Այսօր առավոտյան Նորվեգիայում պաշտոնապես մեկնարկել է Վրաստանի խորհրդարանական պատվիրակության այցը սկանդինավյան երկրներ։ Պատվիրակությունը գլխավորում է խորհրդարանի նախագահ Շալվա Պապուաշվիլին։
Պատվիրակության կազմում են Մակա Բոճորիշվիլին և Նիկոլոզ Սամխարաձեն։ Նաեւ ընդդիմադիր պատգամավոր Հերման Սաբոն։ Օրվա ընթացքում հանդիպումներ կանցկացվեն Նորվեգիայի թագավոր Հարալդ V-ի, Նորվեգիայի խորհրդարանի նախագահ Մասուդ Գարախանի, ինչպես նաև արտաքին հարաբերությունների և պաշտպանության մշտական կոմիտեի անդամների հետ։
Վրացական կողմից Օսլոյում քննարկման հիմնական թեման լինելու է Վրաստանի՝ ՆԱՏՕ-ին անդամակցելու գործընթացը և այդ հարցում Նորվեգիայի աջակցության ուժեղացումը։
Բացի այդ, խորհրդարանի նախագահը երեկ Նորվեգիայում հանդիպել է վրացական սփյուռքի անդամների հետ։ Շալվա Պապուաշվիլին կենտրոնացել է Վրաստանի եվրաինտեգրման գործընթացի վրա և խոսել ԵՄ թեկնածու երկրի կարգավիճակի հետ կապված ակնկալիքների մասին։ Նորվեգիայից հետո Վրաստանի խորհրդարանի պատվիրակությունը կայցելի երեք երկիր, այդ թվում՝ Դանիա, Ֆինլանդիա և Շվեդիա։ Քննարկման առարկա է լինելու Վրաստանի՝ Եվրամիությանն անդամակցելու գործընթացը և այդ երկրների աջակցությունը կարգավիճակի տրամադրման հարցում։ Վրացական կողմը մտադիր է այդ երկրների ղեկավարներին բացատրել, թե ինչ բարեփոխումներ են իրականացվել երկրում, և ինչու է կարևոր Վրաստանի համար այդ կարգավիճակի տրամադրումը։Այս մասին տեղեկանում ենք Վրաստանի առաջին ալիքի կայքից։
Մեկնարկել է Շալվա Պապուաշվիլիի այցը սկանդինավյան երկրներ |
