20.09.2023

ԼՂ ՆԳՆ արտակարգ իրավիճակների պետական ծառայությունից տեղեկացնում են, որ ԱԻ պետական ծառայությանը կից բացազատվել է օպերատիվ շտաբ, որտեղ հավաքագրվում են ռազմական գործողությունների մասնակից և քաղաքացիական այն անձանց տվյալները, որոնց գտնվելու վայրի մասին դեռևս որևէ տեղեկություններ չկան։ Հասցե` Փետրվարի 20, կառավարության շենքի առաջին հարկ։ Տեղեկատու հեռախոսահամարներ` 047940300 097215316

Հնդկաստանի պաշտպանության նախարարությունը նախատեսում է արտերկրում իր ռազմաօդային ուժերի ներկայության ընդլայնման ծրագրի շրջանակներում ռազմական կցորդներ նշանակել Հայաստանում, Իսպանիայում և Կոտ դ’Իվուարում։ Ինչպես տեղեկացնում է «Արմենպրես»-ը, վկայակոչելով «The Hindu businessline»-ը, այս մասին հայտնել է Հնդկաստանի ռազմաօդային ուժերի ավիացիայի գլխավոր մարշալ Չաուդհարին։ Նա նշել է, որ Հնդկաստանի ՊՆ-ն նաև նախատեսում կապի սպա ԱՄՆ ռազմաօդային ուժերի խաղաղօվկիանոսյան հրամանատարությունում:

Forza Italia-ի պատգամավոր, արտաքին հարաբերությունների հանձնաժողովի անդամ Անդրեա Օրսինին  անդրադարձել է Լեռնային Ղարաբաղում տիրող իրավիճակին: Այն ներկայացնում է Իտալիայում ՀՀ դեսպանության ֆեյսբուքյան էջը: «Չեմ կարող չկիսել ԵՄ արտաքին քաղաքականության հարցերով բարձր ներկայացուցիչ Ժոզեպ Բորելի հրատապ կոչը՝ Լեռնային Ղարաբաղում ռազմական բոլոր գործողությունները անհապաղ դադարեցնելու վերաբերյալ։ Պետք է վերադառնալ Լաչինի միջանցքի լիարժեք անցնանելիությանը»,- ասված է Օրսինիի գրառման…

ԼՂ մարդու իրավունքների պաշտպան Գեղամ Ստեփանյանն անդրադարձել է համացանցում տարածված լուսանկարին, որում պատկերված են Ստեփանակերտի օդանավակայանում հավաքված բազմաթիվ տարհանված բնակիչներ: «Ստեփանակերտի օդանավակայանից տարածված լուսանկարը միջազգային որոշ լրատվամիջոցների մոտ տպավորություն է ստեղծել, թե մարդիկ մեկնում են ինքնաթիռով։ Դա ճիշտ չէ, օդանավակայանը չի գործում 1990-ականներից, այն այժմ ծառայում է որպես ռուս խաղաղապահների շտաբ»,- X-ի իր էջում գրել…

Լեռնային Ղարաբաղի Մարդու իրավունքների պաշտպանի գրասենյակի հաղորդմամբ՝ սեպտեմբերի 20-ի ժամը 21:30-ի դրությամբ, զոհերի թիվը առնվազն 200 է, վիրավորներինը՝ ավելի քան՝ 400: Քաղաքացիական բնակչության շրջանում վիրավորների թիվը գերազանցում է 40-ը, որոնցից 13-ը երեխաներ են։ Այս պահին հաստատված տվյալով զոհերից տասը խաղաղ բնակիչ է, որոնցից 5-ը երեխաներ են։ ՄԻՊ գրասենյակը շարունակում է աշխատանքը անհետ կորածների ճակատագիրը պարզելու…

Փարիզը կշարունակի հետևել ԼՂ-ում զարգացումների համատեքստում Հայաստանի տարածքային ամբողջականությունը կասկածի տակ դնելու Բաքվի փորձերին, հայտարարել է Ֆրանսիայի արտգործնախարար Կատրին Կոլոննան ՄԱԿ-ի Անվտանգության խորհրդի նիստի մեկնարկից առաջ կայացած մամուլի ասուլիսում՝ շեշտելով, որ Փարիզը կշարունակի հանդես գալ բանակցությունների միջոցով հարցերը լուծելու և հայ բնակչության իրավունքները երաշխավորելու համար: Ֆրանսիան անհանգստացած է մարդկանց տեղահանման վտանգի մասին հաղորդումներով, եզրափակել է…

Եվրոպական խորհրդարանի պատգամավոր Լուկաս Ֆուրլասը կարծում է, որ Եվրամիությունը պետք է գործուն քայլերով պատասխանի Լեռնային Ղարաբաղի հայերի նկատմամբ Ադրբեջանի գործողություններին: «Եթե ես հայ լինեի և հետևեի այս քննարկմանը, ամենևին ուրախ չէի լինի: Շատ խոսքեր և շատ քիչ գործողություններ: Հարցը շատ պարզ է, պատրաստվո՞ւմ ենք պատժել Ադրբեջանին, որը հարձակվել է հայերի վրա»,- ասել է Ֆուրլասը Եվրոպական…

ՀՀ ԱԳ նախարար Արարատ Միրզոյանը ՄԱԿ-ի 78-րդ գլխավոր վեհաժողովի շրջանակում Նյու Յորքում հանդիպել է ԱՄՆ պետքարտուղար Էնթոնի Բլինքենի հետ: Այդ մասին Միրզոյանը տեղեկացրել է X-ի (նախկին Twitter) իր միկրոբլոգում:    «ԱՄՆ պետքարտուղար Էնթոնի Բլինքենի հետ զրույցում ընդգծել եմ, որ անհրաժեշտ է միջազգային հրատապ միջամտություն՝ դադարեցնելու ադրբեջանական լայնածավալ ագրեսիան և վայրագ հանցագործություններն ընդդեմ Լեռնային Ղարաբաղի։ Հարավային…

Արցախի հայերը ադրբեջանական հարձակումից հետո կցանկանան հեռանալ տարածաշրջանից, և դա բնական է, քանի որ վերջին ամիսների ընթացքում ադրբեջանցիների կողմից նրանք ենթարկվել են սովի, նրանց եկեղեցիներն ու մշակութային ժառանգության այլ օբյեկտներն ավերվել են, քաղաքացիական անձինք գնդակոծության են ենթարկվել։ Այս մասին նշել է շվեդ պատգամավոր Շառլի Վեյմերշը Եվրոպական խորհրդարանի արտաքին հարաբերությունների հանձնաժողովի նիստում ԼՂ-ի դեմ ադրբեջանական հարձակման…

Լեռնային Ղարաբաղում ադրբեջանական վերջին հարձակումը պատմական հանցագործության շարունակություն է մի ժողովրդի նկատմամբ, որը շատ զրկանքներ է կրել, ասել է ԵԽ կիպրոսցի պատգամավոր Գիորգո Գիորգիուն Եվրոպական խորհրդարանի արտաքին հարաբերությունների հանձնաժողովի նիստում, որի ժամանակ քննարկվել է ԼՂ-ի դեմ Ադրբեջանի վերջին հարձակումը: «Ամեն ինչ սկսվել է թուրքերի կողմից 1915 թ․ ցեղասպանությամբ և այսօր շարունակվում է որպես ցեղասպանություն և…

Կովկասում ու Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան հայտարարել է, որ ուշադիր հետևում են Ադրբեջանում տեղի ունեցող իրադարձություններին։ Այդ մասին նա գրել է X-ի իր միկրոբլոգում: «Հայտարարված հրադադարին պետք է հաջորդի երկխոսությունը՝ առանց բռնության լուծում գտնելու և մարդասիրական իրավիճակի վատթարացումից խուսափելու համար։ ՆԱՏՕ-ն կողմերին կոչ է անում վերսկսել բանակցությունները՝ համապարփակ համաձայնության հասնելու…

ԵՄ դիվանագիտությունը չկարողացավ արդյունավետ արձագանքել Լեռնային Ղարաբաղի շուրջ ստեղծված իրավիճակին, ասել է Եվրախորհրդարանի պաշտպանության ենթահանձնաժողովի ղեկավար, ֆրանսիացի պատգամավոր Նատալի Լուազոն։ «Մենք չկարողացանք կանխել հարձակումը, որը պատրաստվում էր մեր աչքի առաջ»,- ասել է պատգամավորը՝ Ղարաբաղի իրավիճակին նվիրված միջազգային հարաբերությունների կոմիտեի լսումների ժամանակ: Նրա խոսքով՝ Եվրախորհրդարանը բազմիցս զգուշացրել է, սակայն եվրոպական դիվանագիտությունն անտեսել է այդ նախազգուշացումները։ «Այսօր…

Բունդեսթագի (Գերմանիայի խորհրդարան) արտաքին քաղաքականության հանձնաժողովի նախագահ Միխայել Ռոթը (Գերմանիայի սոցիալ-դեմոկրատական ​​կուսակցություն) կոչ է արել Գերմանիայի իշխանություններին ազդակ ուղարկել Ադրբեջանի ղեկավարությանը Լեռնային Ղարաբաղում ռազմական գործողությունը դադարեցնելու անհրաժեշտության մասին, գրում է Frankfurter Allgemeine Zeitung թերթը: «Մենք պետք է հստակ ուղերձ հղենք Բաքվին, որ չենք ընդունում այս սառնասիրտ ագրեսիան»,- պնդել է Ռոթը: «Ինքնին հասկանալի է, որ դա…

ՀՀ հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի՝ էթնիկ զտումների քաղաքականությանը Լեռնային Ղարաբաղում:    «Նոր ապացույցներ՝ Լեռնային Ղարաբաղում Ադրբեջանի ծրագրած և կազմակերպած էթնիկ զտումներից: Հանդուրժում է ողջ միջազգային հանրությունը»,- գրել է Մարուքյանը X-ի (նախկին Twitter) իր միկրոբլոգում և հրապարակել ԼՂ տարբեր բնակավայրերից դեպի ՌԴ խաղաղապահների տեղակայման վայր բնակիչների տարհանման կադրերը։ New evidence of ethnic…

Եվրոպական խորհրդարանի արտաքին հարաբերությունների հանձնաժողովի նիստում քննարկվել է ԼՂ-ի դեմ Ադրբեջանի հարձակումը: «Արմենպրես»-ը ԵԽ պատգամավոր Լարս Պատրիկ Բերգից տեղեկացել է, որ Եվրոպական հանձնաժողովին է ուղղվել  նամակ՝ Լեռնային Ղարաբաղի վրա Ադրբեջանի հարձակման հարցով: Նամակում, որի  ստորագրողների թվում է նաև Բերգը, կոչ է արվում ԵՄ-ին քայլեր ձեռնարկել՝ դադարեցնելու էթնիկ զտումները: Եվրոպական հանձնաժողովին նաև հարցեր են ուղղվել՝ Եվրոպական…

ՌԴ նախագահ Վլադիմիր Պուտինը Չինաստանի ԱԳ նախարար Վան Իի հետ հանդիպման ժամանակ անդրադարձել է նաև ԼՂ-ի դեմ Ադրբեջանի ագրեսիային և այնտեղ ստեղծված իրավիճակին:    «ՌԴ խաղաղապահներն ակտիվորեն աշխատում են Ղարաբաղի հակամարտության մեջ ներգրավված բոլոր կողմերի հետ, անում են ամեն ինչ, որպեսզի պաշպանեն խաղաղ բնակչությանը: Հուսով եմ, որ կարող ենք հասնել ապաէսկալացիայի Ղարաբաղում և խնդրի լուծումը…

Լեռնային Ղարաբաղում տեղակայված ռուսական խաղաղապահ զորակազմի հրամանատարության միջնորդությամբ պայմանավորվածություն է ձեռք բերվել 2023 թվականի սեպտեմբերի 20-ին՝ ժամը 13:00-ից, ռազմական գործողությունների ամբողջական դադարեցման հարցում։    Նախագահի աշխատակազմը ներկայացրել է ռուսական կողմի առաջարկները, ըստ որոնց՝    «Ռուսական խաղաղապահ զորակազմի տեղակայման գոտուց հայկական զինված ուժերի մնացած ստորաբաժանումների ու զինծառայողների դուրսբերման և Լեռնային Ղարաբաղի պաշտպանության բանակի զինված կազմավորումների լուծարման…

Ռուսաստանի պաշտպանության նախարարությունը հայտնել է, որ ԼՂ-ի առավել վտանգավոր հատվածներից խաղաղապահ զորակազմը տարհանել է ավելի քան 2000 արցախցու, կեսից ավելին երեխաներ են:

ԼՂ նախագահի աշխատակազմը ներկայացրել է ռուսական կողմի առաջարկները, ըստ որոնց՝   «Ադրբեջանական կողմի բարձրացրած հարցերը՝ Լեռնային Ղարաբաղի հայերի վերաինտեգրման, իրավունքների և անվտանգության ապահովման, ինչպես նաև Ադրբեջանի Սահմանադրության շրջանակներում Լեռնային Ղարաբաղի բնակչության կենսագործունեության ապահովման վերաբերյալ, ձեռք բերված պայմանավորվածության համաձայն, քննարկել տեղի հայ բնակչության և Ադրբեջանի Հանրապետության կենտրոնական իշխանությունների ներկայացուցիչների միջև հանդիպման ժամանակ, որը տեղի կունենա Եվլախ…

Հռոմի Ֆրանցիսկոս Պապը կոչ է արել դադարեցնել ռազմական գործողությունները Լեռնային Ղարաբաղում և խաղաղ լուծումներ փնտրել՝ ի շահ ժողովրդի։ Այդ մասին հաղորդում է Վատիկանի մամուլի ծառայությունը:  «Երեկ մտահոգիչ լուրեր ստացա Լեռնային Ղարաբաղից, որտեղ զինված բախումների պատճառով սրվել է առանց այն էլ ճգնաժամային հումանիտար իրավիճակը: Ես կոչ եմ անում բոլոր ներգրավված կողմերին և միջազգային հանրությանը լռեցնել զենքերը…

ԼՂ նախագահի աշխատակազմի տեղեկատվության վարչությունը հայտարարություն է տարածել ԼՂ-ում տիրող իրավիճակի վերաբերյալ. «Սեպտեմբերի 19-ից Ադրբեջանի Հանրապետությունը հռթիրահրետանային և ավիացիոն զանգվածային հարվածներ հասցնելուն զուգընթաց անցել է լայնածավալ հարձակման Արցախի Հանրապետության հետ շփման գծի ողջ երկայնքով։ Ադրբեջանի ԶՈՒ գործողությունների վերլուծությունը ցույց է տալիս, որ առաջադրված է Արցախը մասնատելու և նրա կենսունակությանն անդառնալի վնաս հասցնելու խնդիր։ Երկու օր…

Լեմկինի անվան ցեղասպանության կանխարգելման ինստիտուտն ահազանգել է ԼՂ-ում Ադրբեջանի սկսած նոր լայնածավալ ագրեսիային: «Փրկեք արցախահայերին, որոնք այս պահին ենթարկվում են Ադրբեջանի նախագահ Իլհամ Ալիևի ցեղասպան ռեժիմի հարձակմանը։ Արցախի բնակիչներն այժմ բախվում են ոչ միայն սովի և առողջապահական արտակարգ իրավիճակի հետ՝ Ադրբեջանի կողմից 9-ամսյա պաշարումից հետո, այլև մահվան՝ օդային հարվածների, անօդաչու թռչող սարքերի հարվածների և քաղաքացիական…

ԱՄՆ կոնգրեսական Ադամ Շիֆը X-ի իր էջում գրել է, որ ամիսներ շարունակ զգուշացնում էր Ադրբեջանի բացահայտ ցեղասպան արշավի մասին ԼՂ անմեղ խաղաղ բնակչության դեմ։ «Ադրբեջանը հերթական անգամ իրեն դրսևորեց որպես անողոք ագրեսոր ՝ Արցախում իրականացնելով սանձարձակ հարձակումներ, որոնց հետևանքով կան զոհեր, վիրավորներ ու ավերածություններ: Մենք պետք է դադարեցնենք էթնիկ զտումները և Հայոց երկրորդ ցեղասպանությունը։ Բայդենի…

Արցախի պետնախարարի նախկին խորհրդական Արտակ Բեգլարյանը գրառում է արել Ֆեյսբուքի իր էջում՝ անդրադառնալով ԼՂ-ում ստեղծված իրավիճակին:   «Արցախի Հանրապետության իշխանությունները պետք է շատ արագ ու համարձակ կերպով որոշումները կայացնեն ու հրապարակային կերպով ներկայացնեն ժողովրդին, որքան էլ դրանք ծանր լինեն, իսկ ժողովուրդը պետք է ըմբռնի իրավիճակից բխած այդ ճարահատյալ քայլը:   Այս պահին ընթացող արյունալի ցեղասպանությունը…

Միջազգային իրավական հարցերով ներկայացուցիչը ծանուցել է Արդարադատության միջագային դատարանին երեկ և այսօր Լեռնային Ղարաբաղի ժողովրդի նկատմամբ Ադրբեջանի սանձազերծած լայնածավալ ագրեսիայի առկա հետևանքների, ինչպես նաև հնարավոր անդառնալի կորստի ռիսկի մասին։ Այս մասին հայտնում են Միջազգային իրավական հարցերով ՀՀ ներկայացուցչի գրասենյակից:

Ճապոնիան Ադրբեջանին կոչ է անում անհապաղ դադարեցնել ռազմական գործողությունները Լեռնային Ղարաբաղում, իսկ հակամարտության բոլոր կողմերին՝ երկխոսություն սկսել։ Այդ մասին ասվում է Ճապոնիայի ԱԳ նախարար Յոկո Կամիկավայի անունից հրապարակված հայտարարության մեջ։ «Ճապոնիան լրջորեն անհանգստացած է Լեռնային Ղարաբաղում իրավիճակի ներկայիս սրմամբ և վճռականորեն կոչ է անում անհապաղ դադարեցնել Ադրբեջանի ագրեսիան ու ռազմական գործողությունները»,- ասվում է Ճապոնիայի ԱԳՆ-ի…

Ներկայացուցիչների պալատի անդամներ Ադամ Շիֆը, Գաս Բիլիրակիսը, Ֆրենկ Փալոնը, Դևիդ Վալադաոն հանդես են եկել հայտարարությամբ` դատապարտելով Ադրբեջանի ագրեսիան և կոչ անելով անհապաղ միջոցներ ձեռնարկել` կանխելու ԼՂ-ում էթնիկ զտումը: «Նախագահ Ալիևն այս կանխամտածված հարձակումը կազմակերպել է Արցախի հայ բնակչությանը վտարելու նպատակով: Այսպես կոչված «հումանիտար միջանցքները», որոնք նա, ինչպես հաղորդվում է, բացել է, որ քաղաքացիական անձինք կարողանան…

Լեռնային Ղարաբաղի ԱԳՆ-ն ԼՂ-ի դեմ Ադրբեջանի ռազմական ագրեսիայի վերաբերյալ հանդես է եկել հայտարարությամբ, որը ներկայացնում ենք ամբողջությամբ:   «Սեպտեմբերի 19-ին Ադրբեջանի զինված ուժերը սանձազերծել են հերթական ռազմական ագրեսիան Արցախի Հանրապետության դեմ՝ խախտելով միջազգային իրավունքի սկզբունքները և 2020 թվականի նոյեմբերի 9-ի ռազմական գործողությունների դադարեցման մասին Եռակողմ հայտարարության դրույթները։ Մայրաքաղաք Ստեփանակերտը և այլ բնակավայրերը ներկայումս ենթարկվում են…

Ժամը 05.00-ի սահմաններում Ադրբեջանի ԶՈւ-ն գնդակոծել է Ստեփանակերտի շտապօգնության մեքենան, որն ուղևորվել էր Մարտակերտի շրջան՝ ադրբեջանական հարձակման հետևանքով ութ զոհերի մարմինները տեղափոխելու համար: Այս մասին Ֆեյսբուքի իր էջում հայտնել է ԼՂ ՄԻՊ Գեղամ Ստեփանյանը: «Վարորդը վնասվածքներ է ստացել և ի վիճակի չէ տարհանել դիերը»,- հայտնել է ԼՂ ՄԻՊ-ը:

Կանադան լրջորեն անհանգստացած է Ադրբեջանի պաշտպանության նախարարության հայտարարած ռազմական ներխուժման հետևանքով Լեռնային Ղարաբաղում վատթարացող հումանիտար իրավիճակով և ռազմական էսկալացիայով: Այս մասին հայտարարել է Կանադայի արտգործնախարարը: Մելանի Ժոլին շեշտել է՝ հակամարտությունը պետք է լուծվի դիվանագիտական ճանապարհով, կոչ արել ջանքեր գործադրել կողմերի միջև վստահության ամրապնդման ուղղությամբ: «Կանադան կոչ է անում անհապաղ դադարեցնել ռազմական գործողությունները Լեռնային Ղարաբաղում՝ թույլ…