Ռուսաստանի նախագահ Վլադիմիր Պուտինն ընդլայնել է Վրաստանի քաղաքացիների համար առանց վիզայի մուտքի հնարավորությունները։ Այդ մասին ասված է նախագահի հրամանագրում։
Այժմ Վրաստանի քաղաքացիները կկարողանան Ռուսաստան մուտք գործել առանց վիզայի 90 օրից ավելի ժամկետով այնտեղ մնալու համար։
Նախկինում այդ օրենքից չէին կարող օգտվել Վրաստանի այն քաղաքացիները, որոնք Ռուսաստան էին եկել աշխատանքի կամ սովորելու նպատակով։ Այժմ նրանց համար սահմանափակումները հանվել են։
Ռուսաստանի և Վրաստանի միջև առանց վիզայի ռեժիմը չեղարկվել է 2008 թվականի հակամարտությունից հետո։ 2012-ին Վրաստանը միակողմանիորեն սահմանել է առանց վիզայի ռեժիմ ՌԴ քաղաքացիների համար, և մինչ այժմ Ռուսաստանի քաղաքացիները կարող են մնալ հանրապետության տարածքում 365 օր անընդմեջ: Ժամկետը զրոյացվում է սահմանը հատելուց հետո։
Պուտինի ընդունած փոփոխությունները կատարվում են հրամանագրում, որը հրապարակվել էր 2023 թվականի գարնանը, երբ Ռուսաստանը վերացրել է վիզաները Վրաստանի քաղաքացիների համար։ Այդ ժամանակ նախագահ Սալոմե Զուրաբիշվիլին դա անվանել է սադրանք և առաջարկել վիզաներ մտցնել ռուսաստանցիների համար: Իշխող «Վրացական երազանք» կուսակցության ղեկավարությունը մերժել է այդ գաղափարը և հայտարարել ռուսաստանցի զբոսաշրջիկներին ներգրավելու ցանկության մասին։