Իսմայիլ Հանիեի սպանությունը Իրանի ինքնիշխանության խախտում է․ Սաուդյան Արաբիայի փոխարտգործնախարար

Իսմայիլ Հանիեի սպանությունը Իրանի ինքնիշխանության խախտում է․ Սաուդյան Արաբիայի փոխարտգործնախարար

Թեհրանում ՀԱՄԱՍ շարժման քաղբյուրոյի ղեկավար Իսմայիլ Հանիեի սպանությունը Իրանի ինքնիշխանության խախտում է և ոտնձգություն նրա ազգային անվտանգության դեմ:

Այդ մասին հայտարարել է Սաուդյան Արաբիայի փոխարտգործնախարար Վալիդ բեն Աբդել Քարիմ Ալ-Խուրեյջին՝ փոխանցում է IRNA գործակալությունը։

Ելույթ ունենալով Ջիդդայում Իսլամական համագործակցության կազմակերպության երկրների արտգործնախարարների խորհրդի արտահերթ նստաշրջանում՝ Ալ-Խուրեյջին ասել է. «Սաուդյան Արաբիայի կառավարությունը հասկանում է Իսրայելի հարձակումների և պաղեստինցիների դեմ նրա անօրինական գործողությունների հետևանքով պաղեստինյան տարածքներում էսկալացիայի վտանգը»: