Ախալքալաքի մունիցիպալիտետի քաղաքապետ Մելքոն Մակարյանը քաղաքապետարանում հյուրընկալել է քաղաքապետարանի երիտասարդական խորհրդի անդամներին և Ախալքալաքի թիվ 4 հանրային դպրոցի աշակերտներին։
Միջոցառման առաջին մասը, որը տեղի է ունեցել քաղաքապետարանի «Ապագայի տան» դահլիճում, անցկացվել է շրջակա միջավայրի պաշտպանության արշավի և ոչ ֆորմալ կրթության խթանման շրջանակներում։ Մասնակցել են Ախալքալաքի թիվ 4 հանրային դպրոցի աշակերտներն և քաղաքապետարանի երիտասարդական խորհրդի անդամները։
Միջոցառման նպատակն էր ներգրավել երիտասարդներին և աջակցել կրթությանը, որպեսզի աշակերտները կարողանան կինոյի միջոցով իմանալ շրջակա միջավայրի խնամքի ազդեցության մասին մարդու առողջության և բարեկեցության վրա։
Հարկ է նշել, որ քաղաքապետարանի երիտասարդական խորհուրդը և Ախալքալաքի թիվ 4 հանրային դպրոցը համատեղ իրականացնում են կրթական նախագիծ, որը ներառում է «նորարարական դասերի» անցկացում գրադարանում, թանգարանում և կինոթատրոնում։
Մելքոն Մակարյանը հյուրերին շրջայց կատարեց քաղաքապետարանի շենքում և աշխատանքային տարածքներում, խոսեց կրթության կարևորության մասին, շնորհավորեց նրանց ակադեմիական հաջողությունների համար և նշեց, որ կրթությունը տեղի է ունենում ոչ միայն ֆորմալ ուսումնական միջավայրերում: Նրա խոսքով՝ նման միջոցառումները նպաստում են երիտասարդների իրազեկվածության բարձրացմանը, քաղաքացիական աջակցության ամրապնդմանը, պետական լեզվի դասավանդման որակի բարելավմանը և կրթական գործընթացում հաջողությունների հասնելուն։
Քաղաքապետը շնորհակալություն հայտնեց ուսանողներին ակտիվ ներգրավվածության և համագործակցության համար և մաղթեց հաջողություններ ապագա ջանքերում։
Ֆիլմի դիտմանը և քննարկմանը ներկա էին նաև քաղաքապետի տեղակալներ Թեյմուրազ Մճեդլիձեն և Մկրտիչ Մղդեսյանը,
քաղաքապետարանի կրթության, մշակույթի, սպորտի, հուշարձանների պաշտպանության և երիտասարդության հարցերի վարչության պետ Օլգա Մելիքիձեն և քաղաքապետարանի երիտասարդական խորհրդի ղեկավար Թամար Միքելաձեն։