Բորժոմիի մունիցիպալիտետի Ծաղվերի պուրակի վերանորոգման աշխատանքները սկսվել են։ Այս մասին տեղեկություն է տարածում Բորժոմիի քաղաքապետարանը։
Քաղաքապետարանից հայտնում են, որ ծրագիրը ֆինանսավորվում է տեղական և պետական բյուջեներից։
Պուրակի տարածքը լինելու է 10500քմ։ Նախագծի համաձայն՝ Ծաղվերի այգում նախատեսվում է կազմակերպել մանկական ժամանցի և հանգստի տարածքների շենք, սրճարան և այլ կոմերցիոն օբյեկտներ։ Այգին կունենա ֆունչատուրներ, մագլցման պատ, կամուրջներ, ջրանցք և այլ անհրաժեշտ ենթակառուցվածքներ։ Կկահավորվի նաև «Խաչիկի ֆոտո» լուսանկարչական տաղավարը և կդրվի նրա հուշարձանը։
«Մեր թիմն ամեն օր փորձում է խթանել և զարգացնել զբոսաշրջությունը, ստեղծել հանգստի նոր տարածքներ հասարակության և քաղաքի համար։ Ծաղվերի գյուղում կկառուցվի նոր հանգստի կենտրոն, մենք վերջին շրջանում ակտիվորեն աշխատում ենք այս ուղղությամբ, և վստահ եմ, որ այս նոր կենտրոնական այգին զբոսաշրջության տեսանկյունից նոր գրավչության կենտրոն կստեղծի, և մեր համաքաղաքացիները կունենան. նոր, շատ գրավիչ տարածք ժամանցի և հանգստի համար»,- ասել է Օթար Արբոլիշվիլին։
Մրցույթում հաղթած ընկերությունը աշխատանքները սկսել է մայիսի 1-ից եւ պետք է ավարտի մինչեւ տարեվերջ։