Ռուսաստանի նախագահ Վլադիմիր Պուտինը պաշտոնական այցով ժամանել է Մոնղոլիա, հայտնում է РИА Новости-ն։
Ուղևորության ծրագիրը ներառում է բանակցություններ Մոնղոլիայի նախագահ Ուխնագին Խուրելսուխի հետ՝ նեղ և ընդլայնված ձևաչափով, ինչպես նաև մասնակցություն Խալխին Գոլում խորհրդային և մոնղոլական զինված ուժերի համատեղ հաղթանակի 85-ամյակին նվիրված տոնակատարություններին։
Ավելի վաղ ՌԴ նախագահի օգնական Յուրի Ուշակովը հայտնել էր, որ այցը կտևի երկու օր։ Նա պարզաբանել է, որ Պուտինը նախատեսում է հանդիպել Մոնղոլիայի ղեկավարության հետ, ծաղիկներ դնել մարշալ Գեորգի Ժուկովի հուշարձանին և այցելել Ռուսաստանի Պլեխանովի անվան տնտեսագիտական համալսարանի Ուլան Բատորի մասնաճյուղի դպրոց։
Բանակցություններից հետո Ռուսաստանի և Մոնղոլիայի նախագահները կմասնակցեն ռուս-մոնղոլական միջկառավարական և միջգերատեսչական փաստաթղթերի ստորագրման արարողությանը, ապա հայտարարություններ կանեն լրատվամիջոցների համար։