ԱՂԱՎՆՈ, ՀԱՅԱՍՏԱՆ- Ընդամենը մեկ ժամ առաջ մեր ընկերները զանգեցին մեզ Աղավնոյից ու տեղեկացրին, որ ռուս խաղաղապահները մտել են գյուղ և տնից տուն մտնելով ուժով դուրս են հանել այն մարդկանց, ովքեր որոշել էին մնալ իրենց տներում և դարավոր հայրենիքում:
Իրենց հայրենիքից ստիպողաբար հեռացված մարդկանց մի մասն ընտանիքներով ու իրենց պատկանող գույքով փոքր քարավան կազմած գնում են դեպի Ստեփանակերտ՝ բողոքի ցույցի: Շաբաթվա ընթացքում իրենց հայրենիքից ստիպողաբար հեռացած մարդկանց թիվն ավելի ու ավելի է մեծանալու:
Մինչ Աղավնոյից հեռանալը, Աղավնոյում բավականին երկար ժամանակ իր ընտանիքի հետ գտնվող քաղաքական գործիչ Սուրեն Պետրոսյանն ու մեր ընկեր Արթուր Հայրապետյանը այս կոչը տեսանկարահանեցին ու ուղարկեցին մեզ՝ խնդրելով Սփյուռքի օգնությունը՝ փրկել իրենց տներն ու հայրենիքը:
Աղբյուր ` anaunite.com