Ադիգենիի մունիցիպալիտետի քաղաքապետ Գոչա Քիմաձեն, առաջին տեղակալ Արսեն Բալախաշվիլին, Սակրեբուլոյի նախագահի առաջին տեղակալ Զազա Մղեբրիշվիլին և տեղական ինքնակառավարման մարմինների այլ ներկայացուցիչներ հանդիպումներ են անցկացրել Շոլավերի, Ունծայի, Բենարայի, Խարջամի, Ծախանի, Ծախանծղարոյի և Քիքինեթի գյուղերի բնակիչների հետ։
Հանդիպումների ընթացքում մունիցիպալիտետի ղեկավարները լսել են բնակիչների կարիքներն ու մտահոգությունները, քննարկել նրանց համար կարևոր հարցերը և անդրադարձել գյուղերում առկա խնդիրների լուծման հնարավոր ուղիներին։
Քննարկումների ընթացքում տեղացիների հետ համատեղ անդրադարձ է կատարվել նաև հաջորդ տարի նախատեսվող նախագծերին և դրանց իրականացման առաջնահերթություններին։
Բնակչության հետ անմիջական շփումը տեղական ինքնակառավարման մարմինների աշխատանքի կարևոր ուղղություններից է։ Նման հանդիպումների նպատակն է տեղում ծանոթանալ գյուղերի կարիքներին ու առկա մարտահրավերներին, լսել բնակիչների կարծիքները և դրանց հիման վրա նախանշել հետագա ծրագրերն ու առաջնահերթությունները։