Սեպտեմբերի 2023

ԼՂ ՊՆ մամուլի ծառայությունը հաղորդագրություն է տարածել` անդրադառնալով շրջանառվող որոշ տեղեկությունների: «Կապված Ադրբեջանի ԶՈւ կողմից իրականացվող տեղաշարժերի և կուտակումների հետ` Արցախի Հանրապետության բնակչության շրջանում նկատվում են որոշակի տագնապային տրամադրություններ։ Այդ առնչությամբ տեղեկացնում ենք, որ Արցախի Հանրապետության ՊԲ֊ն իրականացնում է իրավիճակի շուրջօրյա մշտադիտարկում և որևէ էական զարգացման դեպքում անհապաղ իրազեկում է հանրությանը։ Ներկայում ձևավորված իրավիճակում չստուգված…

Ադրբեջանի ԱԳ նախարար Ջեյհուն Բայրամովը հանդիպել է ԱՄՆ Պետքարտուղարության Կովկասի բանակցությունների գծով գլխավոր խորհրդական Լուիս Բոնոյի հետ: Հանդիպման ընթացքում քննարկվել են Հայաստանի ու Ադրբեջանի միջև հարաբերությունների կարգավորման գործընթացը, տարածաշրջանային իրավիճակը և այլ հարցեր:

Իրանը Ատոմային էներգիայի միջազգային գործակալությանը տեղեկացրել է, որ որոշել է հետ կանչել երկրում ուրանի հարստացման օբյեկտներում ստուգումներ իրականացնող՝ գործակալության մի քանի տեսուչի հավատարմագրումը: Այդ մասին հայտնել է ԱԷՄԳ-ի ղեկավար Ռաֆայել Գրոսին: «Այդ տեսուչները գործակալության ամենափորձառու մասնագետներից են, որոնք եզակի գիտելիքներ ունեն հարստացման տեխնոլոգիայի վերաբերյալ: Նրանք կարևոր աշխատանք են իրականացրել Իրանում ուրանի հարստացման օբյեկտներում ստուգման ուղղությամբ»,-…

Լեհաստանը սեպտեմբերի 17-ից արգելելու է Ռուսաստանում գրանցված մարդատար մեքենաների մուտքը երկրի տարածք: Այդ մասին լրագրողներին հայտնել է Լեհաստանի ներքին գործերի նախարար Մարիուշ Կամինսկին: «ԵՄ տարածք Ռուսաստանում գրանցված ավտոմեքենաների մուտքի արգելքի վերաբերյալ սեպտեմբերի 8-ին Եվրահանձնաժողովի հրահանգների հրապարակմամբ պայմանավորված՝ Լեհաստանի սահմանին այդ արգելքը կգործի վաղվանից և ուժի մեջ կմտնի այսօր կեսգիշերին»,-ասել է պաշտոնյան: Նույն արգելքն արդեն գործում…

Դուշանբեում Ղրղզստանի դեսպան Էրդան Աբդիլդաևին կանչել են Տաջիկստանի արտաքին գործերի նախարարություն, մտահոգություն հայտնել ավելի վաղ սահմանային հարցերի վերաբերյալ Ղրղզստանի բարձրաստիճան պաշտոնյայի հայտարարությունների կապակցությամբ: Նախօրեին Ղրղզստանի ազգային անվտանգության պետական կոմիտեի ղեկավար Կամչիբեկ Տաշիևը հայտարարել էր Տաջիկստանին տարածքային պահանջներ ներկայացնելու հնարավորության մասին՝ հայտնաբերված նոր իրավական և պատմական փաստաթղթերի հիման վրա: Տաջիկստանի ԱԳՆ-ից հայտնել են, որ նման մեկնաբանությունները…

Ադրբեջանի արտաքին գործերի նախարար Ջեյհուն Բայրամովն ընդունել է ԱՄՆ պետքարտուղարության՝ Կովկասում բանակցությունների հարցերով ավագ խորհրդական Լուիս Բոնոյին: Հանդիպման ընթացքում Բայրամովը դժգոհել է, որ միջազգային մի շարք դերակատարներ, այդ թվում՝ ԱՄՆ-ը, կրկնում են հայկական կողմի հայտարարությունները: Նա նշել է, մասնավորապես, պետքարտուղարի Եվրոպայի և Եվրասիայի հարցերով օգնական Յուրի Քիմի վերջին ելույթը ԱՄՆ Սենատի արտաքին հարաբերությունների հանձնաժողովում: Ադրբեջանի…

Եվրամիությունը ձգտում է խզել հարաբերությունները Թուրքիայի հետ՝ հայտարարել է Ռեջեփ Էրդողանը։ «Եթե ԵՄ-ն համապատասխան քայլեր անի, մենք այդ իրադարձությունների վերաբերյալ մեր գնահատականը կտանք և դրանից հետո կարող ենք ԵՄ-ի հետ գնալ տարբեր ճանապարհներով, եթե դա անհրաժեշտ լինի»,- ասել է Թուրքիայի ղեկավարը Նյու Յորք մեկնելուց առաջ՝ Ստամբուլում տեղի ունեցած մամուլի ասուլիսի ժամանակ: Ավելի վաղ Եվրախորհրդարանը զեկույց…

Թուրքիայի նախագահ Ռեջեփ Էրդողանը հայտարարել է, որ Ռուսաստանի, Ադրբեջանի և Հայաստանի ղեկավարներին առաջարկել է քառակողմ հանդիպում անցկացնել Լեռնային Ղարաբաղի հարցով: «Մենք հանդես ենք եկել Ղարաբաղում տիրող իրավիճակի վերաբերյալ եռակողմ, նույնիսկ քառակողմ հանդիպում անցկացնելու առաջարկով՝ իմ, Պուտինի, Ալիևի և Փաշինյանի մասնակցությամբ»,- հայտնել է Էրդողանը՝ ԱՄՆ մեկնելուց առաջ կայացած ճեպազրույցում: Թուրքիայի ղեկավարը մտադրություն է հայտնել քննարկելու իր…

Շարունակվում է Հյուսիսային Կորեայի առաջնորդ Կիմ Չեն Ընի այցը Ռուսաստան: Երեկ նա ժամանել է Կոմսոմոլսկ նա Ամուրե, որտեղ այցելել է ռուսական ավիացիոն գործարաններ: ՌԴ արդյունաբերության և առևտրի նախարար Դենիս Մանտուրովի հետ Կիմը գնահատել է Су-35-ի ցուցադրական թռիչքը: Պրիմորիեի Կնևիչի օդանավակայան կատարած այցի ժամանակ Ռուսաստանի պաշտպանության նախարար Սերգեյ Շոյգուն Հյուսիսային Կորեայի ղեկավարին ցույց է տվել «Կինժալ»…

Այսօր՝ սեպտեմբերի 16-ին ԼՂ առողջապահության նախարարության «Հանրապետական բժշկական կենտրոն» ՓԲԸ-ից 8 բուժառու՝ ուղեկցողների հետ, անհետաձգելի մասնագիտացված բժշկական օգնություն ստանալու համար, Կարմիր խաչի միջազգային կոմիտեի միջնորդությամբ և ուղեկցությամբ, տեղափոխվել են ՀՀ մասնագիտացված բժշկական կենտրոններ։ «Արևիկ» բուժմիավորումում այս պահին ստացիոնար բուժում է ստանում 18 երեխա, 3-ը գտնվում են նորածնային և վերակենդանացման բաժանմունքում: «Հանրապետական բժշկական կենտրոն» ՓԲԸ-ում ստացիոնար բուժում է…

ԱՄՆ նախագահ Ջո Բայդենը նախատեսում է Նյու Յորքում հանդիպում անցկացնել կենտրոնասիական հինգ պետությունների՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների հետ՝ հայտնել է Սպիտակ տան Ազգային անվտանգության հարցերով խորհրդական Ջեյք Սալիվանը։ «Սա կլինի պատմության մեջ առաջին նախագահական գագաթնաժողովը՝ C5+1 ձևաչափով»,- հավելել է պաշտոնյան: Նա նաև ընդգծել է, որ գագաթնաժողովի նպատակը այլ երկրների հետ առճակատումը չէ….

Ադրբեջանում 3,3 մագնիտուդով երկրաշարժ է գրանցվել՝ հայտնել են այդ երկրի սեյսմիկ ծառայությունից: Տեղեկության համաձայն՝ ստորգետնյա ցնցումները գրանցվել են Ղուբայի շրջանում՝ սեպտեմբերի 16-ի առավոտյան ժամը 05:52-ին: Երկրաշարժի օջախը գտնվել է 42 կմ խորությաամբ:

ԼՂ սոցիալական զարգացման և միգրացիայի նախարարությունից տեղեկացնում են, որ սեպտեմբերի 16-ին Ստեփանակերտ քաղաքում հացի վաճառքի համար դեռևս շարունակում է գործել միայն համար 9 կտրոնը:

Պետքարտուղար Էնթոնի Բլինքենը գործակցել է Հայաստանի և Ադրբեջանի ղեկավարների հետ՝ հստակեցնելու, որ Միացյալ Նահանգները ցանկանում է Լաչինի միջանցքն անհապաղ բացվի, հայտարարել է Պետքարտուղարության խոսնակ Մեթյու Միլլերը: Կոնգրեսական Ֆրանկ Փալոնն էլ ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսին շնորհակալություն է հայտնել Լեռնային Ղարաբաղի իրավիճակի թեմայով լսումների համար: Տարածաշրջանային և միջազգային նորությունները՝ տեսաշարում:

ԱՄՆ նախագահ Ջո Բայդենը սեպտեմբերի 21-ին կհանդիպի Ուկրաինայի նախագահ Վոլոդիմիր Զելենսկու հետ: Այս մասին հայտնել է ԱՄՆ նախագահի` ազգային անվտանգության հարցերով օգնական Ջեյք Սալլիվանը: «Նախագահ Բայդենը կվերադառնա Վաշինգտոն` հինգշաբթի օրը Սպիտակ տանը նախագահ Զելենսկուն ընդունելու համար: Դա կլինի նրանց երրորդ հանդիպումը, որը տեղի կունենա այս ճգնաժամային պահին, քանի որ Ռուսաստանը հուսահատորեն օգնություն է փնտրում այնպիսի…

Եվրամիությունը 345 միլիոն եվրոյի (368 միլիոն դոլար) տուգանք է սահմանել TikTok սոցիալական ցանցի նկատմամբ՝ անչափահասներին վերաբերող տեղեկատվությանն առնչվող դեպքերում Բրյուսելի՝ տվյալների պաշտպանության խիստ կանոնները խախտելու համար: TikTok-ի կենտրոնակայանը գտնվում է Դուբլինում: Իսկ տվյալների պաշտպանության իռլանդական հանձնաժողովը, որը գործում է ԵՄ-ի անունից, պարտավորեցրել է սոցիալական մեդիայի հսկային երեք ամսվա ընթացքում իր գործունեությունը համապատասխանեցնել կանոններին: Տուգանքը նշանակվել…

Հունգարիան, Ռումինիան, Լեհաստանը և Սլովակիան սեպտեմբերի 16-ից կերկարաձգեն Ուկրաինայից ազգային հիմունքներով հացահատիկի ներկրման արգելքը, եթե մինչև կեսգիշեր Բրյուսելը նման որոշում չընդունի, հայտարարել է Հունգարիայի վարչապետ Վիկտոր Օրբանը Radio Kossuth-ի եթերում։ «Արգելքի ժամկետը լրանում է այսօր: Առայժմ Բրյուսելի բյուրոկրատները չեն ցանկանում երկարաձգել այն: Եթե ժամկետը չերկարացվի այսօր կեսգիշերին, ապա մի քանի երկիր՝ Ռումինիան, Լեհաստանը, Սլովակիան և…

Ադրբեջանի ԱԳՆ-ն հիասթափություն է հայտնել ԱՄՆ պետքարտուղարի Եվրոպայի և Եվրասիայի հարցերով օգնականի պաշտոնակատար Յուրի Քիմի հայտարարությունների կապակցությամբ՝ Սենատի արտաքին հարաբերությունների հանձնաժողովի լսումների ժամանակ։ Ելույթ ունենալով նիստում՝ պետքարտուղարության ներկայացուցիչը, մասնավորապես, հայտարարել է, որ Լաչինի միջանցքը պետք է անհապաղ բացվի։ Քիմը նշել էր, որ Հայաստանի և Ադրբեջանի միջև պատերազմը դեռ ավարտված չէ, Լաչինի միջանցքն արգելափակված է, և…

Հայաստանում ԵՄ առաքելությունը հյուրընկալել է Հայաստանում Ֆրանսիայի դեսպան Օլիվիե Դըկոտինյիին և Ֆրանսիայի Ազգային ժողովի արտաքին հարաբերությունների հանձնաժողովի նախագահ Ժան-Լուի Բուրլանժին: ԵՄ առաքելությունը X-ի իր միկրոբլոգում գրել է. «Հայաստանում Եվրամիության առաքելության ճեպազրույցից հետո պատվիրակությունը միացավ մեր դիտորդներին՝ Արարատի մարզում պարեկություն կատարելու՝ տեղում իրավիճակն ավելի լավ հասկանալու համար»։

Եվրամիությունը Կոսովոյին մեղադրել է Սերբիայի հետ հարաբերությունների կարգավորումը խոչընդոտելու համար։ «Այսօր պարզվեց, որ անհնար է հաղթահարել տարաձայնությունները»,- ասել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը՝ Բրյուսելում Կոսովոյի վարչապետ Ալբին Կուրտիի և Սերբիայի նախագահ Ալեքսանդր Վուչիչի հետ բանակցություններից հետո։ Բորելի խոսքով՝ Կուրտին պատրաստ չէ Կոսովոյի սերբերին ավելի մեծ ինքնավարություն տալ, թեև…

Վերջին օրերին ադրբեջանական որոշ լրատվամիջոցներ փորձում են ռուսական խաղաղապահ զորախմբի կողմից մի խումբ քաղաքացիների տեղափոխումը Հայաստանի Հանրապետություն ներկայացնել որպես զինծառայողների տարհանում: Հարկ ենք համարում նշել, որ ԼՂ-ում ՀՀ քաղաքացի հանդիսացող զինծառայողներ չկան, որի մասին պաշտոնական Ստեփանակերտն ու Երևանը հայտարարել են բազմիցս:   Ինչպես հայտնում են ԼՂ տեղեկատվական շտաբից, ԼՂ-ից ռուսական խաղաղապահների կողմից տեղափոխված անձինք հայաստանյան…

ԼՂ նախագահ Սամվել Շահրամանյանը սեպտեմբերի 15-ին հրավիրել է աշխատանքային խորհրդակցություն: «Խորհրդակցության օրակարգում Ադրբեջանի կողմից Արցախի լիակատար շրջափակման հետևանքով հանրապետությունում ստեղծված իրավիճակն էր և դրա հաղթահարման մեխանիզմները։ Արծարծվել են նաև բնակչության պարենային խնդիրների լուծման, գյուղատնտեսական ապրանքների գնագոյացման, կենսական նշանակության ապրանքների բաշխման հետ կապված և այլ հրատապ խնդիրներ: Նախագահ Շահրամանյանը նշել է, որ կառավարությունը պետք է օպերատիվ…

Թուրքիայում գազային հանգույցի ստեղծումը հետաձգվել է Մոսկվայի և Անկարայի միջև տարաձայնությունների պատճառով: Չի լուծվում այն հարցը, թե որ կողմն է այն շահագործելու։ Այդ մասին հայտնել է Reuters գործակալությունը՝ վկայակոչելով իրավիճակին ծանոթ երկու աղբյուրի։ «Կան կառավարման խնդիրներ, նրանք պայքարում են, թե ով պետք է կառավարի հանգույցը»,- ասել է գործակալության զրուցակիցը, որը ցանկացել է անանուն մնալ: «Գազպրոմին»…

Շաբաթ օրը՝ սեպտեմբերի 16-ից, ռուսական պետհամարանիշներով մարդատար մեքենաներին այլևս չեն թույլատրի մուտք գործել Ֆինլանդիա, հայտարարել է երկրի ԱԳՆ-ն։ Ֆինլանդիան այս արգելքն ընդունում՝ հետևելով Լիտվային, Լատվիային և Էստոնիային։ Միակ եվրոպական երկիրը, որտեղ կարող են մուտք գործել ռուսական համարանիշներով մեքենաները, Նորվեգիան է (Մուրմանսկի մարզի սահմանային անցակետով): Եվրոպական երկրները նման որոշումներ են ընդունում Եվրահանձնաժողովի հանձնարարականների հրապարակումից հետո։

ՌԴ նախագահի մամուլի քարտուղար Դմիտրի Պեսկովը լրագրողների հետ հանդիպման ժամանակ խոսել է Բաքվի և Երևանի հետ Մոսկվայի համագործակցության մասին: «Ռուսաստանը հետևողականորեն աշխատում է Բաքվի և Երևանի հետ, քննարկվում և մշակվում են մի շարք տարբերակներ: Մենք կշարունակենք այդ աշխատանքը: Վերջերս էլ ստացվել է հումանիտար բեռների առաջին խմբաքանակը, որը կազմակերպվել է ռուսական կողմի ջանքերի շնորհիվ»,- ասել է…

ԱՄՆ նախագահ Ջո Բայդենի առաջարկով ամերիկացիների ամենահարուստ 0,01%-ից պահանջվում է առնվազն 25% հարկ վճարել։ Կբարձրացվի նաև 400.000 դոլար վաստակող ամերիկացիների հարկային դրույքաչափը՝ 37%-ից մինչև 39,6%: Ներդրողները, որոնք վաստակում են առնվազն 1 միլիոն դոլար, ստիպված կլինեն այդ 39,6%-ը վճարել իրենց երկարաժամկետ ներդրումներից, որոնք հարկվում են 20%-ով: Կորպորատիվ հարկի դրույքաչափը 21%-ից կբարձրանա 28%-ի՝ չեղարկելով Թրամփի ստորագրած հերթական…

Սաուդյան Արաբիայի իշխանությունները Եմենի հութիների «Անսար Ալլահ» շարժման պատվիրակությանը պաշտոնապես հրավիրել են այցելել Թագավորություն՝ այդ երկրրում հրադադարի հարցով բանակցելու համար, հայտնում է Սաուդյան Արաբիայի ԱԳՆ-ն։ Սեպտեմբերի 14-ի երեկոյան Al Mayadeen հեռուստաալիքը հաղորդել է, որ հութիների ներկայացուցիչները Սանայից մեկնել են Ռիադ՝ Օմանից ժամանած պատվիրակության ուղեկցությամբ, որը միջնորդ է Սաուդյան Արաբիայի իշխանությունների և «Անսար Ալլահի» ղեկավարության միջև:…

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 15-ին` ժամը 09:30-ի սահմաններում, ամրաշինական աշխատանքներ են կատարել Ասկերանի շրջանում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այդ մասին հայտնում են ԼՂ ՊՆ-ից:

ԱՄՆ կոնգրեսական Ֆրանկ Փալոնը շնորհակալություն է հայտնել ԱՄՆ Սենատի արտաքին հարաբերությունների հանձնաժողովի նախագահ, սենատոր Բոբ Մենենդեսին՝ ԼՂ իրավիճակի վերաբերյալ լսումների համար: «Շնորհակալություն, սենատո՛ր Մենենդես, Արցախում շարունակվող հումանիտար ճգնաժամի վերաբերյալ այս չափազանց կարևոր լսումների անցկացման համար։ Դա օգնեց լույս սփռել Ալիևի էթնիկ զտումների կանխամտածված արշավի վրա, որն Ադրբեջանը շարունակում է Լաչինի միջանցքի անօրինական շրջափակմամբ»,- կոնգրեսականը գրել…

ԱՄՆ Պետքարտուղարության խոսնակ Մեթյու Միլլերը, ճեպազրույցի ժամանակ պատասխանելով Կովկասի բանակցությունների գծով ավագ խորհրդական Լու Բոնոյի՝ տարածաշրջանում գտնվելու վերաբերյալ հարցին, նշել է, որ դեռ հատուկ թարմացումներ չկան. «Նա շարունակում է զբաղվել ինչպես կարճաժամկետ առաջնահերթությամբ, որը Լաչինի միջանցքի վերաբացումն է, այնպես էլ, իհարկե, մեր երկարաժամկետ առաջնահերթությամբ, որը ես անվանում եմ երկարաժամկետ, բայց մենք իսկապես ցանկանում ենք, որ…