ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է ՄԱԿ-ի ԱԽ կողմից Լաչինի միջանցքի արգելափակման թեմայով քննարկումից հետո մամուլի համար նախատեսվող հայտարարությանը, որը չի հաջողվել ընդունել:
«Չնայած մեր կառուցողական տրամադրվածությանը՝ հայտարարության նախագծի ֆրանսիացի հեղինակներն անտեսել են ռուսական առաջարկների ճնշող մեծամասնությունը։ Մեր արևմտյան գործընկերներն իրենց մեջ քաջություն չգտան տեքստում փաստեր արձագնագրել, մասնավորապես, հիշատակել Ռուսաստանի, Ադրբեջանի և Հայաստանի ղեկավարների հայտարարությունները, որոնք ադրբեջանա-հայկական կարգավորման հիմքն են»,- նշել է Զախարովան՝ շեշտելով, որ ռուսական կողմը տրամադրված է զբաղվել ոչ թե պոպուլիզմով, այլ Լաչինի միջանցքի շուրջ իրավիճակի կարգավորման առարկայական աշխատանքով։