Իրանը երբեք չի ընդունի տարածաշրջանում աշխարհաքաղաքական որևէ փոփոխություն. Աբդոլլահիան

Մենք աջակցում ենք Հայաստանի և Ադրբեջանի միջև համաձայնություններին ու երկխոսությանը և երբեք չենք ընդունի տարածաշրջանում աշխարհաքաղաքական որևէ փոփոխություն և տարածաշրջանում առկա պատմական տարանցիկ ուղիների սահմանափակում։ Թեհրանում թուրք գործընկեր Հաքան Ֆիդանի հետ համատեղ մամուլի ասուլիսի ժամանակ հայտարարել է Իրանի արտաքին գործերի նախարար Հոսեյն Ամիր Աբդոլլահիանը։
«Եկել է ժամանակը ետևում թողնելու լարվածության և հակամարտության շրջանը և առաջ շարժվելու դեպի Կովկասում խաղաղության և համագործակցության շրջան։ Լավ պայմանավորվածություններ են ձեռք բերվել Իլհամ Ալիևի հետ»,- ասել է Աբդոլլահիանը։