Վրաստանի խորհրդարանի նախագահ Շալվա Պապուաշվիլին հայտարարել է, որ Վրաստանի և Ուկրաինայի իշխանությունների միջև որևէ շփում չի եղել Վրաստանի խորհրդարանում Ուկրաինայի նախագահ Վլադիմիր Զելենսկու ելույթի հարցի շուրջ։
Շալվա Պապուաշվիլին պատասխանել է «Միացյալ ազգային շարժման» անդամ Խատիա Դեկանոիձեի հայտարարությանը, ըստ որի՝ «նախագահ Զելենսկին պատրաստ է միանալ Վրաստանի խորհրդարանին և դիմել վրաց հասարակությանը»։
Ինչպես նշել է Պապուաշվիլին, զարմանալի է, թե ինչու է Վրաստանի խորհրդարանի անդամը խոսում արտասահմանյան երկրի վարչակազմի անունից։
«Խոսում են ուկրաինական իշխանությունների անունից, ուզում է միանալ, չի ուզում, ուկրաինական իշխանություններին չեն էլ հարցրել։ Սա նաև ցույց է տալիս, թե որն է սրա իրական նպատակը։ Սա հերթական անգամ հիստերիա առաջացնել է։ Ընդհանրապես զարմանալի է, թե ինչպես և ինչ կապ ունի Վրաստանի խորհրդարանի պատգամավորը արտասահմանի երկրի վարչակազմի հետ, ինչու է խոսում նրանց անունից։ Վրաստանի եւ Ուկրաինայի իշխանությունների միջեւ այս հարցով որեւէ հաղորդակցություն չի եղել, ուստի այս հարցը պարզ է։ Մենք չենք պատրաստվում որեւէ նախաձեռնությամբ հանդես գալ»,- ասել է Շալվա Պապուաշվիլին։
Աղբյուր՝ 1tv.ge