ՆԱՏՕ-ն չի ճանաչում ապրիլի 10-ին Հարավային Օսիայում տեղի ունեցած այսպես կոչված նախագահական ընտրությունների օրինականությունը։
Այս մասին այսօր՝ ապրիլի 11-ին, Twitter-ի իր պաշտոնական էջում գրել է Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան։
«ՆԱՏՕ-ն չի ճանաչում կիրակի օրը վրացական Հարավային Օսիայում տեղի ունեցած ընտրությունների օրինականությունը։ Դաշինքը շարունակում է աջակցել Վրաստանի ինքնիշխանությանը և տարածքային ամբողջականությանը նրա միջազգայնորեն ճանաչված սահմաններում»,- գրել է Կոլոմինան։
#ՆԱՏՕ չի ճանաչում կիրակի օրը վրացական Հարավային Օսիայի տարածքում տեղի ունեցած ընտրությունների օրինականությունը։ Դաշինքը շարունակում է աջակցել Վրաստանի ինքնիշխանությանը և տարածքային ամբողջականությանը միջազգայնորեն ճանաչված սահմաններում։
— Խավիեր Կոլոմինա (@JavierColominaP) 11 ապրիլի, 2022 թ