Բորժոմիի մունիցիպալիտետի Ճոբիսխևի գյուղում շարունակվում են ակումբի շենքի վերանորոգման աշխատանքները։ Այս մասին տեղեկություն է տարածում Բորժոմիի քաղաքապետարանը։ Նրանց խոսքով՝ նախագծով նախատեսվում է շենքի վերակառուցում և վերանորոգում։
«Ծրագիրը նախատեսում է շենքի վերակառուցում և վերանորոգում։ Մասնավորապես, կիրականացվեն մարզական և մշակութային շրջանակների համար նախատեսված գործող դահլիճների վերականգնում, ինչպես նաև կբարեկարգվեն գրադարանային տարածքները։ Կկառուցվեն հանդերձարաններ, ջրահեռացման համակարգ, ցնցուղներ և սանհանգույցներ։
Վերականգնողական աշխատանքները ֆինանսավորվում են տեղական բյուջեից։ Գյուղերում մշակույթի տների և ակումբների վերականգնումը Բորժոմիի քաղաքապետարանի առաջնահերթ ուղղություններից է։
Հիշեցնենք, որ անցած տարիներին ամբողջությամբ վերականգնվել են Ծաղվերիի և Ախալդաբայի մշակույթի տները»,- ասված է տեղեկատվության մեջ։