Բորժոմի շրջանի Ախալդաբայի մոտակայքում բռնկված անտառային հրդեհը մարվել է։ Այս մասին տեղեկություն է տարածում ՆԳՆ Արտակարգ իրավիճակների կառավարման ծառայությունը։
Նրանց տվյալներով՝ հրդեհի մարմանը մասնակցել է մոտ 150 հրշեջ և 4 ուղղաթիռ։
«Այսօր առավոտից հրդեհի մարման գործընթացին մասնակցել են սահմանապահ ոստիկանության չորս ուղղաթիռներ։ Հրշեջների և փրկարարների կողմից ինտենսիվ տեղայնացման և լուծարման աշխատանքները շարունակվել են ողջ գիշեր։ Հրդեհի մարմանը ներգրավվել է ավելի քան 150 հրշեջ։ Հրդեհի վայրում շարունակում են մնալ հրշեջները։ Անվտանգության և մոնիթորինգի նպատակով արտակարգ իրավիճակների կառավարման ծառայության ներկայացուցիչները տեղում կմնան ողջ գիշեր»,- ասվում է տեղեկատվության մեջ։