Հարավային Կորեայի նախագահ Յուն Սուկ Յոլը չհայտարարված այցով ժամանել է Ուկրաինա:
Նա կնոջ հետ Ուկրաինա է ժամանել Լեհաստանից։ Նախագահը Եվրոպա է այցելել՝ Լիտվայում ՆԱՏՕ-ի գագաթնաժողովին մասնակցելու նպատակով։ Yonhap գործակալության տվյալով՝ Յունն այցելել է Բուչա և Իրպեն։
Ակնկալվում է նրա հանդիպումը Ուկրաինայի նախագահ Վոլոդիմիր Զելենսկու հետ:
Վերջին անգամ Հարավային Կորեայի նախագահը Զելենսկու հետ հանդիպում է անցկացրել այս տարվա մայիսին՝ ճապոնական Հիրոշիմայում, որտեղ տեղի է ունեցել G7 գագաթնաժողովը։