Ախալցխայի մունիցիպալիտետի քաղաքապետ Վարլամ Ծիկլաուրին քաղաքապետարանում հյուրընկալել է Ծուղրութ գյուղի հանրային դպրոցի 4-րդ դասարանի աշակերտներին։
Այցի շրջանակներում քաղաքապետարանի վարչական և իրավաբանական բաժնի ղեկավար Եվա Իվելաշվիլին երեխաների համար կազմակերպել է շրջայց վարչական շենքում՝ ներկայացնելով քաղաքապետարանի կառուցվածքային ստորաբաժանումների աշխատանքն ու դրանց հիմնական գործառույթները։ Նա նաև պատասխանել է աշակերտների հետաքրքրող հարցերին։
Վարլամ Ծիկլաուրին երեխաների հետ զրուցել է երիտասարդներին աջակցելու նպատակով քաղաքապետարանի կողմից իրականացվող ծրագրերի մասին և նրանց մաղթել հաջողություններ։
Հանդիպման ընթացքում աշակերտները պատմել են իրենց ապագա մասնագիտական երազանքների մասին։ Այցն ավարտվել է համատեղ լուսանկարներով։