Ռուսաստանի խաղաղապահ զորախմբի հրամանատարությունը հայտնել է, որ Լեռնային Ղարաբաղի Մարտակերտի շրջանում արձանագրվել է հրադադարի ռեժիմի խախտման մեկ դեպք: «Հրետակոծության հետևանքով վիրավորվել է Լեռնային Ղարաբաղի զինված կազմավորման մեկ զինծառայող: Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այդ փաստի առնչությամբ»,- նշված է ՌԴ ՊՆ ամենօրյա տեղեկագրում։
ՌԴ ԱԳՆ պաշտոնական ներկայացուցիչ Մարիա Զախարովան հայտարարություն է արել Լեռնային Ղարաբաղի բնակչությանն առաքվող մարդասիրական օգնության վերաբերյալ: «Ռուսական կողմը շարունակում է նպաստել Լեռնային Ղարաբաղում ստեղծված ծանր հումանիտար իրավիճակի կարգավորմանը՝ մարդասիրական առաքումների համար Լաչինի և Աղդամի երթուղիների զուգահեռ ապաշրջափակման վերաբերյալ ՌԴ ԱԳ նախարար Սերգեյ Լավրովի նախաձեռնության հիման վրա։ Սեպտեմբերի 18-ին Կարմիր խաչի միջազգային կոմիտեի ջանքերով՝ ռուսական խաղաղապահ…
Ադրբեջանի տարածքում սկսված հորդառատ անձրևները սելավների և հեղեղումների պատճառ են դարձել մի շարք շրջաններում։ Որոշ վայրերում բնակչության տարհանման անհրաժեշտություն է առաջացել։ Աստարայի շրջանի գործադիր իշխանության տվյալներով՝ Աստարաչայ գետի վարարման հետևանքով շուրջ 200 տուն է հեղեղվել։ Վագո գյուղում էլ սելավի հոսքը քշել է 25 մ երկարությամբ և 10 մ լայնությամբ երկաթբետոնե կամուրջը, հայտնում է Ադրբեջանի ԱԻՆ-ը։…
ԼՂ նախագահ Սամվել Շահրամանյանը հանդիպել է Հադրութի շրջանից տեղահանված մի խումբ բնակիչների հետ: Այդ մասին հայտնում են ԼՂ նախագահի աշխատակազմի տեղեկատվության գլխավոր վարչությունից: «Արցախի Հանրապետության նախագահ Սամվել Շահրամանյանը սեպտեմբերի 18-ին հանդիպել է 2020 թ. Ադրբեջանի կողմից սանձազերծված պատերազմի հետևանքով Հադրութի շրջանից տեղահանված բնակչության մի խումբ ներկայացուցիչների հետ՝ շրջանի վարչակազմի ղեկավար Արթուր Բաղդասարյանի և Հադրութի քաղաքապետ…
Ուկրաինայում պաշտոնանկ են արվել պաշտպանության փոխնախարարները, այդ թվում՝ Աննա Մալյարը և նախարարության պետքարտուղարը: Իր պաշտոնում է մնացել միայն առաջին փոխնախարար Ալեքսանդր Պավլյուկը։ Այդ մասին հայտնել է Գերագույն ռադայում Նախարարների կաբինետի ներկայացուցիչ Տարաս Մելնիչուկը, գրում է UNIAN-ը: ԶԼՄ-ները հայտնում են, որ պաշտոնանկությունները տեղի են ունեցել ԱՄՆ-ում Ուկրաինայի նախագահ Վոլոդիմիր Զելենսկու և Սպիտակ տան ղեկավար Ջո Բայդենի…
Կատարի իշխանություններն Իրանին և ԱՄՆ-ին հաստատել են, որ նախկինում սառեցված 6 միլիարդ դոլար արժողությամբ իրանական ակտիվները փոխանցվել են Դոհայում գտնվող բանկային հաշիվներին՝ Թեհրանի և Վաշինգտոնի միջև բանտարկյալների փոխանակման գործարքի շրջանակում: Այդ մասին հայտնում է Reuters գործակալությունը՝ հղում անելով իր աղբյուրին։ Սեպտեմբերի 16-ին Tasnim գործակալությունը հայտնել էր, որ Իրանի իշխանությունները բանտարկյալների փոխանակում կիրականացնեն ԱՄՆ-ի հետ այն…
Եվրոպական խորհրդի նախագահ Շառլ Միշելը X-ի (նախկին Twitter) իր էջում գոհունակություն է հայտնել «Լաչինով և Աղդամով մարդասիրական բեռների միաժամանակյա անցման կապակցությամբ»: «Ղարաբաղի հայերին մարդասիրական մատակարարումները վերջապես իրականացվում են: Ողջունում ենք մարդասիրական բեռների միաժամանակյա անցումը Լաչինով և Աղդամով: Այժմ այն պետք է կարգավորվի: Կարևոր է նաև, որ Բաքվի և Ղարաբաղի հայերի միջև բանակցություններ սկսվեն իրենց իրավունքների…
ԼՂ նախագահ Սամվել Շահրամանյանը սեպտեմբերի 18-ին ստորագրել է հրամանագիր Արթուր Իվանի Հարությունյանին պետական նախարար նշանակելու մասին: «Երկրի ղեկավարի մեկ այլ հրամանագրով՝ փոփոխություն է կատարվել «Արցախի Հանրապետության պետական նախարարի կողմից նախարարների գործունեության համակարգման մասին» Նախագահի հրամանագրում, համաձայն որի՝ պետական նախարարը համակարգելու է հետևյալ նախարարների գործունեությունը՝ 1) առողջապահության նախարար. 2) արդարադատության նախարար. 3) գյուղատնտեսության նախարար….
ԼՂ սոցիալական զարգացման և միգրացիայի նախարարությունից տեղեկացնում են, որ այսօր կեսգիշերից (ժամը 24:00-ից հետո) Ստեփանակերտ քաղաքի հացի արտադրամասերում կիրականացվի հացի վաճառք համար 11 կտրոնով: Կշարունակեն գործել նաև համար 9 և 10 կտրոնները:
Վրաստանի վարչապետ Իրակլի Ղարիբաշվիլին ՄԱԿ-ի գլխավոր ասամբլեայի շրջանակում Նյու Յորքում հանդիպել է Թուրքիայի նախագահ Ռեջեփ Էրդողանի հետ։ Հանդիպմանը քննարկվել են տարածաշրջանային անվտանգության և երկու երկրի ռազմավարական գործընկերության հարցեր։ Իրակլի Ղարիբաշվիլին նշել է, որ Վրաստանի և Թուրքիայի միջև գոյություն ունեցող տարածաշրջանային նախագծերն արդյունավետ ռազմավարական համագործակցության և վստահելի գործընկերության վառ օրինակ են: Կողմերն անդրադարձել են նաև տարածաշրջանում…
Ճեպազրույցի ժամանակ Իրանի արտաքին գործերի նախարարության խոսնակ Նասեր Քանանին հույս է հայտնել, որ Ադրբեջանի դեսպանատունը Թեհրանում կվերսկսի գործել։ Նա հիշեցրել է Իրանի և Ադրբեջանի ԱԳ նախարարներ Հոսեյն Ամիր Աբդոլահիանի և Ջեյհուն Բայրամովի հեռախոսազրույցի և Թեհրանում Ադրբեջանի դեսպանատան աշխատանքի վերսկսման գործընթացի մասին։ «Վերջին 2-3 ամիսների ընթացքում Իրանն ու Ադրբեջանը պատվիրակությունների մի շարք փոխանակումներ են իրականացրել, որոնք…
ԼՂ տեղեկատվական շտաբից հայտնում են, որ Կարմիր խաչի միջազգային կոմիտեի կողմից Ակնա-Ստեփանակերտ ճանապարհով տեղափոխվել են բժշկական և հիգիենայի պարագաներ, որոնք ներկայումս գտնվում են ԿԽՄԿ-ի պահեստում: «Դրանք Արցախի Հանրապետության կառավարությանը կփոխանցվեն միայն համապատասխան փորձաքննությունն անցնելուց հետո: Փորձաքննություն անցած և ԱՀ կառավարության կողմից սահմանված չափանիշներին (ծագում, որակ) չհամապատասխանող ապրանքները տեղում ոչնչացվելու են: Միևնույն ժամանակ հանրապետության…
ԱՄՆ նախագահ Ջո Բայդենը ծրագրել է ՄԱԿ-ի գլխավոր ասամբլեայի առաջիկա նստաշրջանի իր ելույթում ներկայացնել առաջարկ ՄԱԿ-ի Անվտանգության խորհրդի մշտական անդամների կազմի ընդլայնման վերաբերյալ, ասել է ԱՄՆ ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։ ԱՄՆ իշխանությունների տեսանկյունից՝ խորհուրդը պետք է դառնա «ավելի ընդգրկուն և համապարփակ», հավելել է խոսնակը։ Բրիտանական The Telegraph-ն էլ գրում է, որ…
Մարդասիրական կոնսենսուս գտնելու հարցում որոշումներ կայացնողների համառ դիվանագիտական ջանքերի արդյունքում Կարմիր խաչի միջազգային կոմիտեն (ԿԽՄԿ) երկուշաբթի Լաչինի միջանցքով և Աղդամի ճանապարհով ցորենի ալյուրի և առաջին անհրաժեշտության բժշկական պարագաների բեռներ է առաքել կարիքավոր մարդկանց: Այդ մասին ասվում է կազմակերպության տարածած հաղորդագրությունում: «Մենք ուրախ ենք, որ մարդասիրական օգնության կարիք ունեցող շատ մարդիկ վերջապես կստանան անհրաժեշտ աջակցությունն առաջիկա…
Ուկրաինայի նախագահ Վոլոդիմիր Զելենսկին CBS News-ի հետ հարցազրույցում ասել է, որ Ուկրաինան պատրաստ չէ զիջել իր տարածքների մի մասը՝ հանուն խաղաղության։ Միաժամանակ նա խուսափել է պատասխանել հարցին, թե արդյոք իր դիրքորոշումը վերաբերում է նաև Ղրիմին: Ավելի վաղ ԱՄՆ պետքարտուղար Էնթոնի Բլինքենը ABC-ի հետ հարցազրույցում ասել էր, որ Ուկրաինան կբանակցի, եթե Ռուսաստանի կողմից նախաձեռնություն լինի։ Պետքարտուղարության…
Պետական եկամուտների կոմիտեն հայտնում է, որ «Ռոսգրանստրոյի» տնօրինության տեղեկացմամբ՝ Վերին Լարսի ավտոմոբիլային անցակետի վերակառուցման ավարտական փուլով պայմանավորված՝ սեպտեմբերի 18-24-ն ընկած ժամանակահատվածում Ռուսաստանի Դաշնություն մուտք գործելու ուղղությամբ բեռնատար տրանսպորտային միջոցների համար երթևեկելի գոտիներում իրականացվում են ասֆալտապատման աշխատանքներ։ Ինչպես տեղեկացնում են ՊԵԿ-ից՝ ՌԴ գնացող ճանապարհին կկազմակերպվի դարձափոխային երթևեկություն։ Սպասվում է թողունակության ժամանակավոր նվազում, ինչը կարող է հանգեցնել բեռնատար տրանսպորտային…
ԼՂ տեղեկատվական շտաբից հայտնում են՝ սեպտեմբերի 18-ին, Կարմիր խաչի միջազգային կոմիտեի Ստեփանակերտի գրասենյակի և Արցախում խաղաղապահ առաքելություն իրականացնող ռուսական զորախմբի հրամանատարության հետ ձեռք բերված պայմանավորվածության համաձայն, Բերձորի միջանցքով՝ Գորիս-Ստեփանակերտ մայրուղով, Ստեփանակերտ է տեղափոխվել մոտ 23 տոննա հայկական արտադրության ալյուր, իսկ Ակնա-Ստեփանակերտ ճանապարհով՝ արտասահմանյան (ռուսական, շվեյցարական) արտադրության բժշկական և հիգիենայի պարագաներ, որոնք փորձաքննությունից հետո կհատկացվեն համապատասխան…
Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 17-ին՝ ժամը 23:15-ի սահմաններում, փորձել են Ասկերանի շրջանում կատարել ամրաշինական աշխատանքներ, որոնք իբրև թե խափանվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այս մասին հայտնում է ԼՂ ՊՆ մամուլի ծառայությունը։
Մի քանի րոպեում ներկայացնում ենք Վրաստանում, Հայասաստանում եւ մեր տարածաշրջանում տեղի ունեցած կարեւոր իրադարձությունները։
«Ախալքալաքի կարտոֆիլ» ասոցիացիայի ներկայացուցիչ Մախարե Մացուկատովի հետ զրուցել ենք այս տարվա գյուղատնտեսության արդյունքների՝ մասնավորապես կարտոֆիլի բերքի քանակի եւ իրացման խնդիրների վերաբերյալ։ Մանրամասները դիտեք տեսանյութում։
ԼՂ ՊՆ մամուլի ծառայությունից տեղեկացնում են, որ սեպտեմբերի 17-ին՝ ժամը 18։20-ի սահմաններում, ադրբեջանական զինուժը Մարտակերտի շրջանում խախտել է հրադադարը՝ կիրառելով հրաձգային զենք և ԶՈՒ 23-2 կայանք։ Հրադադարի խախտման հետևանքով հայկական կողմում կա մեկ վիրավոր։ Նրա կյանքին վտանգ չի սպառնում։ Միջադեպի մասին հաղորդվել է ՌԴ խաղաղապահ զորակազմի հրամանատարությանը։ «Միևնույն ժամանակ Ադրբեջանի ՊՆ տարածած…
ՊՆ մամուլի ծառայությունից տեղեկացնում են, որ Ադրբեջանի ՊՆ տարածած հաղորդագրությունն այն մասին, թե, իբր, ՊԲ ստորաբաժանումները սեպտեմբերի 17-ին՝ ժամը 13:55-ի սահմաններում, փորձել են ականներ տեղադրել Ասկերանի շրջանի օկուպացված տարածքներում տեղակայված ադրբեջանական դիրքերի առջև, իսկ ժամը 15։10-ի սահմաններում կրակ են բացել Շուշիի շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։
ԼՂ տեղեկատվական շտաբից տեղեկացնում են, որ Ադրբեջանի կողմից Արցախի պաշարման հետևանքով առաջացած ճգնաժամն օրեցօր խորանում է: Հացահատիկի հայթայթման և հացի արտադրամասերին ալյուրի մատակարարման գործընթացը կառավարությունը կազմակերպում է սուղ պայմաններում և, ցավոք սրտի, ոչ միշտ է հաջողվում ամեն օր ապահովել կտրոնային համակարգով նախատեսված քաղաքացուն օրական հասանելիք 200 գրամ հացը: «Հաշվի առնելով երկրում խորացող աղետն ու…
ԼՂ նախագահ Սամվել Շահրամանյանը սեպտեմբերի 17-ին Անվտանգության խորհրդի անդամների մասնակցությամբ հրավիրել է աշխատանքային խորհրդակցություն: «Շփման գծի երկայնքով օպերատիվ իրավիճակի մասին զեկույցով հանդես է եկել պաշտպանության նախարար-պաշտպանության բանակի հրամանատար Կամո Վարդանյանը: Քննարկվել են առաջնագծում տիրող իրավիճակն ու անվտանգային մարտահրավերները, դրանց դիմակայման ուղղությամբ անելիքները: Նախագահը բարձր է գնահատել ուժային կառույցների կողմից կատարված աշխատանքը, տվել հանձնարարականներ: Անդրադարձ է…
Հայաստանի հատուկ հանձնարարություններով դեսպան Էդմոն Մարուքյանը ՏԱՍՍ-ի հետ զրույցում հայտնել է, որ Հայաստանը Միջազգային քրեական դատարանի կանոնադրությունը՝ Հռոմի ստատուտի վավերացման նախապատրաստման հետ կապված առաջարկներով, ուղարկել է Ռուսաստանին: Մարուքյանի խոսքով՝ ներկայումս առաջարկությունները քննարկվում են: «Հասկանալի է, որ Հռոմի ստատուտը վավերացվում է ոչ թե Ռուսաստանի Դաշնության դեմ, այլ Հայաստանի Հանրապետության տարածքում ադրբեջանական կողմի կատարած պատերազմական հանցագործությունների պատճառով:…
Հայաստանի հատուկ հանձնարարություններով դեսպան Էդմոն Մարուքյանը ՏԱՍՍ-ին տված հարցազրույցում հայտարարել է՝ Ադրբեջանի հետ ամուր խաղաղության հաստատումը պահանջում է վստահության վերականգնում, դրա համար Բաքուն պետք է ազատ արձակի գերիներին և զորքերը հետ քաշի մինչև 1975 թվականի սահմանագիծը: «Ամուր խաղաղության հասնելու համար անհրաժեշտ է վերականգնել վստահությունը, Ադրբեջանը պետք է հետ քաշի զորքերը Հայաստանի տարածքներից մինչև 1975 թվականի…
Ինչպես ավելի վաղ հայտնել էինք, ՀՀ վարչապետ Նիկոլ Փաշինյանը և վարչապետի տիկին Աննա Հակոբյանը Շենգավիթ վարչական շրջանի 8/16 ընտրական տեղամասում կատարել են իրենց քաղաքացիական պարտքը: Լրագրողների հետ զրույցում վարչապետն անդրադարձավ ԼՂ-ում ստեղծված իրավիճակին, նաև խաղաղության պայմանագրին: Հարցին՝ արդյոք հոկտեմբերի 5-ին Գրանադայում սպասվո՞ւմ է որևէ փաստաթղթի ստորագրում, վարչապետը բացասական պատասխան տվեց: «Ցավոք սրտի, ո՛չ, որովհետև եթե…
Սեպտեմբերի 17-ին՝ ժամը 00։30-ի սահմաններում, ադրբեջանական զինուժը Շուշիի շրջանում խախտել է հրադադարը՝ կիրառելով հրաձգային զենք։ Հրադադարի խախտման հետևանքով հայկական կողմում տուժածներ չկան։ Այս մասին հայտնում են ԼՂ ՊՆ մամուլի ծառայությունից։
Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 16-ին ` ժամը 22:55-ից ժամը 23։45-ն ընկած ժամանակահատվածում ամրաշինական աշխատանքներ են կատարել Ասկերանի շրջանում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այս մասին հայտնում են ԼՂ ՊՆ մամուլի ծառայությունից:
Շփման գծում իրադրության փոփոխության դեպքում Պաշտպանության նախարարության մամուլի ծառայությունն անմիջապես կտեղեկացնի հանրությանը: Այս մասին հայտնում է Արցախի տեղեկատվական շտաբը: «Հորդորում ենք սոցիալական ցանցերում և հեռախոսային խոսակցություններում չքննարկել երկրի անվտանգությանն ու բանակին վերաբերող հարցեր, քանի որ դրանով դուք կարող եք վնասել Արցախի Հանրապետության պաշտպանունակությանը: Կոչ ենք անում ցուցաբերել զսպվածություն, հետևել միայն պաշտոնական լրահոսին»,- ասված է շտաբի…
