Մենք ուզում ենք այնպիսի խաղաղություն, որը չի ենթադրի Ուկրաինայի կապիտուլյացիա կամ հրադադար՝ առանց երաշխիքների։ Այդ մասին X-ի միկրոբլոգում գրել է Ֆրանսիայի նախագահ Էմանուել Մակրոնը:
«Մենք այնպիսի խաղաղություն ենք ուզում, որը պայմաններ է ապահովում Ուկրաինայի երկարաժամկետ ինքնիշխանության համար։ Այնպիսի խաղաղություն, որով մենք պատասխանատվություն ենք ստանձնում մեր հավաքական անվտանգության համար»,- նշել է Ֆրանսիայի նախագահը:
Ավելի վաղ Էմանուել Մակրոնին Սպիտակ տանն ընդունել է ԱՄՆ նախագահ Դոնալդ Թրամփը: Ֆրանսիայի նախագահը նշել է, որ նախ անհրաժեշտ է համաձայնության գալ զինադադարի, ապա՝ խաղաղության համաձայնագրի շուրջ, որը պետք է ներառի անվտանգության երաշխիքներ: Մակրոնի խոսքով՝ դրանց ապահովման գործում Եվրոպան պետք է իր դերը խաղա: Ֆրանսիայի ղեկավարն ընդգծել է, որ Եվրոպան պատրաստ է անվտանգության երաշխիքներ տրամադրել Ուկրաինային, որը կարող է ներառել նաև զորքերի ուղարկում, բայց դրանք այնտեղ կլինեին խաղաղությունը պահպանելու համար»,- ասել է Մակրոնը: