Ցուցահանդեսում ներկայացված էին Ախալցխայի արվեստի դպրոցի մանկավարժների ստեղծագործությունները, նկարիչ Համլետ Կոլյանի աշխատանքները, ինչպես նաև այլ հեղինակների գեղանկարներ։ Այցելուները հնարավորություն ունեցան ծանոթանալու տարբեր ժանրերի և ոճերի ստեղծագործություններին, որոնք արտացոլում էին հեղինակների ստեղծագործական աշխարհն ու գեղարվեստական մոտեցումները։
Միջոցառումը կազմակերպվել էր Սամցխե-Ջավախքի նկարիչների միության նախաձեռնությամբ՝ նպատակ ունենալով խթանել մշակութային կյանքը և ներկայացնել տեղի արվեստագետների աշխատանքները լայն հանրությանը։
Ցուցահանդեսի ավարտին մասնակիցներին հանձնվեցին ալմանախներ՝ որպես միջոցառման հիշատակ և ստեղծագործական գործունեության գնահատանքի նշան։
