Բնապահպանության և գյուղատնտեսության նախարար Օթար Շամուգիան հանդիպել է Վրաստան սննդամթերք և սպառողական ապրանքներ ներկրող խոշոր առևտրային ցանցերի և ընկերությունների ներկայացուցիչների հետ։
Բնապահպանության և գյուղատնտեսության նախարարության հաղորդագրության համաձայն, հանդիպմանը նշվել է, որ կարևոր է, որ ընկերությունները պահպանեն սոցիալական պատասխանատվությունը` միաժամանակ պահպանելով ապրանքների կայուն մատակարարումը սպառողական շուկայում, որպեսզի չառաջացնեն անհիմն թանկացումներ:
«Ստեղծված իրավիճակում կարեւոր է պետության կողմից անհրաժեշտ ուղղությունների աջակցությունը, ինչպես նաեւ բիզնեսի կողմից հատուկ պատասխանատվությունը։ Ստեղծված իրավիճակի մասին տեղեկություններ ենք ստացել ներկրողներից և առևտրային ցանցերի ներկայացուցիչներից: Ամբողջ պատասխանատվությամբ հայտարարում եմ, որ պաշարների պակաս չկա։ Հանդիպմանը պայմանավորվեցինք, որ ներկրողների և մատակարարների հետ աշխատելու ենք մաքսիմալ համակարգված»,- ասել է Օթար Շամուգիան։
Վրաստանի դիստրիբյուտորական ասոցիացիայի ղեկավար Իվա Ճղոնիայի խոսքով, այս փուլում շուկայում իրավիճակը կայուն է, սակայն վերջին օրերին առևտրային ցանցերի մատակարարման հետաձգումներ են նկատվում, ինչը կապված է բնակչության կողմից առատ գնումների և արհեստականորեն հանգեցնում է դեֆիցիտի:
«Որոշ ապրանքանիշերի հետ կապված ձախողումները պայմանավորված են լոգիստիկ շղթայի քայքայմամբ, բայց եթե այսօր որոշակի ապրանքանիշի ձեթ, հնդկաձավար կամ շաքար վաճառասեղանին չկա, դա չի նշանակում, որ երկու-երեք օրից չի լինի, ուստի բնակչությանը կոչ եմ անում ավելորդ գնումներով չվնասել իրենց»,- ասաց Իվա Ճղոնիան։
Բնապահպանության և գյուղատնտեսության նախարարության տվյալներով՝ համապատասխան ծառայությունները մշտապես վերահսկում են երկրում սննդի անխափան մատակարարումն ու համալրումը, ինչպես նաև համակարգում են խոշոր առևտրային ցանցերի և Վրաստան սննդամթերք և սպառողական ապրանքներ ներկրող ընկերությունների ներկայացուցիչների հետ։