2023

ԱՄՆ-ը մտահոգված է Լեռնային Ղարաբաղի իրավիճակով, որը պայմանավորված է Ադրբեջանի կողմից ռազմական գործողությունների շարունակմամբ: Այդ մասին ՄԱԿ-ի ԱԽ նիստում հայտարարել է ՄԱԿ-ում ԱՄՆ-ի մշտական ներկայացուցիչ Լինդա Թոմաս-Գրինֆիլդը: «Մենք կոչ ենք անում անմիջապես դադարեցնել նման գործողությունները: Ի գիտություն ենք ընդունում հայտարարություններն այն մասին, որ ռազմական գործողություններն ընդհատվել են, և եթե դա հաստատվի, ապա սա կլինի դրական…

ՄԱԿ-ի գլխավոր քարտուղարի՝ Եվրոպայի, Կենտրոնական Ասիայի և Ամերիկայի հարցերով օգնական Միրոսլավ Ենչան Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի բացման ժամանակ հայտարարեց, որ ԼՂ դեմ ռազմական ագրեսիան սկսելուց առաջ այդ մասին Ադրբեջանը տեղյակ է պահել ռուս-թուրքական համակարգման կենտրոնին և ՌԴ խաղաղապահներին:    «Զարգացումները հանգեցրին ռազմական գործողությունների կտրուկ սրացման: Ադրբեջանական ԶՈՒ-ն հատեց շփման գիծը: Ստացվեցին…

ԱՄԷ պետնախարար Ահմեդ բին Ալի Ալ Սայեղը Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի ժամանակ հայտարարեց` նիստը տեղի է ունենում, երբ Նյու Յորքում հավաքվում են աշխարհի առաջնորդները, որ ընդգծեն` որքան կարևոր և առաջնահերթ է երկխոսությունը և խաղաղ երկխոսության միջոցով աշխարհի ճգնաժամերը հաղթահարելը` պահպանելու համար ժողովուրդների անվտանգությունը և թույլ տալու համար բազմակողմ գործողություններով հաղթահարել ընդհանուր մարտահրավերներ:…

Մալթան խորապես մտահոգված է Ադրբեջանի կողմից Ղարաբաղի հայերի նկատմամբ վերջին գործողություններից՝ ՄԱԿ-ի Անվտանգության խորհրդի նիստում հայտարարել է Մալթայի արտաքին գործերի նախարար Իան Բորգը: «Մի քանի շաբաթ առաջ էր, որ ՄԱԿ-ի Անվտանգության խորհուրդը բոլոր կողմերին կոչ արեց կառուցողական երկխոսությւոն ծավալել: Նման գործողությունները խոչընդոտ են խաղաղության ճանապարհին: Մալթան դատապարտում է ցանկացած գործողություն, որը վտանգում է քաղաքացիների կյանքը:…

Եվրոպական Միությունը դատապարտում է Ադրբեջանի ռազմական գործողությունը Լեռնային Ղարաբաղի հայ բնակչության դեմ և ափսոսանք հայտնում այդ էսկալացիայի հետևանքով մարդկանց զոհվելու կապակցությամբ: Այդ մասին նշված է Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հայտարարության մեջ:    «Մենք ի գիտություն ենք ընդունել հրադադարի համաձայնության ձեռքբերման մասին համապատասխան հայտարարությունները: Ակնկալում ենք ռազմական գործողությունների անհապաղ և ամբողջական դադարեցում…

ԼՂ պետական նախարար Արթուր Հարությունյանը սեպտեմբերի 21-ին պետական կառավարման համակարգի պատասխանատուների մասնակցությամբ անցկացրել է աշխատանքային խորհրդակցություն, որի ընթացքում քննարկվել են ադրբեջանական ռազմական ագրեսիայի հետևանքով հանրապետությունում ստեղծված իրավիճակն ու անելիքները: Այդ մասին հայտնում են ԼՂ պետական նախարարի աշխատակազմից։   «Սեպտեմբերի 19-ին Ադրբեջանի կողմից սանձազերծված նոր ռազմական գործողությունների հետևանքով վատթարացել է առանց այդ էլ ծանր ճգնաժամային պայմաններում…

Լեռնային Ղարաբաղի մարդու իրավունքների պաշտպան Գեղամ Ստեփանյանը X-ի (նախկին Twitter) իր միկրոբլոգում գրառում է կատարել. «Մարդիկ հուսահատ փնտրում են միմյանց, զանգահարում են ՄԻՊ գրասենյակ՝ իրենց հարազատների մասին գոնե ինչ-որ նորություն իմանալու համար։   Ստեփանակերտի բոլոր փողոցները լեփ-լեցուն են տեղահանված, քաղցած, վախեցած և անորոշության մեջ գտնվող մարդկանցով»,- գրել է Ստեփանյանը: People are desperately looking for each other,…

Ադրբեջանական հարձակման հետևանքով Լեռնային Ղարաբաղի շուրջ ստեղծված իրավիճակը Նյու Յորքում քննարկել են Ադրբեջանի և Իսրայելի ԱԳ նախարարները:   Ջեյհուն Բայրամովը հայտարարել է, թե, իբր, Բաքվի գործողությունների նպատակը տարածաշրջանում խաղաղություն և կայունություն հաստատելն է։   Էլի Քոհենն իր հերթին նշել է, որ Իսրայելը շահագրգռված է բոլոր ոլորտներում Ադրբեջանի հետ գործակցության խորացմամբ։   Կողմերը պատրաստակամություն են հայտնել…

Հայաստանում Եվրամիության դիտորդական առաքելությունն ուժեղացրել է պարեկությունը հայ-ադրբեջանական սահմանային հատվածներում և առճակատման գծում, ինչպես նաև Սոթք գյուղի մոտ՝ տեղում ռազմական և անվտանգային ցանկացած զարգացումների մասին զեկուցելու համար։ Այդ մասին նշված է առաքելության X-ի (նախկին Twitter) պաշտոնական միկրոբլոգում:  «Մենք վերահաստատում ենք մեր հավատարմությունը մանդատին և տարածաշրջանում իրավիճակի կայունացմանը նպաստելուն»,- նշված է գրառման մեջ:

Ռուսական լրատվամիջոցները, վկայակոչելով ՌԴ ուժային գերատեսչության աղբյուրը, հայտնում են, որ Ադրբեջանի ԶՈՒ կորպուսի հրամանատարը, որի ենթակաները մեղավոր են ռուս խաղաղապահների զոհվելու համար, հեռացվել է պաշտոնից:   Նշվում է, որ ձերբակալվել են Լեռնային Ղարաբաղում ռուս խաղաղապահների մահվան գործով առաջին կասկածյալները:

ԼՂ կառավարությունը հայտարարություն է տարածել՝ տեղեկացնելով, որ ռազմական ագրեսիայի հետևանքով տարհանվածների համար այսօրվանից Ստեփանակերտում անվճար հիմունքներով կգործեն սննդի կետեր:   «Դրանց հասցեների մասին կտեղեկացնենք լրացուցիչ»,- նշված է հայտարարության մեջ:

Ֆրանսիայի արտգործնախարար Կատրին Կոլոննան X-ի (նախկին Twitter) իր միկրոբլոգում տեղեկացրել է ԱՄՆ պետքարտուղար Էնթոնի Բլինքենի հետ հանդիպման մասին:   «Մենք ևս մեկ անգամ հայտարարել ենք Ուկրաինային մեր լիակատար աջակցության և Լեռնային Ղարաբաղի հայերի իրավունքները հարգելու մեր հանձնառության մասին»,- նշել է Կոլոննան: Avec @SecBlinken nous avons redit notre plein soutien à l’#Ukraine et notre attachement au respect…

ՄԱԿ-ի Գլխավոր ասամբլեայի 78-րդ նստաշրջանի ընթացքում Իրանի նախագահը մամուլի ասուլիս է անցկացրել, մեկնաբանել վերջին զարգացումները Հարավային Կովկասում:   Էբրահիմ Ռայիսին շեշտել է, որ Ադրբեջանի և Հայաստանի միջև հակասություններն անընդունելի են։   «Մենք երկու կողմի հետ էլ կապի մեջ ենք և ասել ենք երկխոսության միջոցով խնդիրները լուծելու անհրաժեշտության մասին»,- հավելել է Իրանի նախագահը:

ԼՂ տեղեկատվական շտաբը հայտարարություն է տարածել:    «Ադրբեջանական կողմը խախտել է կրակը դադարեցնելու մասին սեպտեմբերի 20-ին ձեռք բերված պայմանավորվածությունը և Ստեփանակերտի մատույցներում կիրառել հրաձգային զինատեսակներ:   «Շահագրգիռ կողմերի ներգրավմամբ կոնկրետ քայլեր են ձեռնարկվում իրավիճակը հանգուցալուծելու նպատակով:   Հորդորում ենք չտրվել խուճապային տրամադրություններ տարածող գրառումներին և հետևել միայն պաշտոնական լրահոսին»,- նշվում է հայտարարության մեջ:

Իրանը ողջունում է կրակը դադարեցնելու վերաբերյալ Ադրբեջանի կառավարության և Լեռնային Ղարաբաղի հայերի ներկայացուցիչների միջև ձեռք բերված պայմանավորվածությունը՝ հայտարարել է Իրանի ԱԳՆ խոսնակ Նասեր Քանանին:   «Տարածաշրջանում մարտերը շարունակելու պատճառներ այլևս չկան: Ակնկալում ենք, որ առկա խնդիրները կլուծվեն երկխոսության միջոցով, Ադրբեջանի տարածքային ամբողջականության շրջանակում»,- ասել է Քանանին։   Նա ընդգծել է, որ պատերազմները որևէ արդյունք չեն…

Ադրբեջանը ռազմական ագրեսիա է կիրառել, որպեսզի ստիպի ժողովրդավարական հայկական Արցախի Հանրապետությանը հանձնվել բռնապետ Ալիևին՝ նշված է Ցեղասպանության կանխարգելման Լեմկինի ինստիտուտի X-ի (նախկին Twitter) միկրոբլոգում:   «Ռուսաստանը հայտարարել է, որ դա Ադրբեջանի «ներքին գործն» է՝ չնայած ռուս խաղաղապահների ձևական մանդատին՝ պաշտպանելու Արցախի քաղաքացիական բնակչությանը և կանխելու 2020 թվականի հրադադարի հայտարարության նման խախտումները:   Սեպտեմբերի 21-ին, Ռուսաստանն ադրբեջանական Եվլախ…

ՀՀ հատուկ հանձնարարություններով դեսպան Էդմոն Մարուքյանը X-ի (նախկին Twitter) իր միկրոբլոգում հրապարակել է ՌԴ պաշտպանության նախարարության տեսանյութը, որում ռուս խաղաղապահները տարհանում են Լեռնային Ղարաբաղի հայերին:   «Այս մարդիկ ստիպված են եղել լքել իրենց տները և տարհանվել են ռուս խաղաղապահների կողմից՝ առանց իրենց տարրական իրերի: Այսօր սպասվում է ՄԱԿ-ի Անվտանգության խորհրդի հրատապ նիստ։ Այս մարդկանց պաշտպանելու, իրենց…

ԼՂ-ի պատվիրակության կազմում են ԱԽ քարտուղարի պաշտոնակատար Սերգեյ Մարտիրոսյանը և «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը։ Ադրբեջանական կողմը ներկայացնում է պատգամավոր Ռամին Մամեդովը, որին Իլհամ Ալիևը նշանակել է Լեռնային Ղարաբաղի հայ բնակչության հետ շփումների պատասխանատու։ ԼՂ-ի ներկայացուցիչները Եվլախ են հասել Ռուսաստանի խաղաղապահ զորակազմի ուղեկցությամբ:    

ԱՄՆ պետքարտուղար Էնթոնի Բլինքենը շնորհավորել է Հայաստանին Անկախության օրվա առթիվ: «Միացյալ Նահանգներն աջակցում է Հայաստանի ինքնիշխանությանը, անկախությանը և տարածքային ամբողջականությանը, և շարունակում ենք հանձնառու լինել ապահովելու տևական ու արժանապատիվ խաղաղություն Հարավային Կովկասի տարածաշրջանի համար, որտեղ հարգված են բոլորի իրավունքները»,- ասվում է ուղերձում։

Ռուս խաղաղապահները ԼՂ երեք շրջաններից տարհանել են հինգ հազար հոգու: Այս մասին հայտնում է ՌԴ ՊՆ-ն: «Ռազմական ակտիվ գործողությունների մեկնարկից ի վեր խաղաղապահներն իրականացրել են Մարտակերտի, Մարտունու և Ասկերանի շրջանների խաղաղ բնակչության տարհանում: Խաղաղապահ զորախումբ է հասցվել մոտ 5000 մարդ: ԼՂ-ի բոլոր տարհանված բնակիչներին տրամադրվել են հանգստի վայրեր և տաք սնունդ»,- հայտնում են ՌԴ ՊՆ-ից::

Սեպտեմբերի 20-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Շվեյցարիայի Համադաշնության արտաքին հարաբերությունների դաշնային դեպարտամենտի ղեկավար Իգնասիո Կասիսի հետ: Հանդիպման ընթացքում հանգամանալից քննարկվել է սեպտեմբերի 19-ի առավոտյան Լեռնային Ղարաբաղի ժողովրդի դեմ Ադրբեջանի կողմից սանձազերծված հերթական լայնածավալ ագրեսիայի հետևանքով ստեղծված իրավիճակը: Արարատ Միրզոյանն ընդգծել է, որ Ադրբեջանը շարունակում…

Սեպտեմբերի 20-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Լիտվայի ԱԳ նախարար Գաբրիելիուս Լանդսբերգիսի հետ: ՀՀ արտաքին քաղաքական գերատեսչության ղեկավարն իր լիտվացի գործընկերոջն է ներկայացրել Լեռնային Ղարաբաղում ժողովրդի դեմ Ադրբեջանի կողմից իրականացվող էթնիկ զտումների վտանգը՝ շեշտելով, որ Ադրբեջանի ռազմատենչ և ագրեսիվ գործելաոճը ոչ միայն վտանգի տակ է…

Սեպտեմբերի 20-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը մասնակցել է «Ժողովրդավարության արդյունքները» համաժողովին։ Վերջինս համակարգում էր ԱՄՆ Միջազգային զարգացման գործակալության կառավարիչ Սամանթա Փաուերը։ Մինչև համաժողովի մեկնարկը նախարար Միրզոյանը զրույց է ունեցել ԱՄՆ պետքարտուղար Էնթոնի Բլինքենի հետ՝ շեշտելով Ադրբեջանի կողմից Լեռնային Ղարաբաղի ժողովրդի դեմ ագրեսիան և զանգվածային ոճրագործությունը դադարեցնելու համար միջազգային…

ԼՂ ՆԳՆ-ն հայտնում է, որ հաշվի առնելով ստեղծված իրավիճակը՝ Ներքին գործերի նախարարության ոստիկանության ծառայողները Ստեփանակերտ քաղաքի կենտրոնական ու ծայրամասային փողոցներում իրականացնում են ուժեղացված ծառայություն՝ բնակչության անվտանգությունն ապահովելու նպատակով։ «Հորդորում ենք տուրք չտալ խուճապային տրամադրություններ ստեղծող գրառումներին և ցուցաբերել զգոնություն»,- հայտնում են ՆԳՆ-ից:

Իտալիայի ԱԳ նախարար, փոխվարչապետ Անտոնիո Տայանին Հայաստանի և Ադրբեջանի առաջարկել է Հռոմի միջնորդությունը` Լեռնային Ղարաբաղի շուրջ իրավիճակի կարգավորման համար: Նա, մասնավորապես, երկու երկրի արտաքին գերատեսչությունների ղեկավարներին առաջարկել է հանդիպում անցկացնել իտալական մայրաքաղաքում: «Երեկ ես հանդիպեցի Հայաստանի և Ադրբեջանի ԱԳ նախարարներին, նրանց առաջարկեցի իտալական միջնորդությունը, մասնավորապես` հանդիպում Հռոմում»,- ասել է նա: Տայանին կարծիք է հայտնել` առկա…

ԼՂ ՆԳՆ արտակարգ իրավիճակների պետական ծառայությունից տեղեկացնում են, որ ԱԻ պետական ծառայությանը կից բացազատվել է օպերատիվ շտաբ, որտեղ հավաքագրվում են ռազմական գործողությունների մասնակից և քաղաքացիական այն անձանց տվյալները, որոնց գտնվելու վայրի մասին դեռևս որևէ տեղեկություններ չկան։ Հասցե` Փետրվարի 20, կառավարության շենքի առաջին հարկ։ Տեղեկատու հեռախոսահամարներ` 047940300 097215316

Հնդկաստանի պաշտպանության նախարարությունը նախատեսում է արտերկրում իր ռազմաօդային ուժերի ներկայության ընդլայնման ծրագրի շրջանակներում ռազմական կցորդներ նշանակել Հայաստանում, Իսպանիայում և Կոտ դ’Իվուարում։ Ինչպես տեղեկացնում է «Արմենպրես»-ը, վկայակոչելով «The Hindu businessline»-ը, այս մասին հայտնել է Հնդկաստանի ռազմաօդային ուժերի ավիացիայի գլխավոր մարշալ Չաուդհարին։ Նա նշել է, որ Հնդկաստանի ՊՆ-ն նաև նախատեսում կապի սպա ԱՄՆ ռազմաօդային ուժերի խաղաղօվկիանոսյան հրամանատարությունում:

Forza Italia-ի պատգամավոր, արտաքին հարաբերությունների հանձնաժողովի անդամ Անդրեա Օրսինին  անդրադարձել է Լեռնային Ղարաբաղում տիրող իրավիճակին: Այն ներկայացնում է Իտալիայում ՀՀ դեսպանության ֆեյսբուքյան էջը: «Չեմ կարող չկիսել ԵՄ արտաքին քաղաքականության հարցերով բարձր ներկայացուցիչ Ժոզեպ Բորելի հրատապ կոչը՝ Լեռնային Ղարաբաղում ռազմական բոլոր գործողությունները անհապաղ դադարեցնելու վերաբերյալ։ Պետք է վերադառնալ Լաչինի միջանցքի լիարժեք անցնանելիությանը»,- ասված է Օրսինիի գրառման…

ԼՂ մարդու իրավունքների պաշտպան Գեղամ Ստեփանյանն անդրադարձել է համացանցում տարածված լուսանկարին, որում պատկերված են Ստեփանակերտի օդանավակայանում հավաքված բազմաթիվ տարհանված բնակիչներ: «Ստեփանակերտի օդանավակայանից տարածված լուսանկարը միջազգային որոշ լրատվամիջոցների մոտ տպավորություն է ստեղծել, թե մարդիկ մեկնում են ինքնաթիռով։ Դա ճիշտ չէ, օդանավակայանը չի գործում 1990-ականներից, այն այժմ ծառայում է որպես ռուս խաղաղապահների շտաբ»,- X-ի իր էջում գրել…

Լեռնային Ղարաբաղի Մարդու իրավունքների պաշտպանի գրասենյակի հաղորդմամբ՝ սեպտեմբերի 20-ի ժամը 21:30-ի դրությամբ, զոհերի թիվը առնվազն 200 է, վիրավորներինը՝ ավելի քան՝ 400: Քաղաքացիական բնակչության շրջանում վիրավորների թիվը գերազանցում է 40-ը, որոնցից 13-ը երեխաներ են։ Այս պահին հաստատված տվյալով զոհերից տասը խաղաղ բնակիչ է, որոնցից 5-ը երեխաներ են։ ՄԻՊ գրասենյակը շարունակում է աշխատանքը անհետ կորածների ճակատագիրը պարզելու…