Կրեմլի խոսնակ Դմիտրի Պեսկովը հայտարարել է, որ Ռուսաստանը սպառնալիք կդիտարկի Սև ծովում ՆԱՏՕ-ի ռազմանավերի մշտական ներկայություն հաստատելու ցանկացած ծրագիր: «ՆԱՏՕ-ի նավերի կենտրոնացված ներկայությունը, հաշվի առնելով ինչպես Բուլղարիան, այնպես էլ Ռումինիան, ափամերձ պետությունները, որոնք դաշինքի անդամ են, իհարկե, ներկա իրավիճակում, լրացուցիչ վտանգներ են ներկայացնում Ռուսաստանի համար։ Հատկապես հաշվի առնելով ՆԱՏՕ-ի երկրների ուղղակի ներգրավվածությունն Ուկրաինայի շուրջ հակամարտությունում»,-…

ԵՄ Խորհրդի քաղաքականության և անվտանգության հարցերով հանձնաժողովը հավանություն է տվել Մագդալենա Գրոնոյին Հարավային Կովկասում և Վրաստանում ճգնաժամի հարցերով Եվրամիության հատուկ ներկայացուցչի պաշտոնում նշանակելու առաջարկին։ Որոշումը պետք է պաշտոնապես հաստատի ԵՄ խորհուրդը։ Մագդալենա Գրոնոն այս պաշտոնում կփոխարինի Տոյվո Կլաարին, որն այդ պաշտոնը զբաղեցնում էր 2017 թվականի նոյեմբերից: Նախկինում Գրոնոն եղել է Եվրոպական խորհրդի նախագահ Շառլ Միշելի…

Եվրահանձնաժողովի (ԵՀ) նախագահ Ուրսուլա ֆոն դեր Լայենը խոստացել է վերընտրվելու դեպքում Եվրամիությունը (ԵՄ) դարձնել պաշտպանական դաշինք։ Այս մասին հայտնում է Reuters-ը՝ ԵՀ ղեկավարի ծրագրին հղումով։ «Առաջիկա հինգ տարիների մեր աշխատանքը կենտրոնանալու է իրական պաշտպանական Եվրոպական միության կառուցման վրա»,- ասվում է նախընտրական ծրագրում։ ԵՀ-ի ղեկավարի պաշտոնում վերընտրվելու դեպքում ֆոն դեր Լայենը խոստացել է նաև ստեղծել պաշտպանության…

Հինգշաբթի Ֆրանսիայի Ազգային ժողովի նորընտիր 577 պատգամավորներ կընտրեն խորհրդարանի ստորին պալատի նախագահ: Ձախակողմյան «Նոր Ժողովրդական ճակատը» Ազգային ժողովի նախագահի պաշտոնում առաջադրել է Ֆրանսիայի կոմկուսի պատգամավոր Անդրե Շասսենին: Ավելի վաղ նախագահի ղեկավարած «Վերածնունդ» կուսակցությունը խոսնակի պաշտոնում առաջադրել էր Յաել Բրոն-Պիվեին, որն այդ պաշտոնը զբաղեցնում էր նախորդ գումարման ժամանակ: Իսկ ծայրահեղ աջ «Աազգային միավորում» կուսակցությունն առաջարկել է…

Թուրքիայի արտգործնախարարությունը ողջունել է Թեհրանում Ադրբեջանի դեսպանության աշխատանքի վերսկսումը։ «Ադրբեջանի և Իրանի միջև հարաբերությունների կարգավորումը և դիվանագիտական կապերի՝ նորից նորմալ մակարդակի բարձրացումը կարևոր ենք համարում տարածաշրջանի կայունության և գործակցության ոգու տեսանկյունից»,- նշել են Թուրքիայի արտաքին գերատեսչությունից։

Իսրայելի Քնեսեթը (խորհրդարանը) ձայների ճնշող մեծամասնությամբ կողմ է քվեարկել Պաղեստին պետության ստեղծումը մերժող բանաձևին՝ հաղորդում է The Times of Israel-ը: «Իսրայելի Քնեսեթը վճռականորեն դեմ է Հորդանանից արևմուտք պաղեստինյան պետության ստեղծմանը։ Իսրայելի սրտում այդ պետության ստեղծումը սպառնալիք կլինի Իսրայել պետության և նրա քաղաքացիների գոյության համար, կհավերժացնի իսրայելա-պաղեստինյան հակամարտությունը և կապակայունացնի տարածաշրջանը»,- ասվում է բանաձևում: Փաստաթուղթն ընդունել…

Հուլիսի 13-16-ը Հայաստանում էր Քաղաքացիական անվտանգության, ժողովրդավարության և մարդու իրավունքների հարցերով ԱՄՆ պետքարտուղարի տեղակալ Ուզրա Զեյան։ «Հետք»-ի հետ զրույցում Զեյան խոսել է հայ-ամերիկյան համագործակցության, ամերիկյան միջնորդությամբ հայ-ադրբեջանական բանակցությունների, արցախցիների վերադարձի իրավունքի, Արցախի հայկական ժառանգության պահպանման և Հայաստանում ժողովրդավարական բարեփոխումների մասին։ Հարցին՝ կարո՞ղ է հաստատել այն տեղեկությունը, թե որոշում կա, որ ամերիկյան բանակի ներկայացուցիչ կաշխատի Հայաստանի…

Ավստրիայի ներքին գործերի նախարարությունը նոր կանոններ է հաստատել ապաստան հայցողների համար։ Ի թիվս տարբեր կանոնների՝ միգրանտներից կպահանջվի բարեգործական աշխատանք կատարել պետական և տեղական ինքնակառավարման մարմիններում, փոքր ընկերություններում և բժշկական ու սոցիալական հաստատություններում: Կառավարությունը հույս ունի այս կերպ կարգավորել ապաստան հայցողների կյանքը և նրանց մեջ սերմանել ավստրիական մշակույթի և սոցիալական կանոնների ու սովորույթների հստակ պատկերացում: Նույն…

Գերմանիայի 2025 թվականի դաշնային բյուջեով նախատեսվում է կիսով չափ կրճատել Ուկրաինային ռազմական օգնության ծախսերը։ Այս մասին չորեքշաբթի՝ հուլիսի 17-ին, հայտնել է Reuters-ը: Ըստ գործակալության՝ բյուջեի նախագիծը, որը Գերմանիայի կառավարությունը հաստատել է հուլիսի 17-ին, նախատեսում է 4 միլիարդ եվրո տրամադրել Ուկրաինային՝ ռուսական ներխուժումից պաշտպանվելու համար, մինչդեռ ընթացիկ տարում դա կազմում է 8 միլիարդ եվրո։ Գերմանիան հուսով…

Ուկրաինան և Ռուսաստանը իրականացրել են ռազմագերիների հերթական փոխանակումը, որի ընթացքում յուրաքանչյուր կողմից ազատ է արձակվել 95 պահվող անձ։ Այս մասին չորեքշաբթի՝ հուլիսի 17-ին, հայտնել են ՌԴ պաշտպանության նախարարությունը և Ուկրաինայի նախագահ Վոլոդիմիր Զելենսկին։ Փոխանակումը տեղի է ունեցել Արաբական Միացյալ Էմիրությունների միջնորդությամբ։ ՌԴ ռազմական գերատեսչության հայտարարության մեջ ասվում է, որ ազատ արձակված ռուս զինծառայողները ռազմատրանսպորտային ինքնաթիռով…

Ադրբեջանի ժողովրդավարական ուժերի ազգային խորհուրդը հայտարարել է, որ սատարում է Ժողովրդական ճակատ կուսակցության՝ խորհրդարանի արտահերթ ընտրությունը բոյկոտելու որոշումը: Ազգային խորհուրդը նշել է, որ Ադրբեջանում ընտրությունների ինստիտուտը խարխլվել է Իլհամ Ալիևի նպատակաուղղված քաղաքականության հետևանքով, և քաղաքացիներին կոչ է արել չմասնակցել սեպտեմբերի 1-ին կայանալիք խորհրդարանի արտահերթ ընտրությանը։ «Ազգային խորհուրդը սեպտեմբերի 1-ի ընտրությունները համարում է ոչ թե ընտրություն,…

ԱՄՆ նախագահի թեկնածու Դոնալդ Թրամփը Bloomberg-ի հետ զրույցում պատասխանել է հարցին՝ արդյոք ընտրվելու դեմքում նա կդիտարկի հակառուսական պատժամիջոցները մեղմելու հնարավորությունը: «Պատժամիջոցներով մենք հեռացնում ենք բոլոր նրանց, ովքեր մոտենում են մեզ: Չեմ սիրում պատժամիջոցները»,- նշել է Թրամփը: Նա հերթական անգամ կրկնել է, որ լավ հարաբերությունների մեջ է եղել Վլադիմիր Պուտինի հետ, և թե Ռուսաստանը երբեք չէր…

Եվրախորհրդարանի 63 անդամից բաղկացած խումբը դիմել է Եվրամիության ղեկավարությանը` խնդրելով Հունգարիային զրկել Եվրոպական խորհրդում ձայնի իրավունքից՝ երկրի վարչապետ Վիկտոր Օրբանի Մոսկվա և Պեկին կատարած վերջին այցերի պատճառով: «Եվրամիության Խորհրդում Հունգարիայի նախագահությունը նոր է սկսվել, սակայն վարչապետ Օրբանն արդեն զգալի վնաս է հասցրել՝ օգտվելով և չարաշահելով Եվրամիության Խորհրդի նախագահողի դերը»,- ասվում է եվրախորհրդարանականների հայտարարության մեջ: Եվրահանձնաժողովի…

ԱՄՆ պետքարտուղար Էնթոնի Բլինքենը հանդիպել է իսրայելցի երկու առանցքային պաշտոնյաների հետ ու քննարկել Իսրայելի և ՀԱՄԱՍ-ի միջև հրադադարի համաձայնագրի շուրջ ընթացող բանակցությունները։ Այդ մասին հայտնել է պետքարտուղարության խոսնակ Մեթյու Միլլերը։ Ազգային անվտանգության հարցերով խորհրդական Ցաչի Հանեգբին և Իսրայելի ռազմավարական հարցերի նախարար Ռոն Դերմերը հաստատել են, որ Իսրայելը դեռ հավատարիմ է հրադադարի համաձայնության հասնելու՝ նախագահ Բայդենի…

ՆԱՏՕ-ն Վրաստանին կոչ է անում արագացնել բարեփոխումները՝ ի շահ եվրաատլանտյան ինտեգրման։ Այդ մասին X-ի իր միկրոբլոգում գրել է Հարավային Կովկասում և Կենտրոնական Ասիայում դաշինքի հատուկ ներկայացուցիչ Խավիեր Կոլոմինան։ Նա շեշտել է, որ ՆԱՏՕ-ն աջակցում է Վրաստանի ինքնիշխանությանը և տարածքային ամբողջականությանը, հավատարիմ է Թբիլիսիի հետ երկարամյա գործընկերությանը։ Կոլոմինան Վրաստանի կառավարությանը կոչ է արել արագացնել բարեփոխումները՝ «ամրապնդելու…

Ֆրանսիան իր վրդովմունքն է հայտնում հուլիսի 14-ին և 15-ին Իսրայելի կողմից ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալության դպրոցին և Ալ-Մագազի ճամբարին հասցված հարվածների կապակցությամբ, որտեղ ապաստան են գտել տեղահանված անձինք: Այդ մասին նշված է Ֆրանսիայի ԱԳՆ հայտարարության մեջ։ «Վերջին օրերին հասցված հարվածները, որոնց հետևանքով զոհվել է մոտ 100 մարդ, խորացնում են մարդկային…