Մայիսի 13-ին Տաջիկստանի մայրաքաղաք Դուշանբեում Հայաստանի Հանրապետության ԱԳ նախարար Արարատ Միրզոյանը մասնակցել է ԱՊՀ մասնակից պետությունների արտաքին գործերի նախարարների խորհրդի (ԱԳՆԽ) նիստին։ Նեղ, այնուհետև ընդլայնված ձևաչափով անցկացված նիստի ընթացքում ԱՊՀ արտաքին քաղաքական գերատեսչությունների ղեկավարները մտքեր են փոխանակել տարածաշրջանային ու միջազգային օրակարգի՝ փոխադարձ հետաքրքրություն ներկայացնող հարցերի շուրջ, անդրադարձել ԱՊՀ շրջանակներում փոխգործակցության ամրապնդման հնարավորություններին: Քննարկվել են կազմակերպության…

Ֆինլանդիան ներկայումս չի տեսնում ուղղակի ռազմական սպառնալիքներ Ռուսաստանից։ Այդ մասին հինգշաբթի CNN-ին հայտնել է ՆԱՏՕ-ում երկրի մշտական ​​ներկայացուցիչ Կլաուս Կորհոնենը։ Նրա խոսքով՝ Ֆինլանդիայի հավանական մուտքը Հյուսիսատլանտյան դաշինք «անվտանգության միջավայրի շատ կտրուկ փոփոխության» արդյունք է, սակայն այժմ Ռուսաստանից «ուղիղ ռազմական սպառնալիքներ» կամ «ոչ ստանդարտ ակտիվություն» չկան։ Դա, իհարկե, չի խանգարում, որ Ֆինլանդիան չհրաժարվի ՆԱՏՕ-ին անդամակցությունից։ Կորհոնենը…

Կիևը պատրաստ է Մոսկվայի հետ բանակցությունների, սակայն չի ընդունի ռուսական կողմի վերջնագրերը՝ հայտարարել է Ուկրաինայի արտաքին գործերի նախարար Դմիտրո Կուլեբան Գերմանիա կատարած այցի ժամանակ։ Նա նախազգուշացրել է, որ էսկալացիայի դեպքում Կիևը պատասխան հարված կհասցնի։ «Ռուսաստանը չի ցանկանում նստել բանակցությունների սեղանի շուրջ, նրանք մտադիր են շարունակել ռազմական գործողությունները»,- նշել է Կուլեբան։ Ուկրաինայի գլխավոր դիվանագետի կարծիքով՝ իր…

Ֆինլանդիան ՆԱՏՕ-ին անդամակցության հայտ կներկայացնի: Այդ մասին ասված է երկրի նախագահի և վարչապետի համատեղ հայտարարության մեջ։ «Դաշինքին անդամակցությունը կուժեղացնի Ֆինլանդիայի անվտանգությունը։ Հուսով ենք՝ որոշումը կկայացվի մոտ ապագայում»,- ասված է փաստաթղթում։ Նշվում է, որ ՆԱՏՕ-ին անդամակցելու՝ Ֆինլանդիայի և Շվեդիայի հայտերը կարող են հաստատվել դաշինքի՝ հունիսի 28-ին Մադրիդում կայանալիք գագաթնաժողովի ընթացքում։

Մոսկվան ցանկանում է, որ Հարավային Կովկասը վերածվի խաղաղության, կայուն զարգացման և բարգավաճման գոտու: Այս մասին հայտարարել է Ռուսաստանի արտգործնախարար Սերգեյ Լավրովը Դուշանբեում Հայաստանի և Ադրբեջանի արտգործնախարարների հետ հանդիպմանը: «Մոսկվայի համար կարևոր է կողմերի միջև վստահության մակարդակի բարձրացումը հայ-ադրբեջանական հարաբերությունների լիարժեք կարգավորման համար պայմաններ ստեղծելիս»,- ասել է Լավրովը՝ հույս հայտնելով, որ հանդիպումը թույլ կտա առաջ շարժվել…

Դուշանբեում մեկնարկել է Հայաստանի, Ռուսաստանի և Ադրբեջանի արտգործնախարարներ Արարատ Միրզոյանի, Սերգեյ Լավրովի և Ջեյհուն Բայրամովի եռակողմ հանդիպումը: Ավելի վաղ Սերգեյ Լավրովն առանձին երկկողմ հանդիպումներ է անցկացրել Հայաստանի և Ադրբեջանի ԱԳ նախարարների հետ:

Ախալցխայում՝ Շոթա Ռուսթավելիի հուշարձանի մոտ, ԱՄՆ դեսպանատան «Դուք միավորում եք Վրաստանը» արշավի շրջանակում ցուցադրվեցին 88 լուսանկար, որոնք նկարագրում են Վրաստանի պատմության ամենաոգեշնչող պահերը։ Ախալցխայում տվյալ ստենդը, որի վրա ցուցադրված են վրացի նշանավոր գործիչների լուսանկարներն ու իրադարձությունները, քաղաքում կլինի մեկ ամիս։ «Դուք միավորում եք Վրաստանը» արշավն իրականացվում է երկրի ութ քաղաքներում։

Հյուսիսային Կորեան մայիսի 12-ին, ենթադրաբար, նոր բալիստիկ հրթիռ է արձակել՝ հայտնել են Ճապոնիայի առափնյա պահպանության ծառայությունից։ ԱՄՆ պետքարտուղարության խոսնակ Նեդ Փրայսն էլ նշել է, որ հնարավոր է՝ մոտ ապագայում Փհենյանը նոր միջուկային փորձարկումներ անցկացնի: Տարեսկզբից Փհենյանն իրականացրել է արդեն ավելի քան 10 հրթիռային փորձարկումներ, ներառյալ՝ միջմայրցամաքային բալիստիկ հրթիռի նախատիպի փորձարկումները: Նախորդը տեղի էր ունեցել մայիսի 7-ին,…

Ախալքալաքի «Պույ-պույ» տիկնիկային թատրոնը շրջագայում է մունիցիպալիտետի կրթօջախներով, մինչ այս թատրոնը ներկայացումներով հանդես է եկել մանկապարտեզներում, իսկ այժմ ունենալով Վրաստանի կրթության եւ գիտության նախարարության համապատասխան թույլտվությունը այցելում են նաև դպրոցներ։ «Մեր առաքելությունն է մշակույթը եւ արվեստը հնարավորինս մոտ պահել մեր մանուկներին։ Նախատեսում ենք այցելել մունիցիպալիտետի բոլոր դպրոցներ, անկախ նրանից մեծ թե փոքր, բոլորն էլ պետք…

Այսօր Թուրինում կանցկացվի Եվրատեսիլ երգի մրցույթի երկրորդ կիսաեզրափակիչը։ Եվրատեսիլին Վրաստանը ներկայացնող Circus Mircus-ը Lock Me In երգով հանդես կգա երկրորդ կիսաեզրափակչում, 5-րդ համարի ներքո։ Երգը անգլերեն է, որի վրա աշխատել է հենց խումբը։ Այս տարվա Եվրատեսիլի նախագիծը ունի օրիգինալ կոնցեպտ, և խմբի անդամների ինքնությունը հայտնի չէ: Նրանց կեղծանուններն են՝ Դամոկլես Ստավրիադիս, Հավորտ Գևորգյան, Իգոր Ֆորլիխտենշտեյն…

 Նախկին նախագահ Միխեիլ Սահակաշվիլիին Ռուսթավիի թիվ 12 բանտից, որը սպասարկում Է պատժական համակարգին, տեղափոխել են Թբիլիսիի «Վիվամեդի» բժշկական կենտրոն՝ հետազոտություն անցկացնելու եւ անհրաժեշտության դեպքում բուժընթաց անցնելու համար:  Կլինիկայի շենքի մոտ ուժեղացվել են պահպանության միջոցները, մուտքի տարածքը շրջագծել են ոստիկանական ժապավենով: Սահակաշվիլիի մերձավորները, զինակիցներն ու կողմնակիցները դեռ երեկ երեկոյան Էին սպասում…

Ճապոնիան և Եվրամիությունը շարունակում են պատժամիջոցների միջոցով ճնշում գործադրել Մոսկվայի վրա՝ հայտնել է երկրի վարչապետ Ֆումիո Կիսիդան Տոկիոյում ԵՄ ղեկավարների հետ հանդիպման ավարտին: Նա վստահեցրել է, որ Ուկրաինային աջակցությունը չի դադարի։ Վարչապետը տեղեկացրել է, որ Ճապոնիան և ԵՄ-ն պայմանավորվել են Ուկրաինայում ստեղծված իրավիճակի խորապատկերին հումքի գների կտրուկ աճի հարցում ընդլայնել գործակցությունը ասիական և աֆրիկյան երկրների…

Պենտագոնում չեն կարծում, թե Ռուսաստանը ձգտում է ՆԱՏՕ-ի հետ ռազմական բախման մեջ մտնել։ Այդ մասին հայտարարել է ԱՄՆ պաշտպանության նախարար Լլոյդ Օսթինը։ Նրա խոսքով՝ Հյուսիսատլանտյան դաշինքի մասնակից պետություններից որևէ մեկի վրա Ռուսաստանի հնարավոր հարձակումը արմատապես կփոխեր աշխարհաքաղաքական ներկայիս իրավիճակը, և նման գործողություններին ՆԱՏՕ-ն կպատասխաներ որպես դաշինք՝ համաձայն Հյուսիսատլանտյան պայմանագրի 5-րդ հոդվածի: Պենտագոնի ղեկավարն ընդգծել է,…

ՆԱՏՕ-ի բաց դռների քաղաքականությունը նշանակում է բաց դուռ, դա մեզ համար կարևոր է և քննարկման ենթակա չէ,- այս մասին ճեպազրույցի ժամանակ հայտարարել է ԱՄՆ-ի Պետքարտուղարության ներկայացուցիչ Նեդ Փրայսը։ Լրատվամիջոցների ներկայացուցչի այն հարցին, թե արդյոք ԱՄՆ-ը կմերժի ՆԱՏՕ-ի ընդլայնումը Ուկրաինային և Վրաստանին՝ Ռուսաստանին խաղաղության առաջարկ առաջարկելու համար, Պետքարտուղարության խոսնակն ասել է, որ Ռուսաստանը սկսել է պատերազմն…

Մարտակերտի Վլադիմիր Բալայանի անվան թիվ 1 հիմնական դպրոցի շենքի կապիտալ վերանորոգման աշխատանքները շարունակվում են։ Այս մասին հայտնում են Արցախի քաղաքաշինության նախարարությունից: Առաջին փուլում շենքային պայմանների բարելավումն իրականացվում է դպրոցի մի հատվածում։ Հաջորդ փուլում արդեն նախատեսվում են մյուս հատվածի վերանորոգման և տարածքի բարեկարգման աշխատանքները։ Նշված հատվածի շինարարական աշխատանքների ավարտը նախատեսվում է մինչ ընթացիկ տարվա սեպտեմբերի 1-ը։…

Մոլդովայում գեորգիևյան ժապավենը կրելու, ցուցադրելու և տարածելու համար ֆիզիկական անձանց համար նախատեսված է տուգանք՝ 4,5 հազարից մինչև 9 հազար լեյ (250-ից մինչև 500 դոլար)։ Քիշնևում Հաղթանակի երթի մասնակիցները կրել են այդ արգելված խորհրդանիշը, և այժմ 300 ակտիվիստ, այդ թվում՝ 17 պատգամավոր, ստիպված է պատիժ կրել։ Հասարակ քաղաքացիների նկատմամբ կկիրառվեն տուգանքներ, իսկ օրենսդիրներին քրեական պատասխանատվության կենթարկի…

Աշխատանքի միջազգային կազմակերպության տվյալներով՝ Ուկրաինան կորցրել է 4,8 միլիոն աշխատատեղ Ռուսաստանի հատուկ ռազմական գործողությունից ի վեր՝ հայտնում է DW-ն։ Եթե ​​հակամարտությունը երկարաձգվի, մինչև յոթ միլիոն աշխատատեղ կվերանա, կամ 43,5 տոկոսը՝ զգուշացրել է ՄԱԿ-ը։ Ուկրաինայի ճգնաժամն ազդում է նաև հարևան երկրների վրա, առաջին հերթին՝ Հունգարիայի, Մոլդովայի, Լեհաստանի, Ռումինիայի և Սլովակիայի։ «Եթե մարտերը շարունակվեն, ուկրաինացի փախստականները ստիպված…

Թուրքիայի նախագահ Ռեջեփ Էրդողանը 2023 թվականին կայանալիք համընդհանուր ընտրությունները երկրի յհամար համարել է վճռորոշ՝ գրում է ТАСС-ը։ «2023 թվականի ընտրություններն Էրդողանի և ԱԶԿ-ի համար կարևոր չեն, դրանք կարևոր են Թուրքիայի համար: Այդ ընտրություներից կախված կլինի՝ արդյոք Թուրքիան կմտնի՞ աշխարհի ամենազարգացած երկրների առաջին տասնյակ։ Այդ ընտրությունները կորոշեն երկրի զարգացման վեկտորը մինչև 2053 թվականը»,- ասել է Թուրքիայի…

ՀՀ փոխվարչապետ Մհեր Գրիգորյանի և ԻԻՀ էներգետիկայի նախարար Ալի Աքբար Մեհրաբիանի համանախագահությամբ Երևանում կայացել է Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի 17-րդ նիստը: Միջկառավարական հանձնաժողովի նիստի արդյունքում ստորագրվել է փոխըմբռնման հուշագիր: Նիստի ընթացքում փոխվարչապետ Մհեր Գրիգորյանը հանդես է եկել ելույթով, որում մասնավորապես նշել է. «Հայ-իրանական միջկառավարական հանձնաժողովի իրանական կողմի նախագահ, մեծարգո՛ պարոն…

Չեխիայի նախագահ Միլոշ Զեմանը հանրապետության 103 քաղաքացու թույլատրել է միանալ Ուկրաինայի զինված ուժերին։ Այդ մասին չորեքշաբթի հայտնել է ČTK լրատվական գործակալությունը՝ վկայակոչելով պետության ղեկավարի մամուլի ծառայությունը։ Փաստաթուղթը պետք է ստորագրի նաև հանրապետության վարչապետ Պետրո Ֆիալան։ Չեխիայի օրենսդրությունն արգելում է քաղաքացիներին՝ ծառայել օտարերկրյա ռազմական կամ կիսառազմական ստորաբաժանումներում՝ առանց պետության ղեկավարի համաձայնության։ Այս պահանջը վերաբերում է նաև հանրապետությունում…

Հայաստանի պետական հետաքրքրությունների ֆոնդի (ԱՆԻՖ) խորհրդի նախագահ Տիգրան Ավինյանը և ԱՆԻՖ-ի «Ձեռնարկատեր+պետություն» ներդրումային ֆոնդի տնօրեն Բելլա Մանուկյանը մասնակցել են Վերակառուցման և զարգացման եվրոպական բանկի (ՎԶԵԲ) տարեկան ժողովին և բիզնես ֆորումին։ ՎԶԵԲ տարեկան ժողովը Բանկի անդամ երկների ներկայացուցիչների, գործընկեր կազմակերպությունների, բիզնեսի և քաղաքացիական հասարակության ներկայացուցիչների միջև համագործակցության, պոտենցիալ շահավետ ծրագրերի, ոլորտային և կայուն զարգացման խնդիրների շուրջ…

ՌԴ ՊՆ ներկայացուցիչ, գեներալ-մայոր Իգոր Կոնաշենկովը հայտարարել է, որ ուկրաինական ռազմական ուժերի կողմից Զմեյնի (Օձերի) կղզին գրավելու փորձը հանգեցրել է ավելի քան 50 ուկրաինացի զինծառայողի «անիմաստ մահվան» և մի շարք զինտեխնիկայի կորստի՝ դառնալով  «աղետ Ուկրաինայի զինված ուժերի համար»։ Զմեյնին գրավելու փորձի ընթացքում Ուկրաինայի զինված ուժերը կորցրել են նաև 14 ինքնաթիռ և ուղղաթիռ ու 30 անօդաչու…

Մայիսի 2-5-ը Ֆրանսիայի Լիոն քաղաքում էր գտնվում Երևանի քաղաքապետի առաջին տեղակալ Լևոն Հովհաննիսյանի գլխավորած պատվիրակությունը:   Այցի ընթացքում երևանյան պատվիրակությունը մասնակցել է «Ֆրանս-հայկական մասնագիտական ուսումնական կենտրոն» հիմնադրամի հոգաբարձուների խորհրդի տարեկան ժողովին, ինչպես նաև «Ռոնի մասնագիտական կրթության ընկերություն» հիմնադրամում կազմակերպված միջազգային կոնֆերանսին:   Երևանի քաղաքապետի առաջին տեղակալը, ի դեպ, մասնագիտական ուսումնական կենտրոնի հոգաբարձուների խորհրդի անդամ է:…

Շարունակվում է վարչապետ Նիկոլ Փաշինյանի պաշտոնական այցը Նիդերլանդների Թագավորություն: Վարչապետը մայիսի 11-ին Հաագայում այցելել է Նիդերլանդների գործատուների և արդյունաբերողների համադաշնության գրասենյակ, որտեղ հանդիպում է ունեցել տեղի գործարար համայնքի ներկայացուցիչների հետ: Նիդերլանդների գործատուների և արդյունաբերողների համադաշնության տնօրեն Ինգրիդ Թիյսենը նշել է, որ տեղի գործարարների շրջանում առկա է Հայաստանի հետ համագործակցության հետաքրքրվածություն և շահագրգռվածություն, ուստի իրենք պատրաստ…

Ենթադրյալ հանցագործության կատարման կասկածանքով ձերբակալվել է գեներալ-մայոր Սամվել Կարապետյանը՝ Օգանովսկին:   «Դեպքի առթիվ ձեռնարկված քննչական և դատավարական գործողությունների արդյունքների հիման վրա Արցախի քննչական կոմիտեի քննիչի կողմից հարուցվել է քրեական գործ Արցախի Հանրապետության քրեական օրենսգրքի 269-րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ) և 245-րդ հոդվածի 1-ին մասով (ապօրինի…

ՄԱԿ-ի Անվտանգության խորհուրդը մայիսի 12-ին նիստ կանցկացնի՝ նվիրված Ուկրաինայում հումանիտար իրավիճակին։ CNN-ը հայտնել է, որ նիստը հրավիրվել է Ֆրանսիայի և Մեքսիկայի պահանջով։ Այն կանցկացվի բաց ձևաչափով, որևէ հարցի քվեարկություն չի սպասվում։ Հանդիպմանը ելույթ կունենան ՄԱԿ-ի հումանիտար հարցերի համակարգման գրասենյակի և մանկական հիմնադրամի ներկայացուցիչները։

«Եվրամիությունը չի կարող միջնորդ դառնալ Ռուսաստանի և Ուկրաինայի միջև բանակցություններում»,- նման կարծիք է հայտնել ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը՝ գրում է ТАСС-ը։ Միաժամանակ նա հավելել է, որ «Չինաստանը նույնպես հարմար չէ այդ դերում, քանի որ հակված է դեպի Ռուսաստանը։ Թուրքիան հարմար է, երկու կողմի հետ էլ լավ հարաբերություններ ունի, այնտեղ…

Նիդերլանդներում հայ համայնքի ներկայացուցիչները ողջունում են ՀՀ վարչապետ Նիկոլ Փաշինյանին: Այս մասին հայտնում է «Քաղաքացիական պայմանագրի» ֆեյսբուքյան էջը: Հիշեցնենք, որ ՀՀ վարչապետ Նիկոլ Փաշինյանը պաշտոնական այցով մեկնել է Նիդերլանդների Թագավորություն:  

Շրի Լանկայում բախումների հետևանքով կան զոհեր, 230-ից ավելի մարդ վիրավորվել է։ Երկրում զանգվածային ցույցեր են սկսվել տնտեսական ճգնաժամից հետո բռնկված քաղաքական ճգնաժամի ֆոնին։ Նախօրեին Շրի Լանկայում պարետային ժամ է սահմանվել։ Մայրաքաղաք Կոլոմբոյում բախումներ են տեղի ունեցել կառավարության կողմնակիցների և հակառակորդների միջև։ Վարչապետ Մահինդա Ռաջապակսան հրաժարական է տվել։

Արցախի դատախազությունը հաղորդագրություն է տարածել Ստեփանակերտ քաղաքի Վերածննդի հրապարակում տեղի ունեցած հրաձգության դեպքի վերաբերյալ: «Այսօր, երեկոյան ժամը 19:10-ի սահմաններում Ստեփանակերտ քաղաքի Վերածննդի հրապարակում տեղի էր ունեցել հրաձգություն: Այս պահին Արցախի ոստիկանության կողմից իրականացվում է դեպքի վայրի պահպանություն, դեպքի կապակցությամբ քրեադատավարական ստուգում իրականացնելը դատախազության կողմից հանձնարարվել է Արցախի քննչական կոմիտեին: Ձեռնարկվում են անհետաձգելի քննչական և դատավարական…