Ղազախստանի նախագահ Կասիմ-Ժոմարտ Տոկաևը շնորհավորել է վարչապետ Նիկոլ Փաշինյանին Հայաստանի Անկախության օրվա առթիվ:
Տոկաևը նշել է, որ վարչապետ Նիկոլ Փաշինյանի գլխավորությամբ Հայաստանը մեծ հաջողությունների է հասել պետականաշինության, քաղաքացիների բարեկեցության ապահովման և միջազգային հեղինակության ամրապնդման գործում:
«Հետևելով բարեկամության և փոխշահավետ համագործակցության ոգուն՝ Կասիմ-Ժոմարտ Տոկաևը վերահաստատել է իր հանձնառությունը հայ-ղազախական հարաբերությունների առավել ամրապնդման գործում: Նախագահը Հայաստանի ղեկավարին մաղթել է հաջողություններ պատասխանատու պետական գործունեության մեջ, իսկ Հայաստանի ժողովրդին՝ բարեկեցություն և առաջընթաց»,- ասված է Ղազախստանի նախագահի մամուլի ծառայության հաղորդագրության մեջ: