: Դրանց հետ կապված հարցերը պետք է լուծվեն սահմանազատման գործընթացի շրջանակում»,- ասել է Ալիևը։