Վրաստանի իշխանությունները պատրաստ են աշխատել Եվրամիության առաքելության հետ, որը կուսումնասիրի երկրում տիրող իրավիճակը։ Այդ մասին հայտարարել է իշխող «Վրացական երազանք՝ Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
Ավելի վաղ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել էր, որ Միությունը Վրաստան առաքելություն կուղարկի՝ կապված հոկտեմբերի 26-ի ընտրությունում ենթադրյալ խախտումների վերաբերյալ մտավախությունների հետ: