Գերմանիայի արևելքում ընտրության արդյունքները «անհանգստացնող» են. Շոլց

Ձայների հաշվարկի նախնական արդյունքների համաձայն՝ Գերմանիայում աջ ծայրահեղական «Այլընտրանք Գերմանիայի համար» կուսակցությունը (AfD) հաղթել է արևելյան Թյուրինգիա նահանգի խորհրդարանի ընտրությունում։

Ըստ DW-ի՝ AfD-ն ստացել է ձայների 32,8%-ը՝ առաջ անցնելով պահպանողական Քրիստոնեա-դեմոկրատական ​​միությունից (CDU), որը ստացել է ընտրողների 23,6%-ի աջակցությունը։

Սաքսոնիայում, սակայն, «Այլընտրանք Գերմանիայի համար» կուսակցությունը (AfD) զիջել է Քրիստոնեա-դեմոկրատական ​​միությանը (CDU): AfD-ն ստացել է 30,6% ձայն, CDU-ն՝ 31,9%:

Գերմանիայի կանցլեր Շոլցն «անհանգստացնող» է համարել նահանգային ընտրությունում  աջ պոպուլիստների արդյունքները:

«AfD-ն վնաս է հասցնում Գերմանիային, այն թուլացնում է երկրի տնտեսությունը, պառակտում է հասարակությունը և խաթարում Գերմանիայի հեղինակությունը», ասել է Շոլցը՝ Reuters-ին և հավելել. «Մեր երկիրը չի կարող և չպետք է ընտելանա դրան»։

Գերմանիայի կառավարության ղեկավարը նաև կոչ է արել «բոլոր դեմոկրատական ​​կուսակցություններին» ձևավորել կայուն տեղական ​​կառավարություններ՝ «առանց աջ ծայրահեղականների մասնակցության»։

Շոլցի SPD կուսակցությունը կարողացել է երկու նահանգում հաղթահարել 5 տոկոսանոց արգելքը և մտնել խորհրդարան։