Ադիգենիի մունիցիպալիտետի քաղաքապետ Գոչա Քիմաձեն, առաջին տեղակալ Արսեն Բալախաշվիլիի, Ադիգենիի կրթական ռեսուրսների կենտրոնի ղեկավար Թեա Դանգաձեի և Լելովանիի հանրային դպրոցի տնօրեն Մարիամ Քիմաձեի հետ միասին, հանդիպել է Լելովանիի հանրային դպրոցի աշակերտների ծնողների հետ։
Հանդիպման ընթացքում Գոչա Քիմաձեն ծնողներին տեղեկացրել է Լելովանիի հանրային դպրոցի վերանորոգման աշխատանքների մեկնարկի, ինչպես նաև աշակերտներին Ադիգենի գյուղաքաղաքի նորակառույց դպրոց տեղափոխելու մասին։
Տեղական ինքնակառավարման մարմինների ներկայացուցիչները լսել են ծնողների կարծիքներն ու առաջարկները և քննարկել կրթական գործընթացին առնչվող հարցեր։
Նշվել է, որ Ադիգենիի նոր դպրոցի բացումը նախատեսվում է մոտ մեկ ամսից։ Դպրոցի շահագործումից հետո Լելովանիի հանրային դպրոցի աշակերտները կտեղափոխվեն նոր կրթօջախ և կսովորեն առաջին հերթափոխով՝ երկրորդ հերթափոխի փոխարեն։