Այսօր Վրաստանի ազգային հերոս Գիորգի Անծուխելիձեն կդառնար 38 տարեկան,- այս մասին «Ֆեյսբուք» սոցիալական ցանցում գրում է Վրաստանի վարչապետ Իրակլի Ղարիբաշվիլին։
Կառավարության ղեկավարի խոսքով՝ նման հերոսներն են ստեղծում Վրաստանի մեծ պատմությունը, ամրապնդում նրա անկախությունն ու պետականությունը։
«23-ամյա սերժանտի բարոյական խիզախությունը, անզիջողականությունը թշնամու առջև, նվիրումը հայրենիքին օրինակ է մեզանից յուրաքանչյուրի և գալիք սերունդների համար։
Մեր ողջ հասարակության հետ միասին ես խոնարհվում եմ նրա վառ հիշատակի առաջ»,- ասում է Իրակլի Ղարիբաշվիլին։
Այս մասին տեղեկանում ենք Վրաստանի առաջին ալիքի կայքից։